Lub caij xyoo tshiab no ces kuj yuav muaj ib cov kev pauv hloov tshiab uas tej zaum yuav ua rau muaj teeb meem rau neeg Australia thiab.
Tsis hais tej cai tswj tej chaw ua hauj lwm mus txog rau cov kev nce nyiaj pab cuam zej tsoom li, no yog qee cov kev pauv hloov tseem ceeb uas tau pib siv txij hnub tim 1 lub 1 hlis ntuj xyoo 2025 no mus lawm:
Cov kev rau txim rau cov kev nyiag nyiaj ua hauj lwm
Tej tswv lagluam uas txhob txwm them nyiaj tsawg rau lawv tej neeg ua hauj lwm ces tam sim no yuav raug rau txim txhaum raws li tej cai tshiab uas tau coj los siv txij hnub tim 1 lub 1 hlis ntuj mus.
Raws li tej cai wage-theft laws tshiab — uas yog ib feem ntawm pab nom cov hauj lwm Closing Loopholes — ces yog tej tuam txhab twg tseem yuam tsab cai no ces tej zaum yuav raug nplua txog 3 npaug ntawm tej nyiaj hauj lwm them tsawg rau tej neeg ua hauj lwm, los yog tias hos tsis muaj peev xwm txheeb tau tej nyiaj tias raug npaum li cas ces yuav raug nplua txog $7.82 million.
Tej neeg ntiag tug uas ua txhaum kuj yuav raug jaw tsev laj cuj txog li 10 xyoo los sis yog raug nplua txog li $1.56 million.
Tej lagluam meuas ua raws li cov cai Voluntary Small Business Wage Compliance Code yuav raug zam tsis raug nplua yog tias cov kev them nyiaj hauj lwm tsawg ntawd tsis yog txhob txhem them.
Tso cai rau neeg txawv teb chaws ua tau Australia tej tub rog (Australia Defence Force - ADF)
Tej neeg tuaj ntawm cov teb chaws Canada, Askiv (United Kingdon - UK), thiab Meskas (United States - US) yuav muaj peev xwm thov tau ua pej xeem Australia sai yog tias lawv kam koom ua tub rog ADF rau Australia.
Tab sis tej neeg xav thov ua tub rog no tsim nyog yog tej neeg twb tau nyob ntawm Australia yam tsawg li 1 xyoos ua ntej mus thov ua tub rog.
Thiab yuav pib siv cov kev hloov tshiab no txij tim 1 lub 1 hlis ntuj mus, uas cia siab tias yuav muaj neeg mus ua tub rog rau Australia coob ntxiv, thiab xav tau tej tub rog txog li ntawm 350 tus rau 2024-25 financial year no.
Tom qab tau ua tub rog rau Australia tau 3 lub hlis ces tej neeg no yuav muaj peev xwm thov ua tau pej xeem Australia.
txij lub 7 hli ntuj xyoo 2024 lawm.
Them nyiaj pab cuam welfare payment raws kab theem nyiaj poob nqe
Muaj neeg Australia tshaj 1 million tus — tab sis hais tsi ntsees rau tej tub kawm — yog cov yuav tau txiaj ntsim rau cov kev tau nyiaj Centrelink payment ntau tuaj ntxiv txij tim 1 lub 1 hlis ntuj raws cov nyiaj pab Youth Allowance, Austudy, ABSTUDY, Youth Disability Support Pension uas yuav nce raws li tej nyiaj poob nqe.
Ces yuav tau cov nyiaj Youth Allowance thiab Austudy ntau ntxiv tuaj 2 limtiam twg txog li $30.60.
Tej neeg Australia uas tau cov nyiaj ABSTUDY pab thiab tseem tab tom kawm Master's degree los yog PhD yuav tau nyiaj ntxiv txog $54 rau 2 limtiam twg.
Tej neeg uas tau cov nyiaj Disability Support Pension yuav tau nyiaj ntau tuaj ntxiv 2 limtiam twg txog li $30.10.
Tsis tas li ntawd los tsoom fwv kuj yuav nce tej nyiaj uas tej neeg khwv tau tsawg kawg nkaus npaum li cas ntxiv thiab, txhais tau tias yuav ua rau tej neeg khwv tau nyiaj ntau zog ntawm tej chaw ua hauj lwm ua ntej yuav txiav tej nyiaj pab rau lawv.
Nqe uas passport
Australia cov nqe ua passport los kuj yuav nce kim tuaj ntxiv rau xyoo 2025 raws cov kab theem nyiaj poob nqe xam raws xyoo thiab.
Txij tim 1 lub 1 hlis ntuj mus, ces tus nqe ua ib daim passport siv 10 xyoo raug $412, uas tau nce kim ntxiv $14 rau tus nqe uas them xyoo 2024 lawm.
Ces thiaj yuav ua rau Australia yog ib lub teb chaws uas them tej nqe ua ntawv passport siv kim tshaj plaws hauv ntiaj teb no.
Txwv tsis pub tsub cov nqe debit card surcharges
Txij hnub tim 1 lub 1 hlis ntuj (2025) mus ces neeg Australia yuav tsis tau them cov nqe siv tej debit card surcharges ntxiv thaum them nyiaj rau tsoom fwv tej tuam chav li lub tuam chav sau se (Australian Taxation Office - ATO) los yog Services Australia.
Thiab tom qab ua tib zoo txheeb ntxaws lawm ces kuj yuav txwv tsis pub tsub cov surcharges no thoob teb chaws txij lub 1 hlis ntuj xyoo 2026.
Tej tswv yim pab kom raug teeb meem tsawg rau cov kev twv txiaj
Ntawm xeev NSW ces yuav tsis pub rho tau nyiaj ntawm tej ATMs thiab tej chaw rho tau nyiaj ntsuab uas nyob ze 5 metres ntawm tej chaw uas muaj tev tos qhua los yog ib lub club twv txiaj ntxiv lawm.
Thiab yuav tsis tso cai rau tej neeg pom tej chaw rho nyiaj no saib tawm ntawm chav twv txiaj mus rau sab nrauv los yog ib co chaw nkag mus rau tej chaw twv txiaj no.
Ntxiv ntawd los tseem txwv tsis pub kom pom daim phiaj twv txiaj ntawm ib co tub rho nyiaj ATMs los yog ib co chaw nkag mus rau thiab.
Cov kev yuam kom tej lagluam yuav tsum tau qhia txog lawv cov kev pab daws tej huab cua pauv hloov
Txij hnub tim 1 lub 1 hlis ntuj (2025) ces Australia tej lagluam loj thiab tej tuam txhab nyiaj yuav tsum tau npaj tsab ntawv cej luam txog cov kev ua lagluam ceev txuag tej ib puag ncig ib xyoos ib zaug raws li tej cai tshiab uas muaj hom phiaj nrog xyuas kom tej lagluam muaj feem koom nrog daws tej xwm txheej no.
Cov kev pauv hloov rau tej neeg pib ua hauj lwm tshiab
Cov kev hloov tshiab rau cov kev haub tau yam rau tej hauj lwm tshiab yuav ua rau muaj kev hloov lub ntsiab lus thiab tej nyiaj hauj lwm yam tsawg uas yuav them rau tej hauj lwm no.
Txij hnub tim 1 lub 1 hlis ntuj mus ces tsuas puab xyaum qhia ib tug twg uas pib hauj lwm tshiab raws cov awards txog 6 hli lawm xwb.
Tej tswv lagluam yuav raug txheeb dua tej hauj lwm tus neeg ua hauj lwm ntawd ua thiab yuav tau nyiaj hauj lwm ntau tuaj nxiv thaum xaus lub caij ntawd raws li lub tsab peev xwm ua tau hauj lwm.
Qhov no yog coj los pab tiv thaiv kom tej tswv lagluam pheej tsis txhob them nyiaj hauj lwm tsawg dua qhov tsim nyog them rau tej neeg ua hauj lwm.
Txwv tsis pub siv pob zeb ua rooj toj thiab rooj ua noj ntawm chav ua noj
Tau muaj cov kev txwv tsis pub nqus (yuav) tej pob zeb stone bench tops, panels thiab slabs — uas ib txwm siv coj los ua cov kitchen benches — xyoo tshiab no mus lawm.
Tau muaj cov kev hloov no tom qab tau txwv tsis pub tsim tej khoom no, tsis pub xa muag, tsis pub tsim thiab tsis pub coj mus nrhuab siv thaum ntxov xyoo no lawm.
Vim tau txheeb tau tias tej khoom uas siv coj los ua cov kitchen bench tops tau ua rau muaj tej neeg ua tej hauj lwm no mob ntsws vim tau ua pa nqus tau tej hmoov pob zeb (silica dust) no thiab ua rau lawv mob ntsws coob tuaj ntxiv.
Hloov tej cai Foreign resident capital gains withholding (FRCGW) rules
Tam sim no ces tsis hais ib tug neeg nyob ntawm teb chaws no yog muag ib lub tsev ces yuav tau muaj ib daig ntawv muag tsev rau tus neeg yuav tsev ua ntej yuav them nqe tsev kom tag kom tsis txhob tau them se 12.5 feem pua rau cov kev muag ib lub tsev tus nqe kim tshaj $750,000.
Tab sis txij tim 1 lub 1 hlis ntuj mus ces yuav nce cov se ntawm 12.5 feem pua mus ua 15 feem pua thiab yuav tsis siv cov $750,000 property threshold ntxiv thiab yuav siv cov cai them se rau tag nrho txhua cov kev muag tsev lawm.
Centrelink cov kev zam rau tej neeg thov ntawv kho mob
Pib txij tim 1 lub 1 hlis ntuj mus ces Centrelink yuav pub lub sij hawm rau ib co neeg uas tau txais nyiaj welfare pab cuam kom tau mus ntsib kws kho mob tsawg vim lawv xav tau daim ntawv kho mob (Medical certificate) ua yuav raub lub sij hawm kom ntev ntawm 13 limtiam ua 24 hlis (2 xyoos) yog tias tus neeg ntawd raug mob thiab tsis muaj peev xwm ua hauj lwm.
Tej tub kawm tseem nyob ntawm Australia cov kev thov visa siv
Tej cai tswj tej tub kawm tshiab cov kev thov visa siv yuav hais kom tej tub kawm uas tseem nyob ntawm teb chaws Australia no yuav tsum coj daim ntawv qhia meej tias tau teev npe kawm — Confirmation of Enrolment (CoE) nrog daim ntawv thov visa siv ua ke.
Cov kev hloov no muaj hom phiaj ua tib zoo xyuas kom tej tub kawm pej kum haiv (Tub kawm txawv teb chaws) kub siab kawm ntawv tiag tiag. Tej tub kawm no uas tseem nyob ntawm Australia no yog tias xav ntawv mus thov cov student visa tshiab siv yam tsis muaj daim ntawv CoE nrog ces yuav tsis xam tias muaj cai thov visa siv lawm.
LISTEN TO
Government reveals new scheme to control international student numbers
SBS News
19/12/202405:10
Cov kev xyuas kom tsis txhob muaj cov kev sib tu ncua rau cov kev siv tau PBS kom nthuav dav
Cov hauj lwm Closing the Gap Pharmaceutical Benefits Scheme (PBS) Co-payment Program no yuav xyuas kom siv tau nthuav dav rau tag nrho txhua cov tshuaj PBS uas coj los siv ntawm zej tsoom tej tsev kho mob.
Cov kev xyuas kom siv tau nthuav dav no yuav pab kom muaj peev xwm siv tau tej tshuaj pheej yig rau Australia tej neeg txum tim uas tej zaum yuav muaj tej tej mob nkeeg los sis muaj tej mob nkeeg mob ntev.
Kho dua cov Medicare tshiab
Txij hnub tim 1 lub 1 hlis ntuj mus, ces koj koj yuav tau siv nyiaj ntau them tej nqe kho mob mus kho ntawm tej tsev kho mob ua ntej mas thiaj muaj cai thov tau cov rebate ntau zog rov qab, uas yuav them raws li cov kab theem nyiaj poob nqe.
Tsis tas li ntawd los kuj yuav nce cov Original Medicare Safety Net threshold ntawm $560.40 mus ua $576, thiab kum yuav nce nyiaj $2,615.50 ntxiv rau cov Extended Medicare Safety Net rau tej neeg feem coob thiab tej neeg tau cov concession cards siv yuav tau $834.50.
Thiab yuav freeze cov PBS co-payment xyoo 2025. Uas cov co-payments yuav raug $31.60 for rau tej neeg mob feem coob thiab tej neeg mob tau cov concession card siv yuav tau koom them $7.70.
Tau nyiaj hauj lwm ntau ntxiv rau tej neeg tu tsom kwm tej laus
Kuj tau muaj cov kev pauv hloov rau tej nyiaj hauj lwm ray ntau cov neeg ua hauj lwm tau cov nyiaj award rate suav cov neeg ua hauj lwm tu tsom kwm tej laus uas yuav tau nyiaj hauj lwm ntau tuaj ntxiv txij hnub tim 1 lub 1 hlis ntuj mus.
Tsis tas li ntawd los kuj yuav nce tej nyiaj hauj lwm uas tsim nyog khwv tau yam tsawg rau tej neeg ua tej hauj lwm uas tau cov nyiaj Aged Care Award, Nurses Award, and the Social, Community, Home Care and Disability Services Award.
Ces thiaj yuav ua rau tej neeg ua hauj lwm uas tau cov Aged Care Award yuav tau nyiaj hauj lwm ntau ntxiv txog 3 feem pua txij xyoo tom ntej no mus.
Cov kev rov qab kho cov Health insurance extras tshiab
Yeej muaj ntau cov tuam txhab muag nyiaj tuav pov hwm kho mob (Health insurance companies) kho qee yam kev kho mob uas tej neeg yuav ntxiv rau lawv cov insurance tias tsuas pub ntxiv dab tsi ntxiv txij tim 1 lub 1 hlis ntuj mus lawm. Thiab xav kom koj txheeb tej no nrog koj lub tuam txhab insurance kom paub txog tej xov xwm no ntxaws ntxiv.
Tej cai new vehicle efficiency standards
Tsis hais ib co tsheb tshiab twg li ua muag ntawm teb chaws Australia no yuav tsum ua kom tau raws li cov cai New Vehicle Efficiency Standard.
Thiab tej pa uas tej tsheb tshiab tso tawm no yuav raug teev raws li ib co credit scheme tshiab coj los txhawb nqa kom tej tuam txhab muag tej tsheb uas tso tej pa tsheb tsawg.
Tej se them rau tej chaw so luv luv ib ntus ntawm xeev Victoria
Txij hnub tim 1 lub 1 hlis ntuj mus ces tej tswv tsev ntawm xeev Victoria uas kam ntiav tsev rau lwm tus nyob tsawg dua 28 hnub yuav tau them ib co se txog li 7.5 feem pua ntawm tej nqe uas tej neeg ntiav qhov chaw so ntawd them.
Tab sis yuav tsis hais kom tej neeg uas ntiav lawv ib chav tsev seem rau lwm tus nyob so ib ntus them dab tsi.
Yuav siv tej se av kom nthuav dav tuaj ntxiv ntawm xeev Victoria
Yuav tsub se av kom nthuav dav ntxiv rau xeev Victoria tej av ua tsev uas tseem tsis tau ua tsev nyob rau tej vaj tse uas nyob rau ntawm tej zos toj siab thiab.
Ces yog tias thaj av ntawv tsis raug ua tsev rau lub sij hawm ntev dua 6 lub hli ntawm 1 lub xyoos twg ces tus tswv av ntawd yuav tau them se.
Qee cov tsev ntiav rau tej neeg so holiday ces yuav raug zam yog tau muab ntiav rau tej neeg so yam tsawg li 4 limtiam ib xyoos twg.
Cov kev zam rau tej cuab yig ntawm xeev South Australia
South Australia yuav tsis siv cov kev txheeb tej neeg koom nyob ua ke te nyiaj uas khwv tau lawm kom muaj neeg coob ntxiv muaj cai tau txais cov kev pab cuam ntau ntxiv rau tej nuj nqes siv ua lub neej.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum
los yog lwm cov podcast platforms (, , thiab ).
