የጋዛን ጦርነት ለመግታት፣ በደርዘኖች የሚቆጠሩ ታጋቾችንና እሥረኞችን ለማስለቀቅ የሚያስችል የተኩስ አቁም ስምምነት በእሥራኤልና ሃማስ መካከል መደረሱን የኳታር ጠቅላይ ሚኒስትር ሼህ መሐመድ ቢን አብዱልራህማን አል ትሃኒ አስታወቁ።
አክለውም፤ የተኩስ አቁሙ የሚተገበረው ከእሑድ ጃኑዋሪ 19 / ጥር 11 ጀምሮ እንደሆነና ትክክለኛው ሰዓትም በቅርቡ ይፋ እንደሚሆን፤ እንዲሁም የስምምነቱ ምዕራፍ አንድ ሂደት ለ42 ቀናት እንደሚቀጥል አክለው ገልጠዋል።
የዩናይትድ ስቴትስ ፕሬዚደንት ጆ ባይደን በበኩላቸው የተኩስ አቁሙን ስምምነት በመልካም ጎኑ መቀበላቸውን አስታውቀዋል፤ ከኳታር ጠቅላይ ሚኒስትር ጋርም ስምምነቱ ይፋ መሆኑ ከተገለጠ ጥቂት ደቂቃዎች በኋላ በስልክ ተነጋግረዋል።
አቶ ባይደን፤ እሥራኤልና ሃማስ ከስምምነት ላይ የደረሱት እሳቸው በወርኅ ሜይ 2023 ያቀረቡትን ረቂቅ የስምምነት ማዕቀፍ ተከትሎ መሆኑን አመላክተዋል።
በማያያዝም ፤ ተኩስ አቁሙ ሶስት ምዕራፎች እንዳለውና ይህም የእሥራኤልን ከጋዛ ቀዬዎች ለቅቆ መውጣትንና የታጋቾችን መለቀቅ እንደሚያካትት ጠቅሰዋል።
በአውስትራሊያ በኩል ጠቅላይ ሚኒስትር አንቶኒ አልባኒዚ ከውጭ ጉዳይ ሚኒስትር ፔኒ ዎንግ ጋር የተኩስ አቁም ስምምነቱን በማለፊያነት እንደሚቀበሉትና ሁለቱም ተስማሚዎች ለዘላቂ ሰላም ሰፈና ስምምነቱን እንዲያከብሩ አሳስበዋል።
የታጋቾች ቤተሰቦችና ወዳጆች ስምምነቱን አስመልክቶ ደስታቸውን ቴሌአቪቭ ላይ ገልጠዋል።
Family members of hostages held in Gaza celebrated in Tel Aviv after Israel and Hamas agreed on a hostage deal and ceasefire. Credit: EPA / Abit Sultan
እሥራኤል የሃማስን ኦክቶበር 7 ጥቃት ተከትሎ 30 ሕፃናትን አክሎ የ1,200 ሰዎቿን መገደልንና ከ200 በላይ መታገት ሳቢያ ከ15 ወራት በላይ የዘለቀ ወታደራዊ የአፀፋ እርምጃ ወስዳለች።
Before October 7, around half of Gaza's more than two million residents were under 18 years old. Over 14,000 of those children have since been killed, according to Gaza's health ministry. Credit: AP / Ramez Habboub
