Xov xwm luv tshaj tawm hnub zwj Quag (Tuesday news 10.12.2024):
James Patterson uas yog tus tswj lub tuam chav Home Affairs ntawm lwm pab nom teb chaws hais tias tsoom fwv cov kev txib ib pawg neeg mus txhuaj ntsuam xyuas tej xwm txheej neeg tawm tsam tej neeg Jews yeej tseem ua tsis tau zoo txaus. Nws tau qhia rau ABC News Breakfast tias pab nom Opposition thiab Jewish community qhua hu kom muaj kev koom tes ntawm tub ceev xwm teb chaws, ASIO thiab tag nrho tej nom tswv tswj cai lij choj, tswj kev ruaj ntseg thiab soj xwm qab rooj theem teb chaws. Tab sis Penny Wong uas yog Australia tus nom tswj dej num txawv teb chaws hais tias cov kev tib Israel los ygo tej tsov rog ntawm Gaza yeej tsis yog ib cov kev tsis nyiam tej neeg Jews li cas thaum nws hais lus ntawm tsev kawm qib siab South Australia tias yeej muaj Australia tej neeg zejzog Jews nshai, tsis tau txais kev nyab xeeb, yog li peb yuav tsum tsis pom zoo nrog txhua yam tswv yim tsis nyiam neeg Jews.
Muaj 180 tus neeg raug tua tuag ntawm Haiti ob hnub so dhau los tom qab tau muaj xov xwm qhia tias tus me nyuam ntawm ib pab gang tus coj raug neeg tso dab tom.
Gideon Saar uas yog Israel tus nom tswj dej num txawv teb chaws kuj cia siab tias yuav muaj peev xwm sib khom ntawm Gaza Strip kom tso tau tej neeg li ntawm 100 tus rov qab rau lub caij musj xov xwm qhia tias Hamas tseem txheeb tej npe list tias lawv txhom tau leeg twg.
Turkey hais tias nws tab tom qhib ciam teb nrog Syria kom tej neeg thoj nam Syrian ntau millions tus yeem thaj thiab muaj peev xwm rov qab mus tau rau lawv lub teb chaws yam thaj yeeb tom qab hnub zwj Cag (Saturday tim 7 lub 12 hlis ntuj 2024) uas tej neeg tawm tsam tau muab tsoom fwv Bashar al-Assad rho tawm nom. Tab sis UN hais tias yuav tsum ua tib zoo xyuas kom tej neeg no cov kev rov qab yog ib cov kev yeem thaj.
Tau muaj ib lub koom haum pov puag tej neeg Jews txoj cai ntawm teb chaws Meskas tau muaj ib cov kev ceeb toom rau tej neeg Jews kom tsis txhob mus xyuas teb chaws Australia tsam raug lwm tus tawm tsam tsis nyiam rau lub caij phau ntawv xov xwm Nine Newspapers tau hais tias cov xwm txheej ib lub tsev teev hawm ntawm Melbourne raug kub hnyiab tej zaum yog ib cov xwm txheej terrorist attack.
Lub koom haum Impacts Economics and Policy ib cov kev tshuaj ntsuam tau qhia tias tej cuab yig muaj tej me nyuam hnoob nyoog qes dua 5 xyoos muaj nuj nqe yuav tau them kim dua 27% piv rau tej lawv them xyoo 2021.
Tsoom fwv teb chaws yuav siv nyiaj $20 million los tsim kom tau cov free public wi-fi rau Australia tej neeg zejzog toj siab tau siv. Ces thiaj yuav ua rau 23 lub zos ntawm cov xeev NT, SA, QLD thiab WA yog cov yuav tau siv tej digital wifi no.
Tom qab Askiv tau tawm tsis ua tub koom siab nrog lub koom haum European Union lawm ces kuj tau muaj Rachel Reeves uas yog UK tus Chanellor tau mus xyuas Brussels thiab siv lub cib fim no los kho kom muaj kev sib raug zoo nrog lub koom haum no.
Nom tswv Nplog phau ntawv xov xwm VT tau qhia tias muaj Suav ib lub tuam txhab yuav npaj nqes peev nyiaj USD 600 million cog tej txiv lwm zoov ntawm xeev Oudomxay kom tau noj hauv Nplog teb thiab xa ua luam txawv teb chaws.
Bangkok Post tau tshaj tawm tias tus coj Thaib pab neeg tsho daj tau mus hais lus rau tsev tsoom fwv tias kom Thaib tus thawj pwm tsav Paetongtarn tsis txhob ua raws li cov kev pom zoo MOU 2001 nrog Cambodia vim yog ua raws ces Thaib yuav plam txiaj ntsim rau tej nrim dej nrim av, yog tsis tso tseg ces lawv yuav tawm tsam txuas ntxiv.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau los yog caum
