Kaus Lim qaum teb puas xa tub rog mus pab Russia tiag?
Raws li tau muaj tej xov xwm ntawm teb chaws Kaus Lim qab teb thiab Ukraine tej tuam chav soj xwm qab rooj qhia ces yeej tau muaj Kaus Lim qaum teb ib co tub rog raug coj mus xyaum ntawm Sybiria sab hnub tuaj ntawm teb chaws Russia ua ntej Ukraine tej tub rog soj xwm qhia tias lawv yeej mloog Russia tej tub rog hais kom pej xeem ib lub txheb truck uas thaum Kaus Lim qaum teb tej tub rog nres thiab txheeb.
Meskas kuj tau qhia meej tias Kaus Lim qaum teb tau xa nws tej tub rog mus pab Russia tawm tsam Ukraine ntawm cheeb tsam Kursk lawm, tab sis Putin thiab Kim yeej tseem tsis tau qhia meej tias seb puas xa Kaus Lim qaum teb tej tub rog mus pab Russia tiag li cas. Thiab Kaus Lim qaum teb cov kev xa tub rog mus pab Russia zaum no yuav pab kom nws tau txais txiaj ntsim ntau yam li yuav yog ib cov kev qhia txog nws lub peev xwm tub rog, yuav pab kom nws tau Russia tej technology ua rog rau sab riam phom nuclear thiab hnub qub cuav.
Tab sis tsoom fwv Kaus Lim qab teb hais tias Kaus Lim qaum teb tej cwj pwm no yog ib cov kev ua txhaum UN Security Council tej cai thiab ua txhaum UN tej Charters thiab tsis yog tias yuav ua rau tsis tau kev ruaj ntseeg rau cheeb tsam Asia, Europe thiab ntiaj teb.
Thiaj ua rau Lee Hyunseung uas yog ib tug neeg Kaus Lim qaum teb yog tus neeg tau coj nws tsev neeg tsiv tawm ntawm teb chaws 10 xyoo dhau los tau hais tias 'Peb yog cov tub rog raug txib kom sib sau tau nrim av Kaus Lim los ua ib lub teb chaws'.
Nws thiaj tau xa ib tsab xo rau tej tub rog Kaus Lim qaum teb uas npaj yuav mus sib ntaus sib tua ntawm tshav rog tias ''Tsis muaj laj thawj dab tsi ua ntej yuav muab nej txoj sia mus pua teb chaws rau ib lub tshav rog txawv teb chaws. Kim Jong-un tsuas xav siv nej txoj siab sib khom kom nws tau nyiaj ntau million dollars xwb, thiab pab kom nws tau txais kev ruaj ntseg thiab muaj fwj chim xwb.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
