Muaj ib tsab ntawv cej luam tshiab tau txheeb tau ''ib co xwm txheej txaus txhawj xeeb heev'' txog cov kev muaj peev xwm siv tau cov kev kho mob ntawm Australia, tias muaj cov kev siv GP clinics bulk billing non-concession card holders tsawg tuaj ntxiv thiab ua rau tej neeg mob tab tom siv lawv tej nyiaj ntiag tug them tej nqe kho mob kim tuaj ntxiv rau cov kev teem caij mus ntsib kws kho mob.
Txawm li cas los tsoom fwv tsis lees paub tej uas tsab ntawv cej luam no txheeb tau thiab qhia tias yog xam rau qhov dav dav rau cov kev siv bulk billing lawm — suav tej neeg muaj cov concession card siv thiab tej neeg hnoob nyoog qes dua 16 xyoo nrog — ces kuj paub tseeb tias tau siv cov bulk billing ntau tuaj ntxiv lawm.
Lub koom haum Cleanbill tau coj tsab ntawv cej luam Blue Report uas tau mus teeb txheeb nrog yuav laug txog li 7,000 cov GP clinics thoob teb chaws no ces tau txheeb tau tias tau muaj cov kab theem siv bulk billing ntawm tej GP clinics tsawg tuaj ntxiv ntawm tag nrho txhua lub xeev lawm.
Thiab yog xam raws tus zauv nrab lawm, ces kuj tau muaj cov kev siv cov tsawg tsawg tuaj ntxiv txog 3.5 feem pua thoob teb chaws no txij tsaib no lawm, uas tau nqes ntawm 24.2 feem pua los ua 20.7 feem pua lawm raws li tsab ntawv cej luam no tau txheeb tau.
Tsab ntawv cej luam no tau teev txog lub ntsib ntawm cov kab theem siv bulk billing tias seb tej clinics puas cia tej neeg mob tshiab muaj hnoob nyoog txij 18 xyoo rov sauv siv bulk bill rau lub caij lawv mus ntsib ib tug kws kho mob coj los faib rau tag nrho tej clinics uas muaj rau ib thaj chaw twg.
Lub koom haum Cleanbill thiaj tau hu xov tooj rau tej clinics thiab nug tias seb lawv puas pub tej neeg mob li hais ntawv siv bulk bill coj los khaws tej xov xwm no.
Nws qhia tias nws tej xov xwm no ''muaj hom phiaj los qhia kom tej neeg nkag siab zoo tshaj plaws tias tias seb txhua txhua lub GP clinic nyob ib puag ncig yus yuav qhia dab tsi rau yus, yog tias yus yog ib tug neeg muaj hnoob nyoog 18 xyoo uas tsis muaj cov concession cards siv, uas tau nug txog lawv tej nqe kho mob thiab tej xov xwm txog cov kev ntsib ib tug kws kho mob rau lub caij ua hauj lwm''.
Ces pom tias tej GP clinics ntawm xeev New South Wales (NSW) yog cov clinics uas muaj cov kab theem siv bulk billing siab tshaj plaws (34.5 feem pua) thiab Tasmania yog lub xeev uas siv tsawg tshaj plaws (0 feem pua).
Tej neeg uas sau Cleanbill tsab ntawv cej luam tau hais tias cov kev txheeb tau tej xov xwm no ''yog ib co kev qhia txog cov kev siv tej kev kho mob uas txaus txhawj xeeb heev ntawm Australia''.
Daim phiaj qhia tias lub xeev twg muaj cov feem puas bulk billing siv ntau npaum li cas. Source: SBS
Tsoom fwv hais tias muaj cov kab theem siv bulk billing ntau tuaj ntxiv
Lub 11 hlis ntuj tsaib no, ces tsoom fwv tau qhia txog nws tej xov xwm txog cov kev siv bulk billing — uas suav cov neeg muaj concession card siv thiab tej me nyuam hnoob nyoog qes dua 16 xyoo nrog — uas yeej txawv tej uas lub koom haum Cleanbills cej luam.
Tsoom fwv tej xov xwm no tau qhia tias tau muaj cov kev siv bulk bill ntawm tej GP clinics thoob teb chaws nce ntau tuaj ntxiv ntawm 75.6 feem pua mus ua 77.3 feem pua txij lub 10 hli ntuj 2023 txog lub 10 hli ntuj xyoo 2024 lawm.
Uas tsoom fwv tau hais tias tau muaj cov kev siv tej bulk billing 3 npaug ntau tuaj ntxiv txij li nws tau tshwm nyiaj paj tshab coj los txhawb nqa kom tej GP clinics siv yav lig xyoo 2023.
Tej Medicare incentive payments yeej cai ntawm tej general patient rebates thiab tsuas muaj peev xwm siv cov bulk bill rau tej me nyuam hnoob nyoog qes dua 16 xyoo thiab tej neeg uas tau cov concession card siv xwb.
Ces Mark Butler uas yog Australia tus nom tswj dej num noj qab haus huv thiaj tau hais ib cov lus tawm tswv yim txog Cleanbill tsab ntawv cej luam tias: ''Tom qab uas peb tau siv tej nyiaj paj tshab coj los txhawb nqa tej GP clinics lawm ces tau muaj cov kev siv tej bulk billing ntau tuaj ntxiv txog 3 npaug, thiab rov qab tau muaj cov kev siv tej bulk billing ntau tuaj ntxiv ntawm txhua lub xeev lawm.''
"Tam sim no ces txhua lub xeev yeej muaj cov bulk billing siv ntau tuaj ntxiv, thiab muaj ib co xeev ces tau siv ntau tshaj plaws ntxiv txawm tias yeej muaj keeb kwm siv tau bulk billing no tsawg heev yav tag los.''
Cov kev yuav tau siv yus ntiag tug tej nyiaj them nqe kho mob kim tuaj ntxiv
Cleanbill tsab ntawv cej luam kuj tau txheeb tau tias tsis yog tias muaj cov kev pub tej neeg mob siv cov bulk billing tsawg ntxiv xwb, tab sis tseem ua rau lawv yuav tau rho lawv ntiag tug tej nyiaj them tej nqe kho mob kim tshaj qub ntxiv rau lub caij lawv mus ntsib kws kho mob thiab.
Ces thiaj ua rau tus nqe theem nrab mus ntsib kws kho mob thoob haiv neeg no tau nce txog 4.1 feem pua ntawm $41.69 ua $43.38 txij tsaib no lawm thiab tej neeg mob ntawm xeev Tasmania ces yog cov tau them nqe kho mob kim tshaj plaws txog li $54.26 rau cov kev mus ntsib kws kho mob ib zaug twg.
Ces tej nqe kho mob uas kim tuaj ntxiv no thiaj ua rau muaj neeg Australia coob tuaj ntxiv tsis teem caij mus ntsib kws kho mob lawm.
Daim phiaj qhia txog tej nqe kho mob kim tuaj ntxiv uas tej neeg mob yuav tau rho nyiaj ntiag tug them thaum mus ntsib kws kho mob txij xyoo 2023-2025. Source: SBS
Xyoo 2021-22 ces tsuas muaj tej neeg txog li 3.5 feem pua thiaj tsis mus ntsib kws kho mob vim tej nqe kho mob kim xwb.
Dr Michael Wright uas yog tus coj lub koom haum sawv cev thiab qhia tej kws kho mob (Royal Australian College of General Practitioners - RACGP) tau qhia rau SBS News tias tej neeg mob cov kev tsis mus ntsib kws kho mob vim tej nqe kim yuav ua rau muaj neeg coob tuaj ntxiv mus siv tej tsev kho mob cov emergency rooms, uas tseem yog ib cov kev kho mob uas kim tshaj rau Australia cov healthcare system thiab.
Nws tau hais tias "Ces zoo li thiaj yog tej yam tsis zoo rau ib tug twg cov kev noj qab haus huv li, thiab yog tej yam tsis zoo rau tej neeg ua hauj lwm them se yog tias tej neeg mob tsis muaj peev xwm mus ntsib tej kws kho mob yog tias lawv tsis muaj peev xwm them tau tej nqe kho mob los yog tsis muaj peev xwm siv tau tej kev kho mob.''
LISTEN TO
Cost of Living Secrets: Visiting your doctor
SBS News
30/04/202422:04
Tej nyiaj paj tshab txhawb nqa kom siv cov bulk billing
Wright tau hais tias txawm tias tej nyiaj paj tshab no tau pab tej chaw kho mob (tej kws kho mob), ''los yeej tsis pab feem coob ntawm teb chaws Australia.''
Tej xov xwm tau ntawm lub koom haum Australian Institute of Health and Welfare (AIHW) kuj tau txheeb tau tias cov kev siv bulk billing kuj nyob ntawm seb tus neeg ntawd nyob rau qhov twg, thiab tej neeg nyob rau tej zog toj siab uas nyob deb yog cov yuav tau siv bulk billing thaum ntsib kws kho mob, tab sis koj yog cov yuav tau them nqe kho mob kim dua yog thaum tsis tau cov bulk billing siv thiab.
Xyoob 2023 ces tej neeg mob uas nyob rau tej zos toj siab uas nyob deb heev uas tsis tau cov bulk billing siv tau them tus nqe kho mob theem nrab uas yus yuav tau rho yus nyiaj ntiag tug them txog li $49, tab sis yog piv rau tej nqe kho mob hauv tej nroog loj ces tsuas tau them $43 xwb.
Tej kws kho mob nqua hu kom nce cov rebate ntau ntxiv
Peter Breadon uas yog tus coj tswj cov program noj qab haus huv ntawm lub chaw teeb txheeb Grattan Institute tau qhia rau SBS News tias yeej muaj cov kab theem siv cov bulk billing tsawg ua ntuv zus rau tej ntug zos, tej zos txom nyem thiab tej zos toj siab ntawm xeev Tasmania thiab Australian Capital Territory (ACT) thiab ntau thaj chaws toj siab ntawm Australia.
Breadon tau hais tias cov kev tau siv bulk billing tsawg thiab tej nqe kho mob kim tuaj ntxiv los twb vim yog yuav tau siv nyiaj ntau tuaj ntxiv los them tej nqe tswj tej GP clinic rau ntau xyoo tsis ntev los no lawm.
Nws tau hais tias "Tej nuj nqes siv ua lub neej yeej tau ua rau muaj teeb meem rau tej neeg feem coob thoog teb chaws Australia no, thiab tej kws kho mob (GPs) los yeej raug tej teeb eem no tib yam thiab.''
Dr Rebekah Hoffman uas yog tus coj lub koom haum qhia thiab sawv cev rau tej kws kho mob ntawm NSW thiab ACT (RACGP NSW and ACT) tau hais tias tsoom fwv teb chaws yuav tsum tau nces cov patient rebate tib yam li tej kab theem nyiaj poob nqe.
Nws tau hais tias "Cov kev ua li no thiaj yuav pab kom tseem muaj peev xwm siv tau tej GPs clinics, thiab tsis hais ib cov kev nce twg los yog ib cov kev pab cov patient rebates kom zoo tshaj qub ntxiv kuj yog tej yam yuav pab tau tej GPs zoo heev.''
Yog li ntawd lub koom haum RACGP thiaj tau nqua hu kom nce cov Medicare rebates rau cov GP consultations txog 20 feem pua thiab nce cov feem pua tib yam li no rau tej kws kho mob cov kev pab daws tej neeg tej teeb meem nyuaj siab ntxhov plawv thiab.
Wright tau hais tias tsim nyog nce Medicare rebates rau tag nrho tej neeg mob kom tau ntsib kws kho mob ntev zog ntxiv ''hais tsi ntsees rau tej neeg mob tej mob ntev thiab mob sib chab sib chaws uas yuav tau tu saib xyuas, kom thiaj tau siv cov bulk bill ntau ntxiv rau cov kev teem caij ntsib kws kho mob thiab pab kom tej neeg mob pheej tsis txhob tau rho nyiaj ntiag tug them tej nqe kho mob yog tias lawv yog tej neeg uas tsis tau cov bulk billing siv.''
LISTEN TO
Number of Australians putting off GP visits doubles amid high appointment costs
SBS News
01/02/202404:26
Breadon tau hais tias tej nqe ntiav, tej nqe yuav tau them rau tej kws paub ib sab seem txuj kho mob twg tsi ntsees thiab tej nqe kho mob zoo dua uas kim zog ntawd los kuj yog tej ua rau tej nqe kho mob mus ntsib ib tug kws kho mob twg kim tuaj ntixv thiab yeej tsis muaj cai los tswj cov kev sau tej nqe kho mob, ces ''tej clinics thiaj muaj peev xwm tsub tej nqe kho mob raws li lawv xav tsub rau tej neeg mob them los yog tsub tus nqe raws li tej neeg mob tuaj yeem them.''
Breadon tau hais tias yeej muaj ntau txoj xub ke yuav txhawb nqa tej GP clinics kom tig los siv cov bulk billing rau tej neeg mob ntau tshaj tsoom fwv teb chaws tej paj tshab uas coj los siv tam sim no thiab.
Nyob rau lub 6 hli ntuj, ces tus tsoom fwv NSW tau tsim dua ib cov tswv yim ongoing rebate tshiab los pab kom tej kws kho mob muaj peev xwm siv tau tej bulk billing threshold txog 80 feem pua ntawm tej kev kho mob ntwm Sydney thiab tau siv txog li 70 feem pua thoob plaws rau xeev NSW.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum los yog lwm cov podcast platforms (, , thiab ).
