Ntsiab lus tseem ceeb:
- Raws li tau muaj ib co kev tshuaj ntsuam tshiab qhia ces ib yig neeg twg siv nyiaj $59 rau cov kev siv transport.
- Tej nqe kim tshaj plaws yog nqe ntiav tsheb siv ib ntus, insurance thiab nqe kho ib yam dab tsi.
- Tej nqe ransport tau kim tuaj ntxiv txog 7.4 feem pua rau lub sij hawm 3 hlis txog rau lub 3 hlis ntuj dhau los no, thiab tseem siab tshaj tus kab theem nyiaj poob nqe rau tib lub caij no thiab.
Raws li tau muaj ib cov kev teeb txheeb tau qhia ces Australia tej cuab yig yeej siv nyiaj txog $59 rau ib hnub twg rau tej nqe transport.
Lub koom haum Australian Automobile Association (AAA) cov kev teeb txheeb tshiab txog cov transport affordability index qhia tias tej nqe transport kim tuaj sai tshaj tej kab theem nyiaj poob nqe, thiab tej nqe ntiav tsheb, yuav nyiaj tuav pov hwm (insurance) thiab tej nqe kho yog tej nqe uas kim tshaj plaws tuaj lawm.
Tej neeg tsav tsheb los kuj txuag tau me ntsis thiab li tej nqe roj uas ib nyuag pheej yig zog, los yog tej nqe pab them nqe siv kev tsheb, los yog teev zwm siv tsheb ntawm qee cov xeev thiab.
Lwm cov nqe uas tau ntsuam txog ntawd ces yog tej nqe kho tsheb, thiab nqe yuav log tsheb siv, nqe siv public transport thiab tej nqe pab tej neeg tsav tsheb thaum tsheb muaj ib yam teeb meem dab tsi tom kev.
Lub koom haum AAA cov kev ntsuam no tua qhia tias ib yim neeg Australia twg tej nqe transport tau kim tuaj ntxiv yuav laug txog li 7.4 feem pua rau 3 hlis los txog lub 3 hlis ntuj dhau los, thiab tseem siab tshaj tej nyiaj poob nqe ua tau nce tuaj ntxiv 1.4 feem pua rau tib lub caij no.
Cov kev tshuaj ntsuam txog tej nqe no yog xam raws li ib nkawm niam txiv uas muaj ob tug me nyuam, thiab muaj ob lub tsheb siv thiab ob leeg ua hauj lwm tib si.
Tej nqe transport kim npaum li cas ntawm koj lub nroog?
Tej nqe tranport nrab hauv tej nroog loj ces siv txog $63.77 rau ib hnub twg diam, how tej nqe siv rau ntawm tej zos toj siab ces raug li ntawm $53.60 rau ib hnub twg.
Tab sis yog xam rau teh kab theem tam sim no lawm, ces yuav siv txog li $23,213 ib xyoos twg hauv tej nroog thiab siv txog li $19,510 rau ib xyoos twg ntawm tej zos toj siab.
Lub nroog kim tshaj plaws yog Sydney (uas siv $72.97 rau ib hnub twg), ntxiv ntawd ces yog nroog Melbourne ($71.82 ) thiab Brisbane ($71.5 rau ib hnub twg).
Txawm tias Brisbane tau siv tej nyiaj them nqe transport no kis tshaj plaws tuaj ntxiv, los yog xa tus nqe nrab ces tsuas tau siv txog li ntawm $4.90 rau ib hnub twg xwb.
Hobart yog lub nroog tau siv nyiaj them tej nqe transport pheej yig tshaj plaws li $55.80 rau ib hnub twg xwb, uas tsem pheej yig tshaj tej nqe uas kim tshaj plaws ntawm tej zos toj siab li Alice Springs, uas tseem tau them txog li $57.42 rau ib hnub twg thiab.
Source: SBS
Vim rau qhov tus nqe transport nrab ntawm haiv neeg no tsuas yog 15.8 feem pua xwb, ua ke no los tej neeg ntawm Canberra yog cov siv tej nyiaj khwv tau los tsawg tshaj plaws txog li 14.4 feem pua coj los them tej nqe transport no xwb.
Vim li cas tej nqe transport no thiaj kim tuaj lawm?
Tos ho ua rau tej nqe no kim tuaj los twb vim yog tej nqe tsheb kim tuaj ntxiv thiab tej kab theem paj them tej nyiaj qev yuav tsheb los kuj kim tuaj ntxiv lawm.
Lub sij hawm 3 hlis txog rau lub 3 hlis ntuj dhau los ntawd, ces ib yog neeg Australia twg yeej yuav tau them tej nyiaj qev los yuav tsheb kim tuaj ntxiv txog li $26.19 rau ib hnub twg lawm thiab.
Source: SBS
Nqe roj yog cov kim ua zum ob txuas ntixv, uas muaj cov feem pua txog li 23.1 los yog raug tus nqe $13.65 rau ib hnub twg, txawm li cas los tus nqe roj kuj tau pheej yig me ntsis txij li 3 hlis dhau los thiab.
Tej nqe kho tsheb thiab yuav log tsheb los kuj tau kim thoob teb chaws lawm thiab.
Lub koom haum Australian's Motorist Association (AAA) tus coj uas yog Michael Bradley tau hais tias:
“Tej nuj nqes ntau yam no thiaj tau ua rau tej nqe transport kim tuaj rau lub caij uas neeg Australia twg ntsib tej teeb meem nuj nqes siv ua lub neej ua kim tuaj ntxiv no lawm thiab.''
“Transport yog ib co tseem ceeb uas tej cuab yig yuav tau siv thiab lug tsis tau lawm, thiab yog ib co tseem ceeb uas ua rau nyiaj poob nqe. Txhua theem nom tswv yuav tsum tau xam tej nqe no nrog thaum lawv tsim cai thiab."
Kuv ho yuav txuag tau tej nqe siv transport no li cas?
Yeej muaj yuav laug txhua yam nqe transport kim tshaj plaws rau tej neeg tsav tsheb.
Tej nroog loj feem ntau ces tej nqe siv public transport pheej yig rau lub caij tej neeg mus hauj lwm los yog rov qab los tsev coob heev ntawd.
Sarah Megginson uas yog ib tug neeg paub npaj tej neeg cov kev siv nyiaj ntawm lub koom haum Finder tau qhia rau told SBS News tias thiaj tsim nyog yuav tau xyuas seb ho puas siv lwm yam tsheb li tsheb kauj vab los yog tsheb kauj vab muaj tshuab thiab.
Nws tau hais tias "Yog tias koj hloov tau ntawm cov kev siv tej tsheb plaub lub log los siv tsheb ob lub log lawm ces, kuj yuav pab koj txuag tau nyiaj ntau heev thiab. Lub koom haum Finder tej xov xwm yeej qhia tias tej neeg siv tsheb kaub vab muaj tshuab muaj peev xwm txuag tau tej nqe roj txog li ntawm 75 feem pua diam.''
"Yog li ntawd thiaj xav kom siv ntau txoj xub ke tsis hais yog taug kev, caij tsheb kauj vab los yog koom nrog lwm tus caij tsheb ua ke raws li qhov yus muaj peev xwm ua tau."
"Tej xub ke no yuav pab pov puag tau tej ib puag ncig thiab kuj pab yus txuag tau nyiaj me ntsis thiab."
Txawm tej neeg uas tsuas muaj tib txoj kev xaiv li yuav tau siv tsheb nkaus xwb, hais tsis ntsees rau tej neeg nyob ntawm tej zos toj siab ntawd, ces yeej muaj qee cov txheej txheem uas muaj peev xwm pab kom yus tsis txhob tau them tej nqe transport kim thiab.
Ms Megginson tau hais tias kom tej neeg tsav tsheb yuav tsum paub thiab mus nrhiav yuav tej roj uas tus nqe pheej yig tshaj plaws li tau muaj tej apps ntau yam sib txawv siv ntawm tej xeev thiab.
Nws tau hais tias "Peb paub tias nqe roj yeej kim rau ob hnub so, thiab nqe roj pheej yig tshaj plaws rau hnub zwj Quag (Tuesday). Tab sis txog hnub zwj Kuab (Friday) ces, yog hnub uas nqe roj yeej ib txwm kim tshaj plaws, vim muaj neeg yuav coob heev ces thiaj kim, rau qhov tej neeg pheej npaj yuav mus ua ib yam dab tsi rau ob hnub so."
Ms Megginson thiaj tau taw qhia kom tej neeg sawv daws nrhiav yuav tej nyiaj tuav pov hwm (insurance) nrog ntau lub tuam txhab kom tau tus nqe pheej yig zog thiab lug tsis txhob siv tej kev tsheb uas yuav tau them nqe siv kev ntawd.
With additional reporting by the Australian Associated Press.
