Thaum tseem ntxov ntau lub xyoo uas Andrew Gai tau ras los ua ib tug neeg Australia lawm, ces nws yeej ua kev zoo siab yam puv npo rau hnub Australia Day.
Nws kuj yog ib tug neeg thoj nam ntawm teb chaws South Sudan, thiab yeej tsis muaj cib fim yuav ua kev zoo siab rau hnub haiv ces nws thiaj zoo siab hlo ua kev zoo siab yam txaus siab txaus ntsws.
Txawm li cas los lub caij uas nws tau pib ntau phooj ywg nrog tej neeg txum tim Aboriginal tej zejzog tej tub koom siab ntawm Melbourne lawm, ces Andrew txawm tau pib nug tias puas tsim nyog ua kev zoo siab rau hnub tim 26 lub 1 hlis ntuj lawm.
Nws tau hais tias “Tseem pheej tsim hnub Australia Day rau tej neeg txum tim thiab pheej tseem ua txuas ntxiv thiab, tab sis yog tej yam rov qab qhia txog tej xwm txheej tsis zoo xwb, yog li thiaj yog tej yam uas peb tsim nyog nrog xyuas kom siv tau hnub zoo tshaj no.''
Kuv yeej xav kom muaj ib hnub twg, ces peb muaj ib hnub rau txhua tus neeg Australia, tsis hais lawv yuav yog cov neeg caj ceg dag tsi li, uas muaj peev xwm mloog tau tias yog hnub lawv xav tau thiab yog hnub uas lawv muaj kev zoo siab rau.Andrew Gai
Txhua txhua lub 1 hlis ntuj tim 26 ces Maggie Blanden thiab lwm cov tub koom siab ntawm Australia tej neeg zejzog txum tim Palawa yeej mus rwg npoj ntawm txoj kev Elizabeth Street ntawm nroog Hobart, ua kev nco txog lawv tej poj koob yawm koob uas tau nruam sim ntawm tej tsov rog kub ntxhov uas sib ntau sib tua, thiab ua kev tawm tsam tsis pom zoo rau tej kev tuaj nam nias tswj hwm uas tau ua rau muaj teeb meem ua ntuv zus.
Nws yeej tseem nco tau rau lub caij ntau xyoo thaum nws thiab nws tsev neeg yuav tau ntxeem nrog tej neeg dua kev.
Blanden tau hais tias "Tej neeg yeej sawv ntawm tej kev thiab lawv pheej nthe tej lus phem rau peb, tab sis tau ntau xyoo dhau los no tsis muaj tej xwm txheej no ntxiv lawm ... thiab ua rau peb tau pom tias tau pib muaj tej neeg coob heev pib koom nrog peb lawm. Ces peb thiaj muaj tej phooj ywg coob heev nrog peb taug kev ua ke ntawm peb ib sab lawm.''
Lub caij uas tau muaj cov kev sib teev theev muaj ceem tuaj ntxiv txog hnub Australia Day no, ces Maggie thiab Andrew thiaj ntseeg tias lub tswv yim yuav ntxeem dhau tej no ces yog cov kev pom kev xav txog lwm tus cov kev xav thiab cov kev sib cuag.
Andrew tau hais tias "Kuv thiaj xav txhawb nqa kom tej neeg kav tsij mus koom thiab xyuas kom paub Australia tej neeg txum tim thiab paub txog lawv tej kab lis kev cai uas zoo nkauj heev thiab pom txog lawv cov kev siab dawb siab loj uas lawv muaj,''
"Yog thaum ua li ntawd lawm, ces yuav pab kom peb paub txog qhov tseeb tias yuav ua li cas rau lub neej pem suab, thiab ras txog tias hnub Australia Day tsim nyog yuav yog hnub zoo li cas rau tag nrho peb sawv daws.''
Maggie tau hais ntxiv tias "Thaum peb sib koom ua ke, thiab zaum ua ke, thiab kawm thiab sib qhia ib tug twg lawm ces peb yuav ras los ua ib co phooj ywg zoo tshaj plaws.''
Toom xov xwm kaw ua suab no nug tias: txoj xub ke twg thiaj yog txoj tsim nyog siv rau hnub tim 26 lub 1 hlis ntuj, thiab koj puas muaj peev xwm muaj kev txaus siab ho rau Australia thiab tawm tsam tsis pom zoo rau cov kev tsis tau txais kev ncaj ncees?
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum los yog lwm cov podcast platforms (, , thiab ).
