ཆུའི་དཀའ་ངལ་ཆེན་པོ་ཡོད་པའི་མཚོ་གླིང་རྒྱལ་ཁབ་ཆུང་ཆུང་ཞིག་རེད།
མི་འབོར་མཐུག་པོ་ཆགས་པའི་སིང་ག་པོར་ལ་རང་བྱུང་ཆུའི་ཐོན་ཁུངས་ཉུང་ཉུང་ལས་མེད་པ་དང་། ཆུ་མཛོད་ཀྱི་ཆེད་དུ་ས་ཆ་ཚད་ཡོད་པ་ཞིག་ལས་མེད་པས། དེ་ནི་འཛམ་གླིང་ནང་ཆུ་གནོན་ཤུགས་ཆེ་ཤོས་ཀྱི་ས་ཁུལ་གཅིག་རེད།
འོན་ཀྱང་རྒྱལ་ཁབ་དེ་ནི་དྭངས་སྦྱོར་གྱི་ཆུ་གཙང་མ་བསྐྱར་བེད་སྤྱོད་བྱེད་པའི་འཛམ་གླིང་གི་སྣེ་ཁྲིད་མཁན་ཞིག་ཡིན་པ་དང་། དེ་ནི་བཙོག་ཆུ་རྣམས་བདེ་འཇགས་དང་གཙང་མའི་འཐུང་ཆུར་བསྒྱུར་བ་དེ་རེད།
སིཌ་ནི་གཙུག་ལག་སློབ་གྲྭ་ཆེན་མོའི་ཨར་ལས་འཆར་འགོད་ཚན་པའི་འགན་འཛིན་སློབ་དཔོན་སི་ཊུ་ཨར་ཊི་ཁན་གྱིས་འགྲེལ་བརྗོད་བྱས།
བསྐྱར་བཟོ་བྱས་པའི་ཆུ་གཙང་མ་ནི་གད་སྙིགས་གཙང་སེལ་ཁང་ནས་ཆུ་ལེན་པ་དང་། གཞན་དུ་ཁོར་ཡུག་ལ་གཏོང་རྒྱུའི་བཙོག་ཆུ་གཙང་མ་བཟོས་པ་རེད། ཡིན་ནའང་། ཁོར་ཡུག་ལ་གཏོང་རྒྱུའི་ཚབ་ཏུ། ང་ཚོས་དེ་ནི་ཆུ་གཙང་སེལ་ཁང་ཡར་ཐོན་ཅན་བརྒྱུད་ནས་བླངས་ཏེ། དེ་ནི་ཆུ་ཧ་ཅང་གཙང་མ་བཟོས་ནས་བཏུང་ཆུའི་ནང་བླུགས་ན་བདེ་འཇགས་དང་ཡིད་ཆེས་འཕེར་བ་བཟོས་པ་རེད།”
སིང་གྷ་ཕོར་མི་དམངས་ཀྱིས་ཡུན་རིང་ནས་ངོས་ལེན་བྱས་པའི་ལམ་ལུགས་ཤིག་རེད།
རྒྱལ་ཁབ་དེས་བཙོག་ཆུ་གཙང་མ་བཟོས་ནས་ཆང་བཟོས་ཡོད།
སློབ་དཔོན་ཆེན་མོ་ཁཱན་གྱིས་ལམ་ལྷོང་དེ་ནི་གཙོ་བོ་ཡག་པོ་བྱས་པའི་གནས་ཚུལ་ལས་འགུལ་གྱི་འབྲས་བུ་རེད་ཅེས་བཤད་ཡོད།
སིང་གྷ་པོར་གྱིས་སྤྱི་ཚོགས་སློབ་གསོའི་ཆ་ཤས་དེ་ཧ་ཅང་གལ་ཆེན་དུ་བརྩིས་ནས། ལོ་ངོ་༢༠ ལྷག་གི་སྔོན་དུ་སྟེ་༢༠༠༣ ལོར་ཆུ་སླར་གསོའི་ལས་གཞི་དང་པོའི་སྐབས་སུ་ལྟ་སྐོར་བའི་ལྟེ་གནས་ཤིག་བརྒྱབ་ཡོད། ཁོང་ཚོའི་འཆར་གཞི་ནི་སིང་གྷ་པོར་གྱི་སློབ་གྲྭ་ཁག་གི་སློབ་ཕྲུག་ཚང་མ་ཆུ་སླར་གསོའི་སྐོར་སློབ་སྦྱོང་བྱེད་པ་དང་། སིང་གྷ་པོར་དུ་རྒྱུན་བརྟན་རུང་བའི་ཆུ་བེད་སྤྱོད་གཏོང་དགོས་པའི་སྐོར་སློབ་སྦྱོང་བྱེད་པའི་ཆེད་དུ་ལྟ་སྐོར་བའི་ལྟེ་གནས་དེ་བརྒྱུད་ནས་འཁྲིད་རྒྱུ་དེ་རེད།
ད་ལྟ་སིཌ་ནི་ནང་དུ་ཆུ་གཙང་སེལ་རུང་བའི་བེད་སྤྱོད་གཏོང་རྒྱུའི་གནས་བབ་སྐོར་མང་ཚོགས་ལ་སློབ་གསོ་སྤྲོད་པའི་འབད་བརྩོན་བྱེད་བཞིན་ཡོད།
འཛམ་གླིང་ཡོངས་ཀྱི་གྲོང་ཁྱེར་དག་དང་ལྷག་པར་དུ་ཨོ་སི་ཊོ་ལི་ཡའི་ནང་དུ་མི་འབོར་འཕེལ་རྒྱས་དང་གནམ་གཤིས་འགྱུར་ལྡོག་གིས་ཆུའི་མཁོ་སྤྲོད་ལ་གནོན་ཤུགས་ཆེ་རུ་གཏོང་བཞིན་ཡོད།
སིཌ་ནི་ལ་མཁོ་སྤྲོད་ཀྱི་བརྒྱ་ཆ་༨༥ ཙམ་ཆར་ཆུ་ལ་བརྟེན་དགོས་པ་དང་། བརྒྱ་ཆ་༡༥ ཙམ་ཚྭ་ཆུ་ལས་གཙང་མ་བཟོས་པ་ལ་བརྟེན་དགོས།
སིཌ་ནི་ཆུའི་ལས་འཆར་འགན་འཛིན་ཇེམ་སི་ཧེ་རིང་ཊོན་ལགས་ཀྱིས་ཐེངས་འདིའི་༢༠༡༧ ནས་༢༠༢༠ བར་གྱི་ཐན་པའི་སྐབས་སུ་ཆུ་རགས་ཀྱི་ཆུ་ཚད་ལྔ་བཅུ་ཆག་ཡོད་ཅེས་བརྗོད་ཡོད།
ང་ཚོས་ཆུ་མཛོད་ཉམས་ཆག་ཆེན་པོ་འགྲོ་བཞིན་པའི་སྐབས་འདིར་ཆུ་མཁོ་སྤྲོད་ཀྱི་མ་འོངས་པ་གང་འདྲ་ཡོང་མིན་ལ་བསམ་བློ་གཏོང་དགོས་པའི་དུས་ལ་བབས་ཡོད། དེར་བརྟེན་ང་ཚོས་ཆུ་མཁོ་སྤྲོད་ལ་རྒྱབ་སྐྱོར་ཇི་ལྟར་བྱེད་དགོས་མིན་མ་འོངས་པར་བསམ་བློ་གཏོང་དགོས།
མ་འོངས་པའི་ཐབས་ལམ་སྲིད་པ་ཞིག་ནི་ཆུ་གཙང་མ་བསྐྱར་བེད་སྤྱོད་བྱེད་རྒྱུ་དེ་ཡིན།
བརྒྱུད་རིམ་དེ་སིཌ་ནི་ནུབ་བྱང་ཁུལ་གྱི་ཁུའུ་ཁར་སི་ཧིལ་གྱི་ཆུ་སྙིགས་བཟོ་གྲྭ་རུ་ཚོད་ལྟ་བྱེད་བཞིན་ཡོད་པ་དང་། མི་མང་ལ་ལྟ་སྐོར་དུ་ཡོང་བར་མགྲོན་འབོད་བྱེད་བཞིན་ཡོད།
ཇེམ་སི་ཧེ་རིང་ཊོན་གྱིས་ཆུ་གཙང་མ་བསྐྱར་བེད་སྤྱོད་ཀྱི་གསར་རྙེད་ལྟེ་གནས་དེ་ ༢༠༢༣ ལོའི་ལོ་མཇུག་ཏུ་སྒོ་ཕྱེས་པ་དང་དེར་དམིགས་ཡུལ་གཙོ་བོ་གསུམ་ཡོད་པ་སྟེ།
དང་པོ། འཕྲུལ་རིག་ཚོད་ལྟ་བྱེད་པ་དང་ང་ཚོའི་གནས་སྟངས་ནང་དུ་ལས་ཀ་ཇི་ཙམ་ཡག་པོ་བྱེད་མིན་ར་སྤྲོད་བྱེད་ཆེད་ཡིན། གཉིས་པ། འབྲེལ་ཡོད་དང་། སྤྱི་ཚོགས། མཁོ་མཁན་བཅས་ནང་དུ་ཡོང་ནས་འཕྲུལ་རིག་གང་ཡིན་ཤེས་རྟོགས་བྱེད་ཆེད་ཡིན། མཐའ་མ་དེར། ང་ཚོའི་ལས་དོན་ཚན་ཁག་ལ་ཚོད་ལྟའི་སྡེ་ཚན་ཐོག་སྦྱོང་བརྡར་དང་སློབ་སྦྱོང་བྱེད་པའི་གོ་སྐབས་སྤྲོད་ཆེད་ཡིན། ང་ཚོ་འདིར་མི་དམངས་ཡོང་ནས་འཕྲུལ་རིག་གང་ཡིན་དང་། དེའི་ཆེད་དུ་ཆུ་གཙང་མ་དང་ཡིད་ཆེས་འཕེར་བ་ཡོང་བའི་ལས་ཀ་ཚང་མའི་སྐོར་ལ་གླེང་མོལ་བྱེད་རྒྱུར་དགའ་པོ་ཡོད།
ཆུའི་བདེ་འཇགས་ནི་འཛམ་གླིང་ཡོངས་ཀྱི་དཀའ་ངལ་ཞིག་ཡིན་པས། གྲོང་ཁྱེར་༦༠ ཙམ་གྱིས་ཆུ་སྙིགས་བསྐྱར་བེད་སྤྱོད་བྱེད་པའི་བསམ་བློ་གསར་གཏོད་བྱེད་བཞིན་ཡོད་པ་དང་། ཕལ་ཆེར་ལས་གཞི་དེ་ལག་བསྟར་བྱས་ཟིན་པའི་གྲོང་ཁྱེར་ཁག་གི་ཁ་གྲངས་སུམ་ཅུ་སོ་གྲངས་ཡོད་པ་དེར་སྣོན་རྒྱུ་རེད། པེར་ཐི་ནི་དེའི་ཁྲོད་ཀྱི་གཅིག་རེད།
སིཌ་ནི་དང་མི་འདྲ་བར་ནུབ་ཨོ་སི་ཊེ་ལི་ཡའི་རྒྱལ་ས་འདིར་ཆུ་མཛོད་ཆེན་པོ་མང་པོར་སྤྱོད་རྒྱུ་མེད་པར། དེའི་ཚབ་ཏུ་ས་འོག་གི་ཆུ་ལ་བརྟེན་གྱི་ཡོད་པ་དང་། ཁཱན་གྱིས་འདས་པའི་ལོ་ངོ་སུམ་ཅུའི་རིང་དེ་ཉུང་དུ་ཕྱིན་ཡོད་ཟེར།
ནུབ་ཕྱོགས་མངའ་སྡེ་ནི་ངེས་པར་དུ་དགོས་མཁོ་ལ་བརྟེན་ནས་སྣཁྲིད་བྱས་པ་ཞིག་ཡིན་པས་རེད། དེར་བརྟེན། པར་ཐི་མི་དམངས་ཀྱིས་གནམ་གཤིས་འགྱུར་ལྡོག་གིས་ཁོང་ཚོའི་ཆུའི་བདེ་འཇགས་མངོན་གསལ་དོད་པོས་ཤུགས་རྐྱེན་ཐེབས་ཡོད་པ་ངོས་འཛིན་བྱས་ཡོད་པར་ངས་ཡིད་ཆེས་བྱེད་ཀྱི་ཡོད། པར་ཐིས་དུས་ཡུན་རིང་པོ་ཞིག་གི་ནང་དུ་ཁོང་ཚོས་ས་འོག་ཆུ་གསོག་འཇོག་གི་ལས་གཞི་ཞེས་འབོད་པའི་ལས་གཞི་ཞིག་གསར་གཏོད་བྱས་ཡོད། [དེའི་ནང་དུ་] ཆུ་སྙིགས་བཙོག་སེལ་ས་ཚིགས་ནས་ཆུ་ལེན་པ་དང་། ཆུ་ལྡོག་འཐེན་དང་། ཨུལ་ཊ་ནུབ་འོད་ཀྱི་དུག་སེལ་སོགས་ཆུ་གཙང་སེལ་གྱི་བརྒྱུད་རིམ་མཐོ་པོ་བརྒྱུད་ནས་ཆུ་གཙང་མ་བཟོས་རྗེས་ས་འོག་གི་ཆུ་གསོག་ཁང་གལ་ཆེན་དེ་དག་གི་ནང་དུ་ཆུ་སླར་ཡང་བླུཔ་རེད། ད་ཆ་ས་འོག་གི་ཆུ་གསོག་ཁང་དེ་དག་གི་ནང་དུ་རང་བྱུང་དུ་ཡོད་པའི་ཆུའི་ཆ་ཤས་ཤིག་དང་། དེ་བཞིན་གཙང་མར་བཟོས་པའི་བསྐྱར་བེད་ཆུ་ཡོད། དེ་ནི་མ་འོངས་པར་ཁོང་ཚོའི་འཐུང་ཆུའི་མཁོ་སྤྲོད་ཆགས་ཀྱི་ཡོད།
