Xov xwm luv tshaj tawm hnub zwj Hli (Monday news 16.01.2025):
Tej neeg xaiv nom ntawm Melbourne lub rooj nom Chisholm hais tias tej nuj nqes siv ua lub neej tseem yog tej yam tseem ceeb rau lawv cov kev txiav txim siab tias seb yuav xav nom teb chaws tom ntej no li cas, rau lub caij Peter Dutton uas yog tus coj ntawm lwm pab nom teb chaws tau cog lus tias yuav daws tej teeb meem no, pab kom lagluam zoo thiab xyuas kom tsoom fwv tsis txhob nkim nyiaj. Ua ke no los kuj yuav xyuas kom siv tau cov nuclear energy los tsim hluav taws xob siv thiab pab nyiaj $7.5 million los tawm tsam tej neeg ua txhaum cai tom qab tau muaj neeg phem txuag xim rau neeg Jews ib lub tsev teev hawm ntawm Sydney hnub tuaj ces tus haus xeev thiaj xav txheeb tsab cai vilification and hate laws.
Tib lub caij no los thawj pwm tsav kuj tau muaj lub rooj sab laj nrog nws tej nom tswv xeev xyoo 2025 no. Limtiam dhau los nws tau hais tias 3 lub xeev li Queensland, Northern Territory thiab Western Australia yog cov xeev yuav txiav txim tias seb pab nom twg yuav yeej xaiv tsa ua tsoom fwv tshiab. Ua ke no los nws kuj cob lus tias yuav siv nyiaj 3 billions los tsim cov National Broadband Network thiab siv $200 million los kho Queensland txoj kev tsheb Bruce Highway thiab.
India lub nroog Prayagraj npaj yuav tos ntau millions tus neeg mus koom lub koom txoos Kumbh Meta uas ua ib zaug twg txhua txhua 12 xyoos thiab yuav ua ntxiv 6 limtiam tom ntej no.
Meskas tej tub rog uas tseem ua tub rog tam sim no npaj txhij lawm uas yuav raug xa mus pab tua kob hav zoov kub hnyiab uas kub thoob Los Angeles.
Ntshe yuav muaj tej GP Clinics tsawg tshaj qub ntxiv siv cov bulked-billing ces thiaj yuav ua rau tej neeg mob tau them nqe kho mob kim tuaj ntxiv rau lub caij lub koom haum Cleanbill tsab ntawv cej luam ib xyoos ib zaug txheeb tej clinics ze txog li 7,000 lub ces pom tias muaj cov kev siv cov bulk billing tsawg txog li 15% txij pib xyoo 2025 no lawm.
Vientiane Times qhia tias Suav luv tuam txhab Houawei tau coj lub xov tooj tshiab hu ua Mate X6 muag hauv teb chaws Nplog lawm.
The Laotian Times tau tshaj tawm tias nom tswv Nplog tau pib los tswj tsis pub tua tej tsiaj qus nruj tuaj ntxiv, Nplog thiab Cob Tsib tau siv ib lub QR code kom muaj peev xwm siv tau nyiaj ua lgluam hla ciam teb ntawm ob lub teb chaws no, thiab tseem muaj txog li ntawm 300 yim neeg tej av uas raug siv coj los ua txoj kev tsheb ciav hlau Lao-China Railway tseem tsis tau tej nyiaj paj tshab them pauj rau lawv tej av.
Bangkoj Post tau tshaj tawm tias Thaib 3 pab nom tseem ceeb li Pheu Thai, Bhumjaitai thiab People's Party tseem tab tom npaj yuav los sib tw seb yuav yeej ua cov coj ntawm lub koom haum tswj tej nom tswv xeev li cas tom qab tau muaj ntau tus coj ntawm tej xeev tau tawm tsis ua hauj lwm.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum los yog lwm cov podcast platforms (, , thiab ).
