NTSIAB LUS TSEEM CEEB:
- Tej zaum tej neeg tsav tsheb ntawm Queensland uas xav txuas ntawv tsav tsheb tshiab siv yuav tau mus xeem dua tshiab.
- Yog tej neeg tsav tsheb khiav ceev tshaj 40km/h los yog ceev tshaj ntawv ces yuav tsis tau ntawv tsav tsheb siv kiag tam sim ntawd lawm..
- Lub xeev no los yeej muaj hom phiaj los tiv thaiv kom tej neeg tsav tsheb kauj vab muaj tshuab tag sim neej tsawg thiab.
Tej zaum tej neeg tsav tsheb uas xav txuas ntawv tsav tsheb tshiab siv yuav tau rov qab mus xeem dua tshiab mas thiaj tau daim tshiab siv raws li tsoom fwv Queensland tej hom phiaj uas siv coj los tswj kom tau txais kev nyab xeeb thoob plaws rau lub xeev no hais.
Mark Bailey uas yog tus nom Transport Minister hais tias tsoom fwv yeej siv ib co tswv yim tshiab uas muaj ''cov sob kawm tshiab'' rau tej neeg xeem dua tshiab'' thaum lawv thov txuas lawv tej ntawv tsav tsheb tshiab kom thiaj li paub zoo txog tej cai tswj kev siv kev tsheb uas tau hloov lawm.
Mr. Bailey tau qhia rau ABC Radio Brisbane tias "Vim yeej hloov tej cai tswj cov kev siv kev tsheb tas mus li rau lub caij uas lawv rov qab thov txuas dua lawv tej ntawv tsav tsheb rau lub sij hawm tsib xyoos dhau los lawm."
rau hnub zwj Teeb (Thursday) 6 pm AEDT thiab hnub zwj Hnub (Sunday) 11 am AEDT los yog koom tau ntxiv ntawm ,, thiab los yog download
Tsis tas li ntawd los Mr Baily kuj tau hais ntxiv tias yuav muaj tej sob kwm zoo sib xws li no rau tej neeg pib kawm tsav tsheb tshiab thiab, uas yeej muaj ib co lus nug hauv online uas muaj lub hom phiaj ua tib zoo xyuas kom tej neeg tsav tsheb paub tias muaj cai hloov tshiab tias pub khiav ceev npaum li cas ntawm tej kev tsheb.
Nws tau hais tais "Tej zaum ib cov piv txwv ntawd kuj yuav yog tias: peb muaj ib co cai tshiab siv coj los tswj tej neeg ntiag tug cov kev siv tej mobile devices lawm."
"Thiab yeej tsis yog ib cov kev xeem nyuaj thiab yuav tau siv caij nyoog ntev dab tsi li.''
"Tsuas yog ib cov sob kawm rov qab coj los qhia kom tej neeg nco tej cai siv kev tsheb thiab muaj peev xwm mus xeem tau yooj yim hauv online xwb, uas tsuas rov qab los txheeb tias seb yus ho paub tias tau muaj dab tsi tshwm sim rau lub sij hawm plaub los yog tsib xyoos dhau los txij li thaum yus thov tau ntawv tsav tsheb siv zaum dhau los xwb."
Ces tus tsoom fwv no thiaj khwv tau lub tswv yim no thiab tseem cia tej zejzog tawm tswv yim seb zoo li cas.
Mr Bailey tau hais tias yog ib yam ntawm ntau yam uas yuav coj los tswj kom tau txais kev nyab xeeb rau tej kev siv kev tsheb xyoo no.
Txwv tsis pub siv ntawv tsav tsheb kiag tam sim ntawd thiab txo kom muaj tej neeg caij tsheb kauj vab tas sim neej tsawg.
Tej neeg tsav tsheb uas raug nom tswv txhom tau tias tsav tsheb ceev tshaj 40km/h los yog ceev tshaj ntawd ces yuav tsis tau ntawv tsav tsheb siv kiag tam sim ntawd lawm, raws li cov kev thov kho tej cai tswj kev siv kev tsheb tshiab ntawd.
Mr Bailey tau hais tias kuj tseem pub tus neeg ntawd tsav tau tsheb ntev txog 3 limtiam ntxiv thiab ua ntej yuav tsis pub nws siv nws daim ntawv tsav tsheb ntxiv lawm.
Nws tau hais tias "Yog muab tej neeg pheej tsav tsheb li no tsheb tawm ntawm tej kev kom sai npaum li sai tau ces kuv xav tias ces kuj yuav yog ib co cai uas siv tau hauj lwm zoo thiab."
Hnub tim 10 lub 4 hlis ntuj dhau los tsoom fwv Queensland kuj tau los qhia txog nws cov hauj lwm 'Ride to Zero' coj los pab kom tau txais kev nyab xeeb rau tej neeg tsav tsheb kauj vab muaj tshuab thiab.
Txawm tias tsuas muaj tej neeg tsav tej tsheb kauj vab no txog li tsib feem pua ntawm Queensland xwb los yeej muaj tej neeg tsav tej tsheb no tas sim neej txog 25 feem pua ntawm tej neeg ua tsheb sib tsoo tas sim neej ntawm tej kev ntawm lub xeev no tsaib no thiab.
Mark Bailey uas yog Queensland tus nom Transport Minister tau hais tias cov kev hloov tej cai tswj cov kev siv kev tsheb no tej zaum kuj yuav yog tej yam nyuaj heev rau tej neeg tsav tsheb tsis paub tias ho muaj kev pauv hloov tshiab rau tej cai no li cas lawm thiab. Source: AAP / Darren England
Nws tau hais tias "Peb yeej ua hauj lwm nrog tej zejzog tsav tsheb kauj vab tshuab, hais tsi ntsees rau tej clubs kom tau txais kev nyab xeeb."
"Piv txwv li peb xav kom muaj cov kev qhia tej neeg kawm tsav tsheb tshiab kom ntau tuaj ntxiv, kom lawv thiaj li paub tsav tsheb kom sai npaum li sai tau thiab kom swm rau tej kab lis kev cai tsav tsheb uas tau txais kev nyab xeeb tuaj ntxiv nrog tej neeg tsav tsheb kauj vab tshuab ntawd thiab.''
Ho lwm cov xeev ne?
Tag nrho lwm cov xeev ces yeej tsis yuam ''kom yuav tau kawm thiab xeem dua cov sob kawm tshiab'' txog cov kev nyab xeeb txog kev siv kev tsheb rau tej neeg uas thov txuas ntawv tsav tsheb tshiab siv.
Tag nrho lwm lub xeev ces yus tsuas mus txuas ntawv tsav tsheb tshiab hauv online xwb, tsuas yog xeev Western Australia thiaj tseem yuav tau mus kiag rau ntawm nom tswv lub tuam chav Department of Transport mas thiaj txuas tau daim ntawv tsav tsheb tshiab siv xwb.
