Turizmu Austrália rekoñese interese ne'ebé buras iha turizmu Nasaun dahuluk sira nian, tanba vizintante sira buka esperiénsia auténtiku no kulturalmente imerzivu.
Nicole Mitchell hanesan Ofisiál Ezekutivu husi Discover Aboriginal Experiences (DAE), koletivu Turizmu Austrália nian ne'ebé promove turizmu Nasaun dahuluk sira nian,
hatete katak, turista sira hakarak aprende liután kona-ba ema no kultura nasaun ema premeiru sira nian.
"Iha tinan 2023 ami iha vizitante internasionál 969,000 ne'ebé partisipa iha esperiénsia turizmu indíjena nian bainhira vizita Austrália," Sra. Mitchell hatete.
“Maibé ami mos kontente haree numeru aumentu ba vizitante domestiku hosi tinan 2019 to'o 2023 ba pursentu 22. Ho ida ne'e numeru vizitante iha 2023 maka millaun 1.185.
Esperiénsia ida-idak iha koletivu hetan orientasaun hosi povu Aboríjene ka Ilhas estreito de torres sira. Ema ne'ebé maka na'in ba istória ne'e maka konta istória ne'e. No enkontru hotu-hotu hasoru personajen furak husi nasaun dahuluk sira ne'ebé lori nasaun ne'e ba moris, Sra. Mitchell hatete.
Tour iha fatuk Jarramali Credit: The Edit Suite/Tourism Australia
Na'in ba istória, konta istória
Kuku Yalanji man Juan Walker halai Walkabout Culture Adventures iha Far North Queensland.
"Ha'u hanoin katak se ema hakarak aprende kona-ba kultura no istória Aboríjene nian, di'ak liu mak atu aprende hosi ema Aboríjene sira rtasik, hodi rona direta husi sira nia prespetiva istória nian, hodi bele iha komprensaun kona-ba rai no tasi ne'ebé ema halo viajen ba. Laiha dalan ida ne'ebé di'ak liu duké aprende hosi kultura moris tuan liu ne'ebé okupa ona área sira-ne'e dezde inísiu“ nia dehan.
Laiha dalan ida ne'ebé di'ak liu duké aprende hosi kultura moris tuan liu ne'ebé okupa ona área sira-ne'e dezde inísiu.Juan Walker, Walkabout Culture Adventures
Sr. Walker lori vizitante sira ba nasaun hodi aprende kona-ba Floresta Daintree ne'ebé furak ho tinan millaun 135 besik Port Douglas.
Nia fahe nia koñesimentu kona-ba ekosistema oioin, istória, tradisaun no rekursu naturál sira, no enkoraja vizitante sira atu koko ai-han lokál sira iha ai-laran.
Ai-han maka dalan di'ak ida atu aprezenta nasaun ba turista sira.
Esperiénsia ai-han indíjena sira agora iha lista dahuluk hosi passeiu ka tour guide sira nia lista, tanba ai-han “bush food” ka ailaeran nian hetan rekoñesimentu ba sira nia sabór no uzu úniku sira.
Turizmu Austrália rekoñese interese ne'ebé buras iha turizmu Nasaun dahuluk sira nian, tanba vizitante sira buka esperiénsia auténtiku no kulturalmente imerzivu.
Loke istória sira husi ita-nia paizajen
Iha maneira barak tebes atu esplora área fuik sira ne'ebé dramátiku iha Austrália. Ita-boot sira bele ba fatin ne'e liu husi lao ain, sae ró, aviaun no mos ba ho kareta 4WD, ho akomodasaun sira ne'ebé varia hosi akampamentu to'o hela-fatin luxu sira.
Ita-nia Parke Nasionál sira iha arte fatuk nian ne'ebé tuan liu iha mundu, ho tinan 20,000 resin. Passeiu ka Tour guide sira ne'ebé lidera hosi Nasaun dahuluk sira ajuda loke signifikadu kulturál no ambientál hosi fatin sira-ne'e ba vizitante sira.
Parke Nasionál Kakadu iha Territóriu Norte tama iha lista Patrimóniu Mundiál, tanba ninia valór ambientál no kulturál sira, no iha konsentrasaun ida ne'ebé aas liu ba arte fatuk nian.
Nune'e mos iha Kimberley iha Australia Osidental, Ho nia bee-moos sira, tasi-ibun sira, animál fuik sira no kuak sira ba natasaun nian hanesan uma ba galeria arte fatuk nian ne'ebé furak tebes.
No arkeolojia hasoru paizajen fantasmagóriku iha Parke Nasionál Mungo ne'ebé tama iha lista Patrimóniu Mundiál nian iha sudoeste New South Wales
Bacia maran (dry bacin) antigu iha Lagoa Mungo maka fatin arkeolójiku ida ne'ebé importante liu iha mundu. Iha ne'e ita-boot bele esplora, akampa ka hamutuk ho vizita ho guia.
Esperiénsia sira ne'ebé imerzivu iha kultura
Viajante sira dalabarak involve an tebes iha esperiénsia sira ne'ebé maka oferese, Sra. Mitchell hatete.
Ema bele tuir hela klase arte nian, ka bele sae bisikleta quad nia kotuk iha rai-henek sira iha área Warami iha norte Sydney nian, no ema bela aprende kona-ba kultura liu hosi atividade sira hanesan nee.Nicole Mitchell, Discover Aboriginal Experiences
Kampu Golf ida iha Austrália baseia ba esperiénsia ema Aboríjene nian.
Komunidade lokál sira hetan benefísiu hosi turizmu
Turizmu ne'ebé lidera hosi ema indíjena sira la'ós de'it lori reseita ba komunidade lokál sira, maibé mós apoia sustentabilidade kulturál.
Passeiu ka Tour guide sira ne'ebé lidera hosi Nasaun dahuluk sira ajuda loke signifikadu kulturál no ambientál hosi fatin sira-ne'e ba vizitante sira. Iha tempu hanesan, tur guide sira ne’e mos fó hanoin ba komunidade lokál sira ho maneira ne'ebé klean.
Maruku Arts kompostu husi artista 900 husi komunidade remota sira iha Austrália Sentrál. Ema lokál sira bele hela iha sira nia rain enkuantu fa'an arte no organiza workshop no paseiu kulturál sira”
“Sira bele hetan fonte rendimentu liuhosi arte ne'ebé sira fahe liuhosi Maruku Arts. No mós Maruku nia workshop kona-ba pintura pontu nian, bele envolve mos komunidade sira iha ne’eba. Sira hala'o iha lian lokál Pitjantjara, nune'e belea ajuda mos mantein linguajen ne'ebá:.
Juan Walker hatete katak nia paseiu kulturál sira permite nia atu eduka vizitante sira kona-ba istória Aboríjene nian no nia istória família rasik, enkuantu nia hela iha rai-laran.
“Entaun, envezde muda ba fatin seluk atu serbisu, ida-ne'e permite ha'u atu hela besik ha'u nia família, besik ha'u nia ema sira no iha ligasaun ho rai. Entaun ida-ne'e maka dalan di'ak ida atu hetan moris, hodi fahe no hanorin ema sira kona-ba ha'u nia patrimóniu no klaru, fó respeitu boot liu ba rai, tasi no bee-dalan sira ne'ebé vizitante sira liu".
Nu'udar Kontadór Istória Nasaun Dahuluk nian, Kyle Ivey, hanesan mane ida hosi nasau Bundjalung, orienta vizitante sira sa'e Ponte Portu Sydney nian hanesan parte ida hosi Esperiénsia Aboríjene Burrawa nian. Credit: davidf/Getty Images
Kultura iha sentru urbanu sira
Iha asumsi ida katak kultura indíjena eziste de'it iha fatin remota sira, maibé ema bele hare ka hasoru istória riku sira iha ami nia sentru sentru urbanu sira mós.
Kyle Ivey, hanesan ema Bundjalung ida no Kontadór Istória Nasaun dahuluk sira nian. Nia orienta vizitante sira iha Sydney hodi sa'e ba Ponte Portu Sydney nian hanesan parte ida hosi Esperiénsia Aboríjene Burrawa nian
Nia hatete katak nia koko atu hala'o nia viajen sira sa'e foho nian hanesan sa'e foho Rekonsiliasaun nian.
"Enkuantu ha'u la'o sai tuir ponte ha'u sempre para no hatudu buat sira ne'ebé akontese iha ponte no rai ne'e".
Durante sa'e Sr. Ivey hatudu marka importante sira ba ema Primeira Nasaun sira iha área ne'e. Nia fahe oinsá nia bei'ala sira moris iha rai no haree ida-ne'e muda bainhira kolonizadór europeu sira to'o.
Saida maka nia hetan maka sentidu orgullu nian, la'ós de'it ba nia an rasik maibé ba grupu kulturál oioin liu 500 iha Austrália.
“Ida-ne'e mós dalan di'ak ida ba ha'u atu asegura katak ha'u mantein ha'u nia memória fresku. Ida-ne'e halo ha'u hakarak atu dudu liután no buka hatene liután, atu inklui grupu barak liután no asegura katak ha'u la estraga naran sira. Ida-ne'e esperiénsia ida ne'ebé satisfatóriu tebes"
Iha Melbourne nia klaran, ema bele hamutuk ho Birrarung Wilam Walk ho guia sira atu tuir mota Yarra hodi haree instalasaun arte Aboríjene sira nian.
Ema sei rona oinsá rai ne'e muda ona iha tempu no nia signifikadu nu'udar fatin halibur ba povu Kulin lokál sira.
,maka hanesan esperiénsia turizmu Aboríjene nian seluk ne'ebé oferese iha Melbourne. La'o ida maka tuir Yarra no iha mós la'o ida iha Fitzroy.
No iha Tasmania ema bele esperiénsia vizita nipaluna/Hobart ne'ebé lidera hosi ema aboríjene sira. Viajen ne'ebe halao ho 90 minutes sei nakonu ho istória nakukun no impaktu ida kona-ba ema palawa lokál sira.
Petermann, Territóriu Norte / Austrália - 8 Dezembru 2019: Tour guide ida fo hatene ba vizitante sira kona "prekausaun seguransa "nian hodi la'o iha Kata Tjuta besik tenda ida. Credit: alanlim97/Getty Images
Turizmu Nasaun dahuluk sira nian ne'ebé dudu rekonsiliasaun
Nicole Mitchell hatete, liuhosi esperiénsia sira ne'ebé lidera hosi ema indíjena sira hanesan ne'e, ema indíjena sira no ema la'ós indíjena sira fahe koñesimentu kulturál.
"Ida-ne'e mós hanesan motor forte ida ba rekonsiliasaun," nia hatete.
Ema sira aprende hela kona-ba kultura oioin iha Austrália. Ita-boot [mós] loke ba komunidade atu sira bele konta sira nia istória. Matadalan ida temi duni mai ha'u, ‘ita tenke fahe kultura atu mantein kultura’.”
Subscribe or follow the Australia Explained podcast for more valuable information and tips about settling into your new life in Australia.
