Ntsiab lus tseem ceeb:
- Koj muaj peev xwm mus qhib ib phau ntawv siv nyiaj kiag ntawm ib lub txhab nyiaj los sis qhib tau hauv online.
- Tej online accounts ces tej zaum kuj yuav tsis tsuas muaj cov kev pab rau tej customer tab sis yuav tau paj siab dua.
- Yog koj nrhiav ntau lub txhab nyiaj thiab ua raws li ib co lus zoj khi rau cov kev siv ib co account twg ces kuj pab lug kom tsis tau them nqe hli.
- Tsoom fwv Australia yeej pov puag yus tej account txog li $250,000.
Neeg Australia yeej muaj peev xwm xaiv siv tau tej txhab nyiaj ntau tshaj 100 lub diam. Tab sis vim yog koj tej nyiaj ces koj yuav tsum tau ua tib zoo xyuas kom yog ib cov kev txiav txim siab zoo tias lub txhab nyiaj twg yog lub haum rau koj siv tshaj plaws.
Peb yeej tham txog cov phau ntawv siv nyiaj 'bank account', tab sis qhov tseeb tiag ces peb yeej tham txog tej txhab nyiaj, tej credit unions thiab building societies. Credit unions thiab building societies ces yog tej customers ua tus tswv.
Thiab kuj muaj 4 lub txhab nyiaj loj ua cov lagluam nyiaj txiaj no li: Australia and New Zealand Bank (ANZ), Commonwealth Bank (CBA), National Australia Bank (NAB) thiab Westpac Banking Corporation (Westpac), uas sawv daws yeej paub tias yog 4 lub txhab nyiaj loj los yog the 'big four'.
Tsis tas li ntawd los yeej muaj ntau txoj xub kev rau yus siv thiab, yog li ntawd thiaj xav kom txheeb thiab nrhiav ntau lub seb lub twg haum rau yus siv.
Leej twg xav tau ib phau ntawv siv nyiaj (Bank account)?
Yog tias koj tus tswv lagluam them nyiaj hauj lwm rau koj, los yog koj tau nyiaj pab ntawm tsoom fwv, los yog koj nyiam them tej nqe hauv online los sis yog koj xav kom koj tau txais kev nyab xeeb rau koj tej nyiaj ces koj yuav tau muaj ib phau ntawv siv nyiaj siv. Thiab tej zaum ntshe tseem yuav tau muaj ntau tshaj ib phau siv thiab.
Tsis tas li ntawd los tsoom fwv Australia cov hauj lwm Financial Claims Scheme yeej qhia meej tias txhua txhua tus neeg uas muaj ib phau account siv yeej yuav tau nyiaj txog li ntawm $250,000. Txhais tau tias yog tias ho muaj tej xwm txheej ua rau koj lub txhab nyiaj ntog ua tsis tau lagluam lawm, ces koj yeej yuav tau koj tej nyiaj.
'4 lub txhab nyiaj loj' Source: AFP / PETER PARKS/AFP via Getty Images
Koj puas muaj cai qhib ib phau ntawv siv nyiaj siv?
Sarah Megginson ces yog ib tug Personal Finance Expert uas ua hauj lwm nrog lub vas sab Finder uas piv ntau cov kev siv nyiaj txiaj.
Nws tshab txhais tias koj yuav tsum yog ib tug pej xeem Australia los sis yog ib tug neeg nyob ntawm Australia, thiab tsis tas koj yuav yog ib tug neeg nyob ruaj ntawm teb chaws Australia los tau.
Nws hais tias “Yog tias koj thov tau ib daim visa nyob ib ntus (ntawm Australia) ces koj muaj cai qhib ib phau ntawv siv nyiaj siv, vim tej txhab nyiaj yeej lees paub tias koj xav tau ib phau ntawv siv nyiaj siv, kom thiaj tau chaw khaws tej nyiaj koj khwv tau, los yog rho nyiaj siv. Yog tias koj tsuas mus xyuas Australia xwb ces yuav muaj cov kev tswj nruj heev rau cov kev qhib ib phau ntawv siv nyiaj, koj tsis muaj peev xwm kawm ntawv los yog yuav tsis pub koj ua hauj lwm ntawm teb chaws Australia.''
Tsis hais koj muaj hnoob nyoog li cas li koj yeej muaj peev xwm qhib tau ib phau ntawv siv nyiaj siv, tab sis yog tias koj hnoob nyoog qes dua 18 xyoo ces koj niam koj txiv los yog tus neeg tu saib xyuas koj yuav tau nrog kos xyeem mem tes.
Hom ntawv siv nyiaj
Yeej muaj ob hom ntawv siv nyiaj tseem ceeb uas tsim nyog koj paub txog.
Thawj yam ntawv siv nyiaj ces yog phau uas yus tso nyiaj rau thiab rho siv tas mus li.
Ms Megginson hais tias “Phau account no ces yog ib phau ntawv siv nyiaj uas koj rho nyiaj siv txhua hnub. Thiab tej zaum kuj yuav yog phau uas koj khaws koj tej nyiaj ua hauj lwm.''
Txawm li cas los koj yuav tsis tau paj rau koj phau ntawv siv nyiaj no, tab sis koj muaj peev xwm txuas kom siv tau credit los yog debit card.
Koj phau ntawv siv nyiaj (Bank account) yeej yuav txuas rau koj daim credit los yog debit card. Credit: davidf/Getty Images
Nws hais tias “Tam sim no los yeej tau paj siab heev thiab yeej ua rau yus tau nyiaj zoo rau yus phau ntawv khaws nyiaj cia no.''
Thiaj yog ib lub zoo tswv yim uas yus tso ib co nyiaj rau yus phau ntawv siv nyiaj thiab tso cov seem ntawd rau phau saving account kom tau paj ntau.
Tej paj tau los ntawm txhab nyiaj
Cov phau ntawv khaws nyiaj cia (Savings accounts) yeej muab tej paj sib txawv uas yeej muaj kev pauv hloov rau ib lub caij twg.
Andrew Dadswell ntawm lub koom haum Australian Securities and Investments Commission (ASIC) lub vas sab , uas pab neeg Australia tswj lawv cov kev siv nyiaj txiaj.
Yog tias koj muaj ib phau savings account ces koj yuav tau paj rau tej nyiaj koj xub to rau phau account ntawd thiab yuav tau paj rau tej nyiaj paj uas koj twb tau ntxiv lawm, ces yus thiaj tau paj ntxiv rau tej paj uas yus twb tau lawm thiab.Andrew Dadswell, ASIC's Moneysmart
“Piv txwv li yog tias yus tso $100 rau yus phau ntawv txuag nyiag (savings account) ces yuav tau paj 4%, txhais tias yus yuav tau $104 rau thaum xaus lub xyoo, thiab yuav tau tej nyiaj no ntau tuaj ntxiv ntawm ib lub xyoo rau ib lub xyoo txuas ntxiv rau yus tej nyiaj uas yus khaws cia ntawd.“
Tsis hais ib co paj twg uas yus tau li yeej raug xam tias yog ib co nyiaj uas yus khwv tau, yog li thiaj xav kom ua tib zoo xyuas kom qhia rau nom tswv paub thaum yus thov se rov qab.
Xav seb hom txhab nyiaj zoo li cas thiaj haum rau yus siv
Puas yog yus xav mus siv kiag ib lub txhab nyiaj ntawm ib qho chaw twg kiag? Yog ces 4 lub txhab nyiaj loj uas sawv daws paub zoo tej zaum yuav yog tej txhab nyiaj uas phim rau yus siv dua, vim rau qhov yus muaj peev xwm mus siv nyiaj tau kiag ntawm tej txhab nyiaj ntawm lub chaw ua hauj lwm.
Tab sis tej zaum yus kuj yuav xav ua luam hauv online thiab.
Tsis tas li ntawd los tsis ntev los no kuj muaj ib co txhab nyiaj tshiab hu ua 'Neo banks' los yog digital banks uas tsis muaj tej tuam txhab nyiaj tiag uas yus mus siv tau kiag ntawm chaw. Thiab yus tsuas siv tau hauv online xwb.
Ib lub txhab nyiaj twg nyias yeej muaj nyias cov customer services sib txawv thiab, tab sis lawv yuav them paj ntau dua.
Thiab tej zaum cov kev muaj peev xwm siv tau nyiaj ntawm xov tooj tes (Smartphone) kuj yog tej yam tseem ceeb rau yus thiab. Thiaj xav kom txheeb seb tej txhab nyiaj twg pub yus ntxiv yus daim credit card nrog yus lub smart wallet, Google Pay los yog Apple Pay. Vim rau qhov tsis yog tag nrho tej txhab nyiaj yuav pub yus siv.
Cov kev thov qhib ib phau ntawv siv nyiaj siv
Yeej qhiv tau yooj yooj yim xwb li mus xyuas ib ceb txhab nyiaj twg los sis muaj peev xwm mus tau rau hauv lawv lub vas sab thiab ua raws li tej txheej txheem lawv qhia kom yus ua.
Ms Megginson hais tias tsuas muaj teeb meem me ntsis rau cov kev yuav tau qhia yus lub cim thawj (Identity) xwb.
Nws hais tias ''Yeej yog ib co txheej txheem uas yus yuav tau ua, tab sis kuj yog tej yam pov puag yus thiab.''
Ces yus thiaj yuav tau muab tej ntaub ntawv coj los qhia tias yus yog tus neeg twg tiag uas tej zaum yuav yog yus daim passport, daim ntawv teev hnub yug yus los sis yog yus daim Medicare card.
Yeej zoo tib yam li yus nqa yus tej ntaub ntawv mus rau ntawm ib lub txhab nyiaj twg, tsuas yog tias ntshe yus ho siv online bank uas yuav tau siv cov digital verification xwb.
Thaum yus teev zwm rau ib co system twg lawm ces yus yuav siv tau nyiaj hauv online (Online banking) los yog siv tau ib lub app hauv yus lub xov tooj, thiab yus muaj peev xwm qhib tau ntau phau ntawv siv nyiaj ntxiv rau lub caij ntau ntiag tiv xwb.
Cov kev muaj peev xwm siv tau nyiaj hauv xov tooj ntawm tes tseem ceeb npaum li cas rau koj? Credit: andresr/Getty Images
Puas yog tias koj yog ib tug tuaj tshiab rau Australia thiab xav tau ib phau ntawv siv nyiaj?
Yog tias yog ces tej zaum tej ntaub ntawv siv coj los txheeb koj lub cim thawj (Identification documentation) yuav ib nyuag txawv me ntsis.
Mariangela Stagnitti uas yog ib tug neeg uas yeej tau pab tej neeg tsiv teb tsaws chaw kom lawv siv tau nyiaj los tau ntau caum xyoo hais tias:
“Yog tias koj yog ib tug neeg tuaj txog tshiab, thiab koj ho muaj ib daig passport txawv teb chaws siv, thiab yeej teev hnub koj tuaj txog ntawm koj daim visa ces koj yuav tsum luam koj daim vias no thiab ua tib zoo xyuas kom koj yog ib tug neeg tuaj raug cai rau ntawm (lub teb chaws Australia) no.”
Tej neeg tuaj tshiab yuav tsum tau teev zwm npe kom tau ib tug Tax File Number (TFN) nrog lub tuam chav sau se (Australian Taxation Office -ATO) thiab qhia tus number no rau lub tuam chav no paub rau lub caij 30 hnub kom thiaj tsis txhob tau them cov se non-resident withholding tax.
Tab sis yog tias tsuas yog koj tuaj holiday xwb ces koj yuav tsis muaj peev xwm qhib ib phau ntawv siv nyiaj siv.
Ms Stagnitti hais tias ''Tej zaum koj kuj yuav tau xa nyiaj rau koj phau ntawv siv nyiaj ntawm Australia no thiab.''
''Thiab cov kev pauv nyiaj kuj yuav ua rau koj tau nyiaj tsawg lawm.''
Thiaj xav kom koj sab laj nrog lub txhab nyiaj koj siv tias seb ho muaj tej xub ke twg uas koj xav siv.
Tej zaum yeej muaj ib co txhab nyiaj pub koj qhib ib phau ntawv siv nyiaj ua ntej koj yuav tuaj rau Australia no, thiab mam li hais kom koj nqa koj tej ntaub ntawv mus qhia rau lawv rau ntawm ib lub txhab nyiaj twg thaum koj tuaj txog lawm. Thiab yog tias lub txhab nyiaj ntawd tsuas siv hauv online xwb, ces tej zaum lawv kuj yuav pub kom qhib ib phau siv online thiab, yog li ntawd thiaj xav kom koj txheeb seb koj nyiam siv lub txhab nyiaj twg.
Yus tsis tas them tej nqe dab tsi
Sarah Megginson hais tias yog tias yus tseem them nqe rau yus phau ntawv siv nyiaj thiab ces xav kom yus nrhiav dua lwm cov account uas siv tau zoo dua rau yus.
Tsis tas yus them tej nqe ntawd li. Vim tsuas yog ib cov nqe uas pub rau lub txhab nyiaj ntawd kom lawv tau nyiaj tsam peev xwb.Sarah Megginson, Personal Finance Expert, Finder
Tsis tas li ntawd los yog tias yus muaj peev xwm ua tau raws li ib co lus zoj khi (Conditions) twg ces tej zaum yus kuj tsis tau them nqe dab tsi rau cov phau ntawv khaws nyiaj tseg cia kom tau paj ntau thiab.
Nws hais tias “Tej zaum yus kuj yuav tau tso ib co nyiaj npaum li cas ntxiv rau tej nyiaj yus khaws cia ntawd, los sis yog lawv tsis pub yus rho tej nyiaj ntawd. Thiaj xav kom ua tib zoo xyuas tias tsis hais hom ntawv siv nyiaj dab tsi uas yus xaiv siv li, kom muaj tej lus zoj khi uas haum rau yus siv.”
Subscribe los yog caum mloog tej xov xwm kaw ua suab Australia Explained kom paub txog ntau yam xov xwm tseem ceeb thiab tej lus taw qhia kom koj pib tau lub neej tshiab ntawm teb chaws Australia.
Yog tias koj muaj ib co lus nug dab tsi los yog muaj ib co tswv yim dab tsi? Ces xa email rau peb rau ntawm [email protected]
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau los yog caum
