Xov xwm luv npaj tshaj tawm rau hnub zwj Hnub (Sunday 08.12.2024):
Muaj Australia ib cov nom tseem ceeb tau los hais ib cov lus tawm tswv yim rau ib cov kev tshuaj ntsuam tias tej zaum pab nom koom tswj (Coalition) yuav yeej cov kev xaiv tsa tsoom fwv Australia tshiab tom ntej no (May 2025). Tau muaj tej xwm txheej no rau lub caij thawj pwm tsav Anthony Albanese tau mus xyuas lub xeev Western Australia 3 hnub vim yog lub xeev pab kom nws yeej cov kev xaiv tsa xyoo 2022. RedBridge cov kev ntsuam 5,000 tus neeg tau kwv yees tias Coalition yuav yeej cov rooj nom tshaj 60 lub. Tab sis Jason Clare uas yog Labor tus nom tswj dej num kev kawm hais tias ''2-3 hlis ntxiv no ces sawv daws yuav paub tias Peter Dutton yob tus neeg tsav fwj chim thiab yog ib tug neeg ua tsis tau dab tsi, nws tus me nyuam tseem muaj tej cai coj mus sib tw zoo tshaj Peter Dutton tej'', txawm li cas los Susan Ley uas yog tus coj ntawm lwm pab nom teb chaws tau hais tias tej zaum kuj yuav qhia tau qhov tseeb txog zej tsoom cov kev xav thiab vim ''Yuav ua rau sawv daws tib zoo txheeb Anthony Albanese seb nws ua dab tsi txij cov kev xaiv tsa dhau los, vim lawv yeej tsis nyiam tej nws tam li yog tus thawj pwm tsav thiab nws tus tsoom fwv ua. Tej neeg los yuav tau them nqe qev nyiaj yuav tsev kim txog li $35,000 ib xyoos twg thiab thaum kuv nrog tej neeg ntawm kuv tej rooj nom thiab tej lagluam tham ces lawv yeej tsis tshua txaus siab thiab txhawj xeeb txog lub neej pem suab.''
Mark Regev uas yog tus neeg Australia uas tau sab laj rau Israel tus thawj pwm tsav dhau los raug teem txim vim nws muaj kev txhawb nqa tej xwm txheej tua neeg kom suaj kaum ntwm Gaza. Raws li Robbie Thorpe uas yog ib tug coj neeg txum tim caj ceg neeg Krautungalung thiab kuj yog tus neeg pov puag tib neeg txoj cai hasi ces Regev yeej tau hais lus txhawb nqa cov kev tua neeg ntawm Australia tej chaw nthuav xov xwm. Ces thiaj tseem yuav coj nws mus hais plaub ntawm Victoria lub tsev hais plaub Magistrate Court tim 10 lub 12 hlis ntuj xyoo 2024 no ntxiv, yog txheeb tau tias nws txhaum tiag ces yuav ua rau nws raug kaw tsev laj cuj ntev tshaj plaws txog 7 xyoo.
Tag nrho Australia tej nom kis xeev qes ntawm txhua pab nom tau pom zoo kom ua raws li 61 cov kev taw qhia ntawm tsev tsoom fwv pawg rooj saib xyuas los daws cov teeb meem financial abuse. Vim tej teeb meem no tau ua rau muaj neeg poob nyiaj ib xyoos twg yuav laug txog 6 billion dollars uas tseem poob ntau tshaj yuav laug txog li 3 billion dollars rau cov kev raug neeg phem ntxias dag thiab.
Tau muaj ib lub koom haum tiv thaiv kom tsis txhob tsim teeb meem kub ntxhov rau tej poj niam tau los tsim cov program 'RedFlag Day' coj los qhia kom zej tsoom paub txog tej cim qhia tias ib tug twg raug lwm tus ua phem rau ntawm tej xwm txheej kub ntxhov hauv lub cuab yig. Tau muaj tej xwm txheej no rau lub caij uas muaj Australia tej poj niam 72 tug raug tua tuag cuam tshuam nrog tej teeb meem kub ntxhov hauv lub cuab yig, los sis muab xam ua muaj txhua txhua ib tug poj niam tas sim neej rau 5 hnub twg.
Kuj tau muaj Australia tej neeg zejzog Jew ib lub tsev teev hawm ntawm lub sab Ripponlea sab qab teb hnub tuaj ntawm Melbourne kub hnyiab thiab tub ceev xwm xav tias tej zaum txhob txwm muaj neeg hlawv. Thiaj ua rau muaj 60 tus neeg tua hluav taws thiab 17 lub tsheb tua hluav taws tau mus tswj tej xwm txheej no sij hawm 4 teev sawv ntxov hnub tim 6.12.2024.
Tej kws paub zoo txog ntiaj teb txoj kev ruaj ntseg hais tias tej hluas raug neeg phem hauv internet siv cov kev phooj ywg los ntxias siv lawv kom ras los ua neeg phem. Raws li tau muaj lub koom haum Five Eyes ib tsab ntawv cej luam qhia ces tau qhua hu kom teb chaws kub siab nrog tiv thaiv tej tswv yim tsim kev khub ntxov, kom nom tswv nrog xyuas, tsim cov kev taw qhia thiab tsim kev pab cuam daws kev nyuaj siab ntxhov plawv siv, thiab koom tes ua tej hauj lwm no nrog tej tuam txhab technologies. Thiaj uas rau Barton hais tias ''Tej me nyuam yaus yeej tsis nkag siab tias cov kev phooj ywg nrog lwm tus hauv yuav raug kev phom sij tau.''
Raws li tau muaj cov kev ntsuam zej tsoom cov kev tawm tswv yim ces pom tau tias muaj tej neeg Australia txog li 25 feem pua yeej tau tej khoom plig Christmas uas lawv tsis xav tau los lawv tsis siv hlo li. Australia Institute txheeb tau tias muaj tej khoom plig ntau tshaj $1 billion dollars no ces yuav raug coj mus faus ua khoom seem txeej xyoo no.
Emmanuel Macron uas yog Fabkis tus presiden tqhia tias nws yuav tsis tawm thiab tseem yuav ua nom kom tag sij hawm rau thaum lub 5 hlis ntuj xyoo 2027 tso tom qab uas tej nom ntawm lwm pab nom teb chaws tau tawm suab muab Michel Barnier uas yog nws tus thawj pwm tsav rho tawm nom. Nws thiaj tau hais tias ''nws yuav tsis lees txais cov kev liam dab tsi vim rau qhov muaj qee tus nom yeej tsim teeb meem kom nws tus tsoom fwv tsis txhob muaj peev xwm siv tau nws cov nyiaj puag xyoo ua ntej lub caij ntau hnub yuav txog Christmas. Thiab qhia tias nws tus tsoom fwv tshiab yuav tsim kom tau cai kom rov qab siv tau nws tej nyiaj puag xyoo 2024-25 xyoo tom ntej no.
Tau muaj phau ntawv xov xwm Guardian Australia cej luam tias Australia tus nom tswj dej num tiv thaiv teb chaws Richard Marles tau hais kom los txheeb Australia lub chaw ua hauj lwm tsim Australia tej nkoj ploj qab thus dej AUKUS vim txhawj xeeb txog cov kev lis tej hauj lwm no, uas yuav tso rau Dennis Richardson uas yog tus nom tswj hauj lwm tiv thaiv teb chaws thiab tswj kev ruaj ntseg dhau los ua tus tswj tej hauj lwm no.
Australia lub koom haum Medical Association hasi tias Australia cov mental healthcare system siv tsis tau hauj lwm pab tej neeg pab tsis tau lawv tus kheej ntawm tej zejzog. Ces lub koom haum no thiaj nqua hu kom tsoom fwv tshwm nyiaj los pab tej hauj lwm no thiab nrog xyuas kom muaj neeg ua tej hauj lwm no txaus los tsim kev pab cuam rau tej neeg.
Kuj tau coj ib co qauv (pob txha) ntawm tej neeg txum tim uas coj mus khaws rau ntawm teb chaws Gemany txij xyoo 1880 rov qab los rau Australia.
Kaus Lim qab teb tej nom tseem npaj yuav los tawm tsaub tsis pom zoo yuav tshem nws tus president Yoon Suk Yeol tawm tsis pub ua nom tom qab uas nws tau siv tsab cai martial law hnub Tueday dhau los, txawm li cas los tseem yuav tau cov kev pab ntawm ib co nom ntawm tus president no pab nom thiab mas thiaj yuav muaj peev xwm tsim tau tsab cai los impeach nws. Ces tej neeg raws npoj tawm tsam thiaj tau hais kom tus president no tawm tsis txhob ua nom lawm.
Nplog phau ntawv xov xwm The Laotian Times tau tshaj tawm tias nom tswv Nplog tau tshwm ib daig ntawv los txwv tsis pub muag ob hom cawv Tiger Vodka thiab Tiger Whisky rau tag nrho tej khw noj mov, tej khw muag khoom noj khoom haus, tej bars ntawm Vang Vieng lawm tom qab txheeb tau meej tias muaj 5 tug neeg ntoj ncig txawv teb chaws tas sim neej cuam tshuam txog cov kuab taug methanol. Nom tswv Nplog kuj tau muab 10 tawm tus neeg txhom tab sis kuj tseem tsis tau tsub txim dab tsi rau lub caij tseem muaj cov kev tshuaj ntsuam txog tej xwm txheej no txuas ntxiv.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau los yog caum
