Cimeira espesiál hodi komemora tinan 50 husi parseria ASEAN-Australia.

Australia sai uma nain ba cemeriu espesial hodi komemora 50th anos parseria entre Australia ho nasaun ASEAN sira ne'ebe komesa iha 1974. Lideransa husi nasaun sia ASEAN; Singapore, Indonesia, Thailand, Phillipines, Malaysia, Brunei, Lao ho Cambodia to'o ona iha Melbourne atu tuir cemeriu espesial ida ne'e hamutuk ho S.E Premeiru Ministru Sr. Xanana Gusmao hanesan nasaun observador ba ASEAN. Lideransa Myanmar ne'ebe representa husi cheve militar Min Aung Hlaing sei la partisipa iha cemeriu ida ne'e, maibe ofisiál sira seluk sei tuir. Objetiviu halao cemeriu ida atu selebra relasaun no koperasaun durante tinan 50 nia laran entre Australia ho ASEAN no mos atu reforsa liu tan kolaborasaun iha futuru.

Cemeriu espesial ida sei sai oportunidade importante tebes atu komemora relasaun forte ne'ebe nasaun ASEAN ho Australia halao durant ne'e no iha tempu hanesan sei deskuti kona-ba oinsa atu reforsa liu tan koperasaun tuir parseria estratéjika komprehensivu ne'ebe determina entre nasaun ASEAN ho Australia.

Tuir Premeiru Ministru Australia nian, Anthony Albanese, hatete katak " Ami fiar iha rejiaun Indo Pasifiku ida-ne'ebé nakloke,metin no prosperu, nune'e mos respeita soberania no diferensa sira rezolve liuhusi diálogu no regra no norma sira ne'ebé konkorda ona.

Iha premeiru dia cemeriu hetan mos protesta iha fatin liur eventu nian, Melbourne Convention no Exhibition Center, ne'ebe protesta sira kaer estandarte (banner) hakerek " Hapara Militar Junta iha Myanmar" no sira hakilar " ASEAN la suporta terorista Junta".

Sesaun dahuluk ba cemeriu espesial ida hetan atendementu maximu husi ofisial no partisipantes seluk husi nasaun ASEAN, Australia no mos husi Timor-Leste hanesan observador. Reprezentante Timor-Leste husi ofisial governu, akademiku no sosiedade civil mos hola parte hanesan panelista iha diskusaun sira hanesan; Aselera tranzisaun enerjia moos; Asuntu ambientál ekolojia tasi nian no mudansa klimátika no mudansa lideransa.

Grupu Timor-oan balun ne'ebe reprezenta governu Timor-Leste, setor privadu no mos sosiedade civil ne'ebe atende cemeria espesial tinan 50 kolaborasaun nasaun ASEAN-Australia

Tuir agenda ne'ebe mak iha, Premeiru Ministru Australia, Anthony Albanese sei ofisialmente fo bemvimdu ba lideransa nasaun ASEAN sia ho Lideransa Timor-Leste nian iha dia 5 de Marsu loraik.