Xov xwm luv tshaj tawm hnub zwj Feej (Wednesday news 22.01.2025):
Tau muaj tej psychiarists txog ob feem peb ntawm NSW lub tuam chav kho thiab daws kev nyuaj siab tau tawm tsis ua hauj lwm
Australia tus thawj pwm tsav Anthony Albanese hais tias kom kav tsij kub siab maj ceev nrooj nqes peev nyiaj rau cov clean energy tom qab Meskas tus president Donald Trump tau thim tsis ua Mekas cov hauj lwm renewable energy thiab kom maj khawb roj thiab gas siv. Ua ke no los Mr Trump kuj tau coj Meskas tawm tsis ua tub koom siab nrog ntiaj teb lub koom haum tswj kev noj qab haus huv uas ua rau ib co scientists txhawj tias tsam tsis muaj peev xwm tswj tau ib co kab mob li AIDS, malaria thiab Turberculosis (Mob ntsws qhuav).
Peter Greste uas yog Australia ib tug neeg nthuav xov xwm tau koom nrog tus neeg Egyptian hu ua Alaa Abdel-Fattah uas yog tug software developer thiab blogger niam mus yoo tshaib tawm tsam ntawm London tsub nias kom tsoom fwv Askiv muab tus neeg no tso.
Penny Wong uas yog Australia tus nom txawv teb chaws tau mus ntsib tus tsoom fwv Trump tshiab rau thawj hnub ua hauj lwm ntawm tsev dawb. Nws kuj tau mus ntsib tej nom txawv teb chaws ntawm lub koom haum Quad uas muaj Australia, Meskas, India thiab Japan ua tub koom siab uas sib ntsib ntawm Washington.
Herzi Halevi uas yog Israel tus hau rog kuj qhia tia snws yuav tawm tsis ua nom lawm tom qab tau muaj tej xwm txheej cov Hamas tau tua Israel hnub tim 7 lub 10 hli ntuj xyoo 2023 ua rau tsis tau txais kev ruaj ntseg rau teb chaws Israel.
Tau muaj neeg tas sim neej ntawm Turkey lub tsev so ntawm thaj chaw Kartalkaya resort ntawm lub roob Bolu sab qaum teb hnub poob txog li 76 leej lawm tom qab tau muaj ib lub tsev to qhua tau kub hnyiab ib tag hmo ua rau tej neeg yuav tau dhia qhov rais tawm thaum ib tag hmo.
Raws li tau muaj ib cov xov xwm tshiab tau coj los qhia hnub no (22.01.2025) txog cov kev ua vaj tse tshiab ntawm teb chaws Australia no ces ntshe tej zaum yuav tsis muaj peev xwm ua tau tej tsev txog li 1.9 million lub raws li nom tswv xeev thiab tsoom fwv teb chaws tau pom zoo.
Australia tej tsev kawm qib siab kuj tau kub siab txog tej xwm txheej tawm tsam tsis nyiam cov neeg Jews rau lub caij uas tsoom fwv teb chaws tseem sam sim mus txheeb tej xwm txheej no txuas ntxiv.
Muhannad Hadi uas yog UN tus neeg tswj cov dej num pab tej neeg txom nyem tau qhia tias tom qab tau muaj tej tsheb trucks yuav laug txog li 900 lub tau xa khoom pab cuam rau Gaza lawm ces kuj pab daws tej tej xwm txheej kom zoo tuaj ntxiv lawm thaum uas tau muaj cov kev xaus tsov rog ntawm Israel nrog Hamas.
Vientiane Times tau tshaj tawm tias Nplog lub tuam txhab Lao Mobile Money Sole Limted tau tsim tau nws lub digital wallet hu ua MmoneyX siv uas yog ib cov lagluam financial technology (fintech) thiab yog ib feem ntawm cov hauj lwm Digital Transaction ASEAN Sandbox Project.
Bangkok Post tau tshaj tawm tias nom tswv Thaib tau kho cov kev teev cuab yig li tau hloov cov lus poj niam txiv neej, tus niam, tus txiv thiab txij nkawm mus ua 'tus neeg' los yog tus neeg qhaib mus siv cov lo lus li fiance, fiancee thiab spouce lawm kom txij hnub tim 23 lub 1 hlis ntuj mus ces tej neeg LGBTQI+ muaj peev xws sib yuav ua txij nkawm raws kev raws cai tau lawm.
Novak Djokovic kuj tau yeej cov kev sib tw Quarter final Australian Open nrog Carlos Alcaraz lawm thiab cia siab tias xav kom nws sib tw cov kev sib tw Australia Open no ua zum 25.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum los yog lwm cov podcast platforms (, , thiab ).
