NTSIAB LUS TSEEM CEEB:
- Tau muaj ib tug txiv neej ntawm xeev Western Australia raug txim kaw tsev laj cuj ntawm Meskas thiab uas tsheb sib tsoo taub hau tim ntsej tim muag uas tau ua rau ob tug neeg tas sim neej.
- 65 feem puas ntawm ntiaj teb tej pej xeem yog cov neeg tsav tsheb rau sab xis ntawm tej kev.
- Ces thiaj tau ua rau muaj kev txhawj xeeb txog cov kev nyab xeeb rau tej neeg tsav tsheb txawv teb chaws ntawm ib txhia teb chaws.
Cov kev tsav tsheb ntawm lwm lub teb chaws uas tsab rau sab kev txawv sab uas yus ib txwm swm tsav ntawd kuj yog tej yam nyuaj kawg nkaus rau yus thiab.
Teb chaws Meskas (Unites States - US) yog ib lub teb chaws ntawm ntau lub uas tsav tsheb rau sab xis hos Australia ces tsav tsheb rau sab laug.
Tau muaj ib tug txiv neej neeg Australia uas tam sim no tseem raug txim kaw tsev laj cuj ntawm teb chaws Meskas tom qab nws tau ua nws lub tsheb sib tsoom nrog lwm lub tsheb vim nws raug liam tias nws tsav tsheb rau sab kev yuam kev.
Tub ceev xwm thiaj tau hais tias nws ntseeg tias nws yoob thiab tsis paub tias tsim nyog nws tsav tsheb rau sab kev twg.
Tsav sab laug los sab xis?
Muaj ntiaj teb tej pej xeem txog li 65 feem pua yeej tsav tsheb rau sab xis ntawm tej kev tsheb, thiab tej tsheb feem ntau los yeej muaj tej kauj cheeb tsheb rau sab laug ntawm lub tsheb.
Australia kuj yog ib lub ntawm ntau lub teb chaws uas yeej siv cov tsheb uas tsav sab xis coj los tsav rau tej kev uas tsav tsheb rau sab laug thiab.
Tej tsheb uas tsav rau sab laug ces yeej muaj lub kauj cheeb tsheb ntawm sab laug, yog thaum tsav lub tsheb rau sab xis ntawm txoj kev, ces tus neeg tsav tsheb yuav nyob hauv plawv kev lawm. Source: Getty / urbazon
Cov kev ua tsheb sib tsoo phom sij heev ntawm Meskas tej kev tsheb
Kuj nkag siab tias tau muaj ib tug txiv neej neeg Australia ntawm lub xeev Western Australia raug rau txim kaw tsev laj cuj ntawm teb chaws Meskas thiab tseem tos yuav hais ib rooj plaub tom qab uas lub tsheb nws tsav tau mus tsoo ib lub uas khiav los tim ntsej tim muag nrog nws ntawm lub zos me hu ua La Honda ntawm California, uas tau ua rau ob tug neeg tas sim neej ntawd.
Phau ntawv xov xwm tos ho zoo li ntawd los vim tus txiv neej ntawm nyuam qhuav mus rau lub teb chaws ntawd (Meskas) tau tsis ntev xwb, thiab tej neeg txwj California tej kev tsheb loj ntseeg tias ''tej zaum nws xav tias nws tsav tsheb rau sab kev yog lawm no."
Tus txiv neej no niam kuj paub tias nws tus tub raug kaw tsev laj cuj vim ua tsheb sib tsoo thiab nws yeej tau sau ntawv qhia txog tej xwm txheej no hauv nws phau social media account.
Nws tau sau ib cov lus tias “Luke tau ua tsheb sib tsoo muaj ceem kawg nkaus vim nws tsev tsheb rau sab kev tsheb yuam kev. 2 tug neeg thiaj tas sim neej lawm ces thiaj ua rau Luke thiab peb tsev neeg ceeb loj kawg thiab tu siab heev."
Raws li tej xov xwm tshiab uas nws sau qhia ntxiv rau ntawm nws cov lus ntawd, ces nws tau mus rau teb chaws Meskas thiab mus pab nws tus tub thiab mus txhiv tso nws tus tub rau lub caij uas yeej tau npaj ib hnub rau yav pem suab tias tseem yuav hais plaub no ntxiv.
Tej neeg tsav tseb pej kum uas tsav tsheb rau tej kev txawv teb chaws
Yeej muaj ib txhia neeg tsav tsheb txawv teb chaws ces tsis yog tias tej zaum lawv yuav tsav tsheb rau sab kev txawv sab lawv ib txwm tsav xwb, tab sis tej zaum lawv kuj tseem ntsib ntau yam teeb meem vim tsis swm nrog tej kev tsheb uas lawv tsav tsheb ntawd thiab. Source: Getty / SCM Jeans
Ntawm teb chaws New Zealand (NZ) ces yeej tau tsim tau ib co sob kawm qhia hu ua ''Foreign Driver's Project'' coj los qhia rau tej neeg txawv teb chaws rau xyoo 2016 kom thiaj pab txo tau tej kev phom sij yuav muaj tau ntawm tej kev.
Raws li tsab ntawv cej luam (report) Stuff hais, ces nom tswv NZ tseem tab tom yuav txiav txim siab seb puas yuav txwv tsis pub tej neeg tsav tsheb txawv teb chaws tsav tsheb mus rau tej kev tsheb uas cov heev mus rau ntawm lub zos Milford Sound.
Vim lawv txhawj tias tej neeg tsav tsheb no tsis swm tej kev tsheb thiab tej zaum kuj yuav muaj tej xwm txheej ntuj tsim kev puas tsuaj rau ntawm thaj chaw ntawd uas yuav ua rau muaj tau teeb meem rau lawv thiab lwm tus ntawm thaj chaw ntawd.
Xyoo 2017 ces tsoom fwv xeev Victoria kuj tau nruab tej phiaj qhia txog cov kev siv kev tsheb ua ntau yam lus raws txoj kev Great Ocean Road kom thiaj pab tej neeg tsav tsheb uas yog cov neeg txawv teb chaws ntawd muaj peev xwm siv tau tej kev tsheb ntoj ncig tau zoo dua.
Xeev Western Australia los kuj tau ua qeem yam sib xws li no thiab, li tau tsim tej phiaj sau ua lus German, Fabkis (French) thiab lus Suav (Mandarin) rau ntawm tej uas pheej muaj tej neeg ntoj ncig siv tas mus li tom qab tau muaj ntau cov xwm txheej tsheb sib tsoo phom sij heev.
Tsis tas li ntawd los kuj tau siv tej xub vos taw qhia kev raws txoj kev tsheb Indian Ocean Drive coj los ua kev tiv thaiv kom tsis txhob muaj tej tsheb sib tsoo pam thawj thiab.
Puas yog tias tsav tsheb sab laug tau txais kev nyab xeeb tshaj tsav sab xis?
Txawm tias tau muaj cov kev teeb txheeb xyoo 1969 uas tau txheeb tau tias tej teb chaws uas tsav tsheb sab laug yog cov uas muaj tsheb sib tsoo tsawg dua tej uas tsav tsheb sab xis, los raws li uas xav txheeb tias seb puas yog tib neeg cov hlab txais kev paub no nyiam tsav sab xis los yog sab laug dua.
Ces tsab mtawv cej luam no kuj xav tias, cov kev xis (phab tes xis los yog xis phab laug), nrog rau tej teeb meem cuam tshuam txog yus tej qhov muag, thiab tej neeg uas siv lawv lub hlwb phab laug los yog siv lub hlwb phab xis kuj yog tej uas muaj feem cuam tshuam txog cov kev nyab xeeb thiab.
Tej phiaj qhia tej neeg tsav tsheb kom tsav rau sab laug uas yeej pom muaj rau ntau cheeb tsham ntawm teb chaws Australia. Source: Getty / Simon McGill
Txawm li cas los, lawv kuj txheeb tau tias yog xam raws li cov nervous system ua txheeb tau lawm ces kuj pom tau tias tej neeg tsav tsheb sab laug ''tej zaum kuj yuav tau txais kev nyab xeeb dua thiab, yog tias lawv yog cov neeg uas siv lawv tej ntawv uas cuam tshuam txog cov ntawv Latin."
Cov kev hloov ntawm cov kev tsav tsheb phab laug thiab phab xis raws li keeb kwm tau pom los
Jon Stratton uas yog ib tug kws teeb txheeb txog tej kab lis kev cai, thiab kuj yog ib tug zais kais (professor) qhia ntawv part time ntawm tsev kawm qib siab University of South Australia lub tuam chav Schools of Creative Industries tau qhia, ces tej cai siv coj los tswj cov kev tsav tsheb no nyuam qhuav raug tsim coj los siv rau lub caij uas muaj tej tsheb raug coj mus siv rau tom tej kev ntau tuaj ntxiv xwb thiab.
Nws tau hais tias “Raws li keeb kwm lawm ces, tsis tas hais kom tej neeg tsav rau ib sab twg nkaus xwb li sab xis los yog sab laug ntawm tej kev li yog tias tsis muaj tsheb coob siv kev tsheb."
Zeskais Stratton tau tau hais tias tsuas muaj tej tsheb siv coob heev hauv tuam ceeb London rau lub caij pauv hloov lagluam tshiab (Industrial Revolution) xwb.
Milford Sound ces yog New Zealand ib lub nroog muaj neeg nyiam mus ntoj ncig heev. Nom tswv thiaj tseem tab tom xav tias seb puas yuav txwv tsis pub tej neeg tsav tsheb mus rau lub nroog no vim tej zaum yuav ua rau muaj kev phom sij rau tej neeg tsis swm tej kev no. Source: AAP / .
“Ces thiaj ua rau tus tsoom fwv zos tau txiav txim siab kom tej neeg tsav tsheb rau sab laug thiab txij ntawd los ces txawm tau ua rau tej neeg tsav tsheb thoob plaws rau sab laug ntawm lub teb chaws no (Aaskiv) lawm xwb."
Tab sis ntawm lwm cheeb tsam hauv ntiaj teb no ces kuj muaj neeg ntseeg tias lawv nyiam tsav tsheb rau sab laug ntau dua vim pheej tseem siv tej tsheb thauj nees thiab.
Zeskais Stratton tau hais tias “Yog tias koj yog cov neeg xis phab xis, ces yus yuav siv txoj hlua sab tes xis, thiab tej zaum yus kuj yuav caij ib tug nees ntawm sab laug, kom yus thiaj siv tau txoj hlua no nplawm tus neeg ntawm sab xis."
"Txhais tias yog yus nyob sab xis ntawm txoj kev ces yuav zoo dua."
Tab sis tej zaum kuj yuav tsim tej cai tswj cov kev siv tsheb no raws tej neeg cov kev siv kev tsheb thiab.
Tej tsheb uas muaj kauj cheeb nyob sab xis yog cov tsheb tsim coj los siv rau ntawm tej kev tsheb uas tsav tsheb rau sab laug. Source: Getty / andresr
Zeskais Stratton tau hais tias ''Yog tias ib tug twg tawm tsam yus ntawm lwm sab tuaj, ces kuj pab kom yus muaj peev xwm rho tau ntaj sai los tawm tsam tau nrog lawv thiab."
Tej teb chaws nyob qab tswj hwm ntawm Aaskiv dhau los, los yeej tsav tsheb rau sab laug feem ntau xwb uas yeej tsav raws teb chaws lub teb chaws tuaj nam nias tswj hwm lawv xwb thiab.
Stratton tau hais tias lub sij hawm ntau xyoo dhau los ntawd kuj tau pom tias muaj ib txhia teb chaws tau hloov lawv cov kev tsav tsheb sab laug rau sab xis los sis yog hloov ntawm sab xis mus tsav sab laug raws li ib txwm tau tsav dhau los thiab.
Hos muaj ntau lub teb chaws ces kuj tsav raws lwm lub teb chaws xwb thiab, piv txwv li teb chaws Meskas (United States of America - USA) uas lawv ntseeg tias yog ib cov kev tsav tseb rau tiam vam meej.
Cov kev hloov tsav tsheb rau ib sab twg
Xyoo 1967 ces teb chaws Sweden tau hloov tsav tsheb ntawm sab laug mus tsav tsheb rau sab xis lawm.
Ua ke no los Askiv lub chaw nthuav xov xwm British Broadcasting Corporation (BBC) kuj tau tshaj tawm tias tej zaum cov kev hloov no kuj yog ib cov pab kom lub teb chaws muaj koob nto npe, tab sis lub ntsiab tseeb tiag ntawm cov kev hloov no ces yog pab kom tau txais kev nyab xeeb xwb.
Tej neeg feem coob ntawm teb chaws Sweden yeej tsav tej tsheb uas muaj tej kauj cheeb nyob sab laug xwb, uas ua rau muaj neeg ntseeg tias yog tej yam uas ua rau lub teb chaws no ua tsheb sib tsoo coob heev.
Ces thaum lawv tau hloov tej cai tswj cov kev tsav tsheb no lawm, thiaj tau ua rau tej neeg tsav tsheb feem coob raug yuam kom tsav tsheb rau hauv plawv kev tsheb.
Xyoo 2009 ces teb chaws Samoa thiaj tau ras los ua thawj lub teb chaws uas tau hloov cov kev tsav tsheb sab xis los tsav tsheb rau sab laug lawm.
Tus thawj pwm tsav lub caij ntawd thiaj tau ua rau lub teb chaws no tsav tsheb tib yam li cov teb chaws nyob ze li teb chaws New Zealand thiab Australia lawm.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
