Key Points
- Yuav muaj kev pauv hloov rau tej txheej txheem hloov tej ntawv tsav tsheb rau tej neeg uas muaj ntawv tsav tsheb txawv teb chaws siv.
- Tej neeg uas muaj ntawv tsav tsheb txawv teb chaws ntawm ib co teb chaws twg yuav tau rov qab mus xyaum thiab mus xeem dua tshiab.
- Tab sis cov kev pauv hloov tshiab no yuav tsis muaj cov kev cuam tshuam rau tej neeg txawv teb chaws tuaj ntoj ncig/tuaj xyuas Australia uas muaj ntawv tsav tsheb txawv teb chaws siv.
Sai sai no ces tej zaum tej neeg ua nyob ruaj ntawm teb chaws Australia no uas xav hloov lawv tej ntawv tsav tsheb txawv teb chaws los siv Australia tej ntawv tsav tsheb yuav tau rov qab ua raws ib cov kev pauv hloov tshiab lawm thiab.
Lub koom haum Austroads uas tswj cov kev tso cai pub ntawv tsev tsheb rau tej neeg pej kum haiv ntawm Australia tej xeem tau qhia thaum ntxiv limtiam no tias tej zaum yuav muaj cov kev pauv hloov rau tej txheej txheem hlooov tej ntawv tsav tsheb no xyoo tom ntej no lawm.
''Cov txheej txheem tshiab no yuav los ua tib zoo txheeb tej cai txheeb kom nruj tshaj qub ntxiv, thiab qhia txog tej cai yuav siv kom nruj tuaj ntxiv thiab xyuas kom tau txais kev nyab xeeb ntau tuaj ntxiv,'' raws li Geoff Allan uas yog Austroads to coj tau hais ib co ncauj lug.
Ho hloov tej ntawv tsev tsheb txawv teb chaws los siv Australia tej li cas tam sim no?
Tam sim no ces raws li cov hauj lwm Recognised Country Scheme tau teev tseg ces tej neeg nyob ruaj ntawm Australia uas tuaj ntawm ib co teb chaws twg tuaj muaj peev xwm hloov lawv tej ntawv tsav tsheb siv raws li ib co xwm txheej twg tsi ntsees.
Austraods hais tias cov hauj lwm no ''yeej pab kom muaj peev xwm hloov tau tej ntawv tsav tsheb ntawm ib cov neeg tuaj ntawm ib co teb chaws twg rau Australia kom hloov tau los siv Australia tej ntawv tsav tsheb yooj yim tuaj ntxiv, thiab yeej muaj ib txhia neeg yeej muaj peev xwm hloov tau yam tsis tas mus xeem dab tsi ntxiv.''
Tej neeg ntiag tug uas muaj ntawv tsav tsheb ntawm ib lub teb chaws twg raws li cov teb chaws raug lees spaub (Recognised Country Status) ces yuav tsis tau mus xeem seb puas muaj tej txuj ci thiab paub tsav tsheb thaum mus thov Australia ib daig ntawv tsav tsheb los yog ib daig ntawv tsav tsheb maum npua (motorcycle licence).
Tej teb chaws uas uas txawv tej cai teev txog cov kev mus xeem thiaj tau ntawv tsav tsheb siv ntawd yuav muaj cai raug lees paub tam li yog cov neeg paub tsav tsheb (Experienced Driver Recognition status).
Tej neeg txawv teb chaws uas muaj ib daim ntawv tsav tsheb ntawm ib lub teb chaws twg uas raug lees paub tias yog cov neeg paub tsav tsheb lawm thiab muaj hnoob nyoog tshaj 25 xyoos ces ''tej zaum kuj yuav tau ib daim ntawv tsav tsheb muaj ntsis zoo tib yam li Australia tej ntawv tsav tsheb yam tsis tas mus xeem dab tsi ntxiv.''
Hos tej neeg uas muaj tej ntawv tsav tsheb ntawm lwm lub teb chaws, thiab tej uas muaj tej ntawv tsav tsheb ntawm tej teb chaws uas paub tsav tsheb tab sis muaj hnoob nyoog hluas dua 25 xyoos yuav tau mus xeem mam li tau siv Australia tej ntawv tsav tsheb.
Muaj dab tsi pauv hloov?
Txog rau hnub tim 20 lub 4 hlis ntuj xyoo 2025 no ces ''yuav tsis siv cov kev lees paub tej neeg paub tsav tsheb (Experienced Driver Recognition status) ntawm Australia tej xeev feem coob thiab yuav tsis siv thoob plaws ntawm Australia rau ntau lub hli txuas ntxiv ntawd lawm.''
Vim li ntawd tej neeg tsav tsheb ntawm ib co teb chaws uas raug lees paub tias yog cov neeg paub tsav tsheb thiaj yuav tau ntawm tej xwm txheej no.
Allan hais tias ''Yog tias ib tug neeg muaj ib daig ntawv tsav tsheb txawv teb chaws twg tsis hloov lawv daim ntawv tsav tsheb los siv Australia daim ntawv tsav tsheb ua ntej xaus tsis siv cov Experienced Driver Recognition Scheme lawm, ces lawv yuav tau mus xyaum dua thiab yuav tau mus xeem ua ntej lawv yuav tau Australia ib daig ntawv tsav tsheb siv.''
Austroads thiaj tau txhawb nqa kom tej teb chaws ntau lub thiab ib co xeev nroog uas raug lees paub li tau hais no yuav tau mus hloov dua ntawv tsav tsheb tshiab (Bulgaria, Czech Republic, Estonia, Hong Kong, Hungary, Latvia, Lithuania, Poland, Republic of Cyprus, South Korea, Republic of Serbia, Romania, Slovakia, Slovenia, South Africa thiab Taiwan).
Tej neeg uas tuaj ntoj ncig/tuaj xyuas teb chaws Australia uas muaj ntawv tsav tsheb txawv teb chaws siv ces kuj tsis muaj kev cuam tshuam dab tsi txog cov kev pauv hloov no.
Allan tau hais tias ''Yuav tsis siv cov kev pauv hloov no rau tej neeg ntoj ncig uas tuaj xyuas teb chaws Australia, thiab lawv yeej tseem muaj peev xwm yuav siv tau lawv tej ntawv tsav tsheb uas tseem siv tau ntawm Australia tej kev txuas ntxiv thiab ua raws li tej lus zoj khi rau cov kev siv daim ntawv tsav tsheb ntawd.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
