'ਰੋਇਲ ਲਾਈਫ ਸੇਵਿੰਗ' ਦੀ 'ਨੈਸ਼ਨਲ ਡਰੋਨਿੰਗ ਰਿਪੋਰਟ 2024' ਦੇ ਅਨੁਸਾਰ ਆਸਟ੍ਰੇਲੀਆ ‘ਚ ਸਾਲ 2024 ਵਿੱਚ 323 ਲੋਕਾਂ ਦੀ ਡੁੱਬਣ ਕਾਰਨ ਮੌਤ ਹੋਈ ਸੀ। ਇੰਨ੍ਹਾਂ ਵਿੱਚੋਂ 83 ਲੋਕ ਹੋਰ ਦੇਸ਼ਾਂ ਵਿੱਚ ਪੈਦਾ ਹੋਣ ਵਾਲੇ ਸਨ।
ਮੈਲਬਰਨ ਦੇ ਰਹਿਣ ਵਾਲੇ ਕਰਮਜੀਤ ਕੌਰ ਪੇਸ਼ੇ ਤੋਂ ਫਿਜ਼ੀਓਥੈਰੇਪਿਸਟ ਹਨ ਪਰ ਉਹਨਾਂ ਨੂੰ ਆਸਟ੍ਰੇਲੀਆ ਵਿੱਚ ਆ ਕੇ ਸਵਿਮਿੰਗ ਸਿੱਖਣ ਦਾ ਮਨ ਬਣਾਉਣ ਵਿੱਚ ਕਈ ਸਾਲ ਲੱਗ ਗਏ।
ਐਸ ਬੀ ਐਸ ਪੰਜਾਬੀ ਨਾਲ ਗੱਲਬਾਤ ਕਰਦਿਆਂ ਉਹਨਾਂ ਦੱਸਿਆ ਕਿ ਉਹਨਾਂ ਨੂੰ ਪਹਿਲਾਂ ਕਦੇ ਸਵਿਮਿੰਗ ਸਿੱਖਣ ਦੀ ਲੋੜ ਮਹਿਸੂਸ ਨਹੀਂ ਹੋਈ। ਜਦੋਂ 40 ਸਾਲ ਦੀ ਉਮਰ 'ਚ ਉਹਨਾਂ ਸਵਿਮਿੰਗ ਸਿੱਖੀ ਤਾਂ ਉਹਨਾਂ ਦਾ ਪੂਰਾ ਨਜ਼ਰੀਆ ਬਦਲ ਗਿਆ।
ਮੈਲਬੌਰਨ ਤੋਂ ਫਿਜ਼ੀਓਥੈਰੇਪਿਸਟ ਕਰਮਜੀਤ ਕੌਰ।
'ਫੈਡਰੇਸ਼ਨ ਯੂਨੀਵਰਸਿਟੀ ਆਸਟ੍ਰੇਲੀਆ' ਵਿੱਚ ਸੀਨੀਅਰ ਅਕੈਡਮਿਕ ਤੇ ਖੋਜਕਾਰ ਡਾ. ਹਰਪ੍ਰੀਤ ਸਿੰਘ ਕੰਧਰਾ ਭਾਈਚਾਰੇ ਵਿੱਚ ਸਵਿਮਿੰਗ ਪ੍ਰਤੀ ਜਾਗਰੂਕਤਾ ਫੈਲਾਉਣ ਲਈ ਵੀ ਜਾਣੇ ਜਾਂਦੇ ਹਨ।
ਭਾਈਚਾਰੇ ਦੇ ਕੁੱਝ ਮੈਂਬਰਾਂ ਨਾਲ ਸਵਿਮਿੰਗ ਕਲਾਸ ਲੈ ਰਹੇ ਖੋਜਕਾਰ ਡਾ. ਹਰਪ੍ਰੀਤ ਕੰਧਰਾ Credit: Supplied by Dr. Harpreet Kandra.
ਉਹਨਾਂ ਐਸ ਬੀ ਐਸ ਪੰਜਾਬੀ ਨੂੰ ਦੱਸਿਆ ਕਿ ਇਸ ਪ੍ਰੋਗਰਾਮ ਨਾਲ ਬਹੁਤ ਸਾਰੇ ਲੋਕਾਂ ਨੂੰ ਲਾਭ ਹੋਇਆ ਹੈ। ਉਹਨਾਂ ਮੁਤਾਬਕ ਬੀਚਾਂ ਤੇ ਜਲ-ਸਰੋਤਾਂ ਵਾਲੇ ਦੇਸ਼ ਆਸਟ੍ਰੇਲੀਆ ਵਿੱਚ ਰਹਿੰਦੇ ਹੋਏ ਸਵਿਮਿੰਗ ਸਿੱਖਣਾ ਸਿਰਫ ਸੁਰੱਖਿਆ ਲਈ ਹੀ ਜ਼ਰੂਰੀ ਨਹੀਂ ਹੈ ਬਲਕਿ ਇਸ ਤੋਂ ਬਿਨਾਂ ਇੱਥੇ ਜ਼ਿੰਦਗੀ ਵੀ ਅਧੂਰੀ ਹੈ।
ਪੂਰੀ ਗੱਲਬਾਤ ਇੱਥੇ ਸੁਣੋ...
ਆਸਟ੍ਰੇਲੀਆ ਵਿੱਚ ਜ਼ਿੰਦਗੀ ਦਾ ਪੂਰਾ ਆਨੰਦ ਲੈਣਾ ਹੈ ਤਾਂ ਜ਼ਰੂਰ ਸਿੱਖੋ ਸਵਿਮਿੰਗ
17:28
ਐਸ ਬੀ ਐਸ ਪੰਜਾਬੀ ਦੁਨੀਆ ਭਰ ਦੀਆਂ ਤਾਜ਼ਾ-ਤਰੀਨ ਖ਼ਬਰਾਂ ਸਮੇਤ ਉਨ੍ਹਾਂ ਕਹਾਣੀਆਂ ਨਾਲ ਜੋੜਦਾ ਹੈ ਜੋ ਆਸਟ੍ਰੇਲੀਆ ਵਿਚਲੇ ਜੀਵਨ ਅਤੇ ਪੰਜਾਬੀ ਬੋਲਣ ਵਾਲੇ ਆਸਟ੍ਰੇਲੀਅਨ ਭਾਈਚਾਰੇ ਲਈ ਅਹਿਮ ਹਨ।
ਸਾਡਾ ਲਾਈਵ ਪ੍ਰੋਗਰਾਮ ਤੁਸੀਂ ਸੋਮਵਾਰ ਤੋਂ ਸ਼ੁੱਕਰਵਾਰ ਸ਼ਾਮ 4 ਵਜੇ SBS ਦੇ ਡਿਜੀਟਲ ਰੇਡੀਓ ਉੱਤੇ, ਆਪਣੇ ਟੈਲੀਵਿਜ਼ਨ 'ਤੇ ਚੈਨਲ 305 ਉੱਤੇ,ਜਾਂ ਸਟ੍ਰੀਮ ਰਾਹੀਂ ਸੁਣ ਸਕਦੇ ਹੋ। ਹੋਰ ਜਾਣਕਾਰੀ ਲਈ ਸਾਨੂੰ , ਅਤੇ 'ਤੇ ਫਾਲੋ ਕਰੋ।
