Yeej muaj tej neeg tsav tsheb coob tshaj 12 leeg ntawm xeev New South Wales (NSW) yeej tab tom them tej nqe siv kev tsheb ib xyoos twg ntau tshaj $30,000 raws li tau muaj ib co xov xwm tshiab tau coj los qhia.
Raws li tej xov xwm tau los ntawm tsoom fwv xeev NSW lub koom haum E-Toll hais ces tej neeg tsav tsheb ntawm xeev NSW tau siv nyiaj los them tej nqe siv kev tsheb ib xyoos twg txog li $2.5 billion.
Tej xov xwm uas tau teev txij li tim 1 lub 7 hli ntuj xyoo 2023 mus txog rau tim 30 lub 6 hli ntuj xyoo 2024 nkaus xwb twb pom tias tej neeg tsav tsheb ntawm xeev NSW txog li 1.4 tus neeg uas ua tub koom siab siv tej kev tsheb uas yuav tau them nyiaj ntawd lawm, tsis suav tej lagluam los yog cov neeg uas muaj lawv cov private account siv kev tsheb.
Tej xov xwm no kuj tau qhia tias muaj tej neeg tsav tsheb txog li 901 tus uas yeej tau them tej nqe siv kev tsheb txij li $10,000 mus txog $20,000 ib lub xyoos twg diam.
Thiab tej neeg tsav tsheb no feem coob ces yog cov nyob ntawm sab hnub poob nroog Sydney, thiab lwm qhov chaws txij ntawm cov zos Bankstown mus txog Blacktown thiab Marsden Park mus rau Moorebank.
Pom tau tias tej neeg siv txoj kev tsheb WestConnex ntau tshaj plaws txog li 43 feem pua, ntxiv ntawd ces yog siv txoj kev tsheb M7 (16 feem pua), thiab txoj kev tsheb M5 (12 feem pua), siv tus choj Sydney Harbour Bridge thiab txoj kev tsheb qhov av Tunnel (12 per cent), thiab siv txoj kev tsheb M2 (8 feem pua).
Tab sis tej zaum ntshe tseem yuav muaj tej neeg tsav tsheb yuav tau them nqe siv kev tsheb tshaj $10,000 ntau dua thiab, vim rau qhov tej xov xwm no yeej tseem tsis tau suav tej neeg ntiag tug uas siv lub tuam txhab Linkt thiab, raws li tus tsoom fwv xeev no tau qhia.
John Graham uas yog NSW tus nom tswj tej hauj lwm txog tej kev tsheb tau hais tias tej neeg tsav tsheb tau them tej nqe siv kev tsheb no ''tau siv nyiaj ntau heev'' los them tej nqe siv kev tsheb. Peb yeej muaj tej neeg tsav tsheb ze txog li ntawm 1,000 tus uas yeej tau siv nyiaj los them cov kev siv kev tsheb tshaj $10,000 rau tej neeg tsis hais tej neeg tsav tsheb ntawd yuav yog leej twg li, ces thiaj pom tias tej neeg nyob rau peb tej zos sab hnub poob los yog central cost uas tej yog tej neeg tsis tshua muaj peev xwm them ntawd yog cov uas yuav tau them tej nqe siv kev tsheb kim heev.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
