Raws li tus coj lub koom haum Australian Jewry (ECAJ) hais ces tsiab no ces yeej tau muaj tej kev cej luam txog tej xwm txheej tawm tsam nrog neeg Jewish ntau tuaj ntxiv tshaj peb npaug lawm.
Alex Ryvchin uas yog tus koom tswj tau qhia tias tej zejzog neeg Jews tab tom 'raug lwm tus ua phem rau ntau tuaj ntxiv, raug lwm tus ntxub ntau tuaj ntxiv, raug cais tsis pub koom ntau tuaj ntxiv, raug lwm tus hais lus phem rau ntau tuaj ntxiv, ib co xwm txheej twg uas tau tshwm sim no ces yeej cuam tshuam txog tej neeg Jews lub cim thawj.''
Yog tej yam uas peb yeej cav tsis dhau li tias, yeej muaj tej teeb meem nod ntawm no, thiab yeej muaj tseeb tiag, thiab muaj txog rau theem uas peb tsis tau pom muaj dhau los ntawm lub teb chaws no li.
Sarah Bendetsky yeej tau loj hlob ntawm teb chaws Russia, uas nws yeej tau ntsib tej xwm txheej cuam tshuam txog tej tswv yim tsis nyiam tej neeg Jews txij li thaum nws tseem yog ib tug me nyuam yaus los lawm. Nws tau qhia rau SBS Examines tias nws yeej tsis ib txwm tau ntsib tej xwm txheej no ntawm teb chaws Australia no li los txog ntua rau lub caij tsis ntev los no xwb.
"Tom qab hnub tim 7 lub 10 hli ntuj [2023], tej lus tawm tswv yim uas tsis nyiam teb chaws Israel tau ras los ua ib cov kev tawm tswv yim uas tsis nyiam tej neeg Jews, ntawm peb tej qab vag tsib taug lawm.''
Nws tau hais tias yeej muaj ib tug neeg txawv uas nws tsis paub mus ntsib nws tus ntxhais nyuam qhuav nto nkauj rau thaum nws tseem mus rau ntawm tsev kawm ntawv, thiab tau ''qw rau nws tias 'heil Hitler' rau nws ntsej muag, thiab tseem tsa te li hawm nws li Nazi salute thiab.''
Sarah yeej yog tus tswj lub koom haum , uas yog ib lub koom haum pab tej neeg txom nyem uas pab tej zaub mov uas haum raws li tej neeg Jews tej kab lis kev cai rau tej neeg txom nyem noj ntawm Melbourne.
Nws tau hais tias muaj neeg muab lub tsheb truck uas thauj tej zaub mov no lub log tsheb nkaug thaum tsaus ntuj, thiab tseem muaj ib cov lus ''ntxub ntxaug ntau heev cem lawv hauv online''.
Sarah thiaj hais tias "Ib tug neeg ua khw muag cafe ntawm Melbourne uas tau siv tag nrho tej nyiaj nws tau los coj mus nrhiav zaub mov rau tej xeeb leej xeeb ntxwv ntawm tej neeg tshaib nqhi no, muaj feem cuam tshuam dab tsi nrog tej tsov rog ntawm teb chaws Israel?''
"Lub tswv yim tsis nyiam tej neeg Jews thiaj tsuas yog ib cov kev siv coj los ua chaw yeb xwb.''
Toom xov xwm no nug tias: lub tswv yim tsis nyiam neeg Jews (Antisemitism) yog dab tsi, thiab puas yog tias tab tom pauv hloov?
