Key Points
- Hnub Australia Day ces yog hnub uas neeg Askiv tuaj tsa lawv tus chij Union Jack ntawm Sydney Cove xyoo 1788.
- Hnub tim 26 lub 1 hlis ntuj ces yog hnub pib ntawm neeg Askiv cov kev tuaj nam nias txeeb liaj ia teb chaws tswj hwm, uas yog ib feem ntawm Australia tej neeg txum tim Aboriginal thiab Torres Strait Islander tej keeb kwm raug tsub muj tsim txom.
- Raws li tau muaj cov kev ntsuam zej tsoom cov kev xav ces pom tias tej neeg Australia feem coob yeej xav kom siv hnub Australia Day rau hnub tim 26 lub 1 hlis ntuj li qub.
Hnub tim 26 lub 1 hlis ntuj ces yog hnub Australia Day, los sis yog hnub haiv ntawm lub teb chaws no. Tab sis yog xam rau tej neeg txum tim lawm, thiab ib txhia neeg Australia uas coob zuj zus ntxiv, ces tsis yog hnub ua kev zoo siab.
Boe Spearim ces yog ib tug neeg txum tim caj ceg neeg Gamilaraay, Kooma, thiab Murrawari uas tawm tsam pov puag neeg txum tim thiab kuj yog ib tug neeg kaw xov xwm ua suab, piav tias yog ib hnub uas nws tu siab heev.
“Xam rau kuv lawm, ces thaum sawv ntxov uas kuv pib hnub tshiab ntawd, ces yeej ua rau kuv mloog tau tias zoo li kuv mus koom ib lub ntees xwb. Kuv paub tias yeej tau muaj ib yam dab tsis phem tau tshwm sim lawm. Thiab yog ib hnub ua rau yus tu siab heev li.”
Vim li cas thiaj muab hnub Australia Day tso rau hnub tim 26 lub 1 hlis ntuj
Hnub tim 26 lub 1 hlis ntuj xyoo 1788 ces yog hnub neeg Askiv tuaj tsa lawv tus chij khaub lig (Union Jag) ntawm thaj chaw Sydney Cove, uas yog ib co kev pib cov kev tuaj nam nias liaj ia teb chaws tswj hwm.
Thiab tau pib siv hnub Australia Day uas yog hnub tim 26 lub 1 hlis ntuj txij li xyoo 1935 los xwb tab sis nyuam qhuav tau ras los ua hnub so (Public holidy) thoob plaws rau haiv neeg no xyoo 1994 xwb.
Yeej muaj ib co neeg Australia ua kev zoo siab rau hnub noli ci nqaij noj nrog lawv tej phooj ywg thiab lawv tsev neeg, mus ua si ntawm tej ntug suab puam ntawm hiav txwv los sis yog saib paj teeb hluav taws. Thiab yeej muaj ntau cov koom txoos ua kev zoo siab tos txais pej xeem tshiab rau hnub no.
Tab sis hnub tim 26 lub 1 hlis ntuj no ces kuj yog ib hnub raug neeg txum tim Aboriginal and Torres Strait Islander tawm tsam tias yog ib hnub ''Quaj nyiav'' txij li xyoo 1938 lawm. Thiab kuj tau muaj neeg Australia coob zuj zus ntxiv tsis kam ua kev zoo siab rau hnub no thiab tau hais kom muab hnub so rau haiv neeg no hloov mus ua rau lwm hnub txawv.
Rwg npoj rau hnub nam nias (Invasion Day) ntawm nroog Brisbane xyoo 2024. Source: AAP / JONO SEARLE
Vim li cas thiaj yog ib hnub uas neeg txum tim Australia raug tsub muj tsim txom?
Dr Summer May Finlay ces yog ib tug poj niam neeg txum tim caj ceg neeg Yorta Yorta yog ib tug senior lecturer ntawm tsev kawm qib siab University of Wollongong tshab txhais txog hnub tim 26 lub 1 hlis ntuj tias yog hnub qhia txog cov neeg txum tim Aboriginal and Torres Strait Islander cov kev pib raug tsim txom.
Nws hais tias "Yog hnub pib muaj cov kev ntxub ntxaug ib tsav neeg twg, yog hnub pib muaj cov kev faib cais, yog lub caij pib pom peb tej neeg tawg ua sab ua sua tawm ntawm peb tej zejzog thiab peb tej teb chaws uas peb tej poj koob yawm koob tau nyob los tau 65,000 xyoo."
Askiv cov kev tuaj nam nias yog ib co xwm txheej uas tau ua rau neeg txum tim Australia plam liaj ia teb chaws, raug tua coob heev, kis kab mob ntau yam thiab lawv tej me nyuam raug yuam cais thiab tshem tawm ntawm lawv tsev neeg coj mus tus rau ntawm lwm qhov chaw.
Tej teeb meem ntau yam uas tau muaj los ntawm cov kev tuaj nam nias no thiaj tau ua rau muaj cov system uas faib cais, ua rau neeg txum tim tsis tau txais kev noj qab haus huv, thiab ua rau lawv raug kaw tsev laj cuj coob heev, uas yog ib cov teeb meem uas peb yeej tseem pom muaj niaj hnub no.
Dr Finlay thiaj nqua hu kom tag nrho neeg Australia kawm kom paub txog lawv lub teb chaws tej keeb kwm.
Nws hais tias ''Kuv xav tias Australia yog ib lub teb chaws muaj ntau yam zoo. Thiab kuv paub tias tej neeg tuaj rau lub teb chaws no thiab yog pej xeem tshiab yuav lees paub thiab ras txog tej ntawd. Tab sis ua ke no los peb kuj muaj ib zaj keeb kwm ntawm peb lub teb chaws no uas yeej tsis tshua zoo thiab yeej tsis tshua raug lees paub thiab.''
Hloov, lees paub los sis tsis txhob siv hnub no?
Raws li tau muaj ntau cov kev ntsuam zej tsoom cov kev xav lawm ces pom tias . Tab sis txhua xyoo twg yeej muaj neeg coob zujzus ntxiv xav kom muab zej tsoom hnub zo no hloov.
Yeej muaj tej neeg txum tim Australia coob heev xav kom muab hnub no hloov, tab sis yeej muaj ib txhia xav kom xub lees paub lawv tej keeb kwm dua ntawm qhov hloov hnub no. Hos lwm cov neeg li Boe Spearim ntseeg tias tsim nyog tsis txhob muaj hnub no hlo li.
Nws hais tias ''Yog cov kev tso tseg tej neeg tuaj nam nias cov kev nkag siab tias lub teb chaws no tau teeb tsa yam thaj yeeb los yog tej xwm txheej tau tshwm sim rau tej neeg txum tim Aboriginal tsis tsim nyog rau lees paub thaum tsim nyog raug lees paub. Tsuas yog tej neeg tub nkeeg thiab tej neeg ntxub ntxaug lwm tsav neeg thiab zej tsoom feem coob uas tsis muaj peev xwm yuav ua kev zoo siab rau lawv cov kev tua neeg npog nroj ntsuab tsheej pab kom tus noob ntxiv lawm xwb, uas yog tej yam tsis tsim nyog ua.''
Neeg sib sau ua ke sab nraum zoov ntawm tsev tsoom fwv Victoria rwg npoj hnub Invation Day, 2024. Source: AAP / Diego Fedele
Yuav ua li cas kom muaj kev hwm hnub tim 26 lub 1 hlis ntuj
Yeej muaj neeg txum tim tej koom haum npaj mus taug kev, rwg npoj, ua koom txoos thaum sawv ntxov thiab ua tej koom txoos kab lis kev cai thoob teb chaws no rau hnub tim 26 lub 1 hlis ntuj, thiab muab hnub no xam tias yog hnub "Invasion Day" los yog "Survival Day”.
Dr Finlay piav tias ho ua dab tsi rau hnub no thiab leej twg muaj peev xwm koom.
"Yeej muaj cov kev taug kev yam thaj yeeb rau ntawm tej kev tam li yog ib co kev tawm tsam. Kuv tau koom ob peb cov kev taug kev thaum kuv tseem nyob ntawm Melbourne. Thiab kuj yog tej yam zoo rau tej cub yig mus sib ntsib, tsis hais lawv yuav yog neeg txum tim Aboriginal thiab Torres Strait Islander los yog tej cuab yig uas tsis yog neeg txum tim.''
Rana Hussain ces kuj yog ib tug tub koom siab ntawm pawg tswj ntawm lub koom haum Reconcilation Australia, yog ib lub koom haum tsis nce rau tsoom fwv uas txhawb nqa kom muaj kev haum xeeb ntawm neeg Australia txum tim thiab tej neeg Australia uas tsis yog neeg txum tim. Nws hais tias cov kev sib ntsib ua ke no yuav pab kom muaj kev vam kev cia siab thiab kev koom npoj.
Nws hais tias "Vim yuav pab kom muaj kev koom npoj, thiab yus yeej ib txwm mloog tau tias muaj kev cia siab rau tej zejzog. Thiab cov kev phooj ywg yog tej yam kuv xav tias tseem ceeb heev uas peb pab tej neeg txum tim rau lub caij lawv hais kom hloov hnub no los sis yog kom muaj cov kev lees paub tias hnub no tseem ceeb li cas rau lawv.''
Yeej muaj ntau cov nom tswv zos los kuj tsis ua tej koom txoos thiab tsis ua koom txoos tos txais pej xeem tshiab rau hnub Australia Day hnub tim 26 lub 1 hlis ntuj lawm thiab. Tsis tas li ntawd los kuj muaj ib txhia chaw ua hauj lwm tso cai rau lawv tej neeg ua hauj lwm hloov siv hnub txawv ua zej tsoom hnub so thiab.
Pej xeem Australia tshiab, Broken Hill, NSW Source: AAP / STUART WALMSLEY
Neeg tsiv teb tsaws chaw ho cuam tshuam li cas nrog neeg txum tim Australia
Mr Spearim ntseeg tias tej neeg tsiv teb tsaws chaw coob leej ntau tus yeej tau ntsib tsov rog, cov kev raug lwm tus tswj, yeej nkag siab zoo txog neeg txum tim tej kev nyiaj ntxeem.
''Yog tej yam zoo heev uas tej neeg tuaj rau teb chaws no thiab tau kev thaj yeeb qee yam. Txij hnub tim 26 lub 1 hlis ntuj xyoo 1788 los ces peb yeej tseem tsis tau txais kev ncaj ncees, thiab peb yeej tseem tsis tau txais kev thaj yeeb li.''Boe Spearim - Gamilaraay, Kooma, and Murrawari activist and podcaster.
Rana Hussain hais tias tej teeb meem cuam tshuam txog hnub tim 26 lub 1 hlis ntuj tsim nyog yuav yog ib co tseem ceeb rau txhua tus neeg Australia tsis yog tsua tseem ceeb rau neeg txum tim nkaus xwb.
"Kuv xav tias tej neeg coob heev yeej xav tias tej no yog tej yam sib chab sib chaws heev thiab yog tej yam tus siab thiab yog ib cov kev tu siab heev ntawm tej neeg txum tim xwb, tab sis yog ib tug twg uas totaub txog qhov tseem ceeb ntawm hnub no thiaj yuav paub tias sib chab sib chaws npaum li cas. Thiab ntawm kuv lawm, tam li yog ib tug me nyuam neeg India tsiv teb tsaws chaw, ces peb yeej muaj peb tej keeb kwm raug nam nias thiab raug Askiv tuaj nam nias tswj hwm thiab.''
As a second-generation migrant, Ms Hussain uas yog phaum neeg tsiv teb tsaws chaw phaum ob los yeej nkag siab tias vim li cas tej neeg tsiv teb tsaws chaw coob heev thiaj xav ua kev zoo siab rau lawv tej cim thawj tshiab.
Tab sis nws ntseeg tias tag nrho txhua tus neeg Australia yuav tau kub siab tiag tiag los sib tham txog qhov tseeb ntawm peb lub teb chaws no tej keeb kwm ua ntej peb yuav muaj peev xwm nrhiav tau ib lub tswv yim los xyuas kom sawv daws muaj feem koom los ua kev zoo siab ua ke.
''Kuv xav tias peb yuav tau muaj cov kev sib tham tam li yog ib lub teb chaws, ntxiv ntawd ces peb thiaj muaj peev xwm tham txog tias seb peb xav tau hnub twg coj los ua kev zoo siab rau tag nrho tej keeb kwm ntawd thiab lees paub tej keeb kwm ntawd txhua nrho thiab peb mam koom ua ke los txheeb tias hnub twg tsim nyog yuav yog hnub pab kom peb sawv daws muaj kev koom npoj ua ib tsob ib txoog.''Board member of Reconciliation Australia, Rana Hussain.
Subscribe los yog caum mloog tej xov xwm kaw ua suab Australia Explained kom paub txog ntau yam xov xwm tseem ceeb thiab tej lus taw qhia kom koj pib tau lub neej tshiab ntawm teb chaws Australia.
Yog tias koj muaj ib co lus nug dab tsi los yog muaj ib co tswv yim dab tsi? Ces xa email rau peb rau ntawm
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum los yog lwm cov podcast platforms (, , thiab ).
