Xov xwm luv tshaj tawm hnub zwj Quag (Tuesday news 21.01.2025):
Meskas tus president Donald Trump tau qhia tias nws yuav pib los ua tej hauj lwm tseem ceeb yuav xub xub ua ua ntej raws nws lub fwj chim executive orders. Lub caij nws hais lus nws tau qhia tias yuav siv state of emergency tswj Meskas cov ciam teb sab qab teb tsis pub tej neeg thoj nam txhaum cai mus rau nws lub teb chaws thiab yuav muab tej no ntau million tus xa rov qab. Nws yuav siv cov national energy emergency kom txhawb nqa tau tej lagluam roj thiab gas ntawm Meskas thiab yuav tsis ua raws tsab cai Paris Agreement. Nws kuj yuav teeb tsa pawg nom External Revernue Services kom tsib tau tej neeg tiv Meskas nqe thiab uas cov khaws tej se tariff uas xa khoom muag rau Meskas. Ces Mr Trump thiaj tau lees ua Meskas tus nom zum 47 thiab yog tus muaj hnoob nyoog siab tshaj plaws.
Penny Wong uas yog Australia tus nom tswj dej num txawv teb chaws kuj hais tias tej zaum Australia yuav tsis raug Meskas tsub se rau tej khoom xa muag ntawm nws teb chaws.
Joe Biden uas yog Meskas tus nom kuj tau siv lub sij hawm ib teev kawg los zam txim rau 3 tug nom tseem ceeb, li Dr Anthony Fauci uas yog tus Chief Medical Advisor, General Mark Milley uas yog ib tug hau rog dhau los thiab Liz Cheney uas yog ib tug nom senator ntawm pab nom Republican dhau los.
Nom tswv xeev thiab teb chaws Australia kuj npaj yuav los daws tej teeb meem tsis muaj peev xwm yuav tau tsev nyob rau lub caij muaj ib cov kev teeb txheeb tshiab qhia tias vim tej nqe tsim vaj tse kim tuaj ntxiv ces thiaj tsis muaj peev xwm ua tau tsev kom ntau ntxiv.
Bangkok Post tau tshaj tawm tias tau muaj ib tug nom tseem ceeb ntawm teb chaws Thaib tau hais kom tsoom fwv Thaib rov qab ua tib zoo xav kom zoo txog cov free visa uas pub rau tej neeg Suav mus ncig teb chaws Thaib rau lub caij uas nom tswv Thaib txhom tau ib tug neeg Suav uas tau dag ntxhias tej neeg nyiaj tshaj USD 15 million.
Alex de Minaur yuav mus sib tw Australia Open Tennis nrog Jannis Skinner tom qab sib tw yeej Meskas tus txiv neej Alex Michelsen.
Australia pab poj niam sib tw cricket kuj sib tw yeej teb chaws Askiv pab thaum nws yeej 57 nceeg rau cov kev sib tw thawj cov T20 International ntawm Sydney.
Kuj tau muaj ib tug poj niam raug mob sab thiab tseem coj mus kho ntawm tsev kho mob thaum koom caij tsheb kauj vab sib tw rau cov kev sib twg Tour DownUnder.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum los yog lwm cov podcast platforms (, , thiab ).
