Pontu Chave Sira
- Koñesimentu Nasaun dahuluk sira nian kona-ba tempu no estasaun sira pasa ona ba jerasaun sira liuhosi konta istória orál no vizuál no tradisaun kulturál sira.
- Siklu sazonál sira ne'ebé deskreve hosi povu Primeira Nasaun sira varia iha Austrália tomak tuir sira nia lokalizasaun jeográfika.
- Koñesimentu tempu Nasaun dahuluk sira nian inkorpora komprensaun kona-ba oinsá mudansa sira iha hahalok animál sira-nian ka ai-horis sira-nia kreximentu iha ligasaun ho mudansa sira iha tempu no estasaun sira.
Komprende kona-ba tempu no nia estasaun ka klima sira hanesan aspetu klean ida hosi koñesimentu kulturál Aboríjene no Ilha Torres Estraitu sira nian, ne'ebé dezenvolve iha tinan rihun sanulu nia laran.
Tempu influensia tebes siklu moris animál no ai-horis sira-nian, no komprende interligasaun ida-ne'e importante tebes ba sobrevivénsia ema nian—liuliu iha Austrália ho nia tempu sazonál ne'ebé estremu no dala barak paizajen ne'ebé susar tebes.
All things are connected ou ka buat hotu iha ligasaun maka filozofia sentrál ida hosi kultura hosi ema Primeira Nasaun sira, no iha tinan rihun nia laran, ema Aboríjene no Ilha Torres Estraitu sira iha Austrália observa ona sira nia ambiente no aprende ligasaun ne'ebé dalabarak laiha koneksaun entre klima, tempu, estasaun sira no mudansa sira ba moris animál no ai-horis nian haleu sira.
Manu partikulár ida nia lian bele indika udan ne'ebé atu mai, no ai-horis ka ai-hun ida nia funan bele indika mudansa estasaun ida no tempu atu muda ba parte seluk rai nian.
Aunty Joanne Selfe, hanesan feto Gadigal ida hosi parte leste Austrália nian ne'ebé moris hodi aprende kona-ba tempu, estasaun sira no ambiente hosi informasaun ne'ebé maka pasa hosi nia família no komunidade.
Aunty Joana eplika katak "komprensaun komplikadu sira kona-ba sistema meteorolójiku, estasaun no ambiente nian, importante ba ema hotu nia sobrevivénsia. Ba ema Premeira nasaun sira, ami nia ligasaun klean ba koñesimentu ida-ne'e permite ami atu moris buras iha ambiente frajil ida-ne'e".
Moodjar, Ai-hun Natál Nativu Credit: TerriAnneAllen/Pixabay
Aunty Joanne hatete tan "Iha eventu meteorolójiku barak ne'ebé afeta ita-nia kontinente frajil ida-ne'e, tantu rai-nakdoko ka rai-maran, ema Primeira Nasaun sira prepara ona ba sira no sira iha sistema koñesimentu ne'ebé permite sobrevivénsia liuhosi siklone sira, ka komprende seguransa iha rai-nakdoko, prepara ba rai-maran".
“Bainhira ita haree ba maneira ne'ebé maka tempu bele afeta ema hotu, dala barak ita hakarak iha kontrolu - ita nia koñesimentu maka buat ne'ebé maka halo ita seguru. Diarra-murrahmah-coing, loro-matan monu mean, no ida-ne'e signifika katak aban sei iha tempu di'ak".
Iha parte oeste Austrália nian, akadémiku Koñesimentu Indíjena Universidade Murdoch nian Jordan Ah Chee moris iha rejiaun Kimberley no iha ligasaun ho povu Binjareb, Wardandi, Palyku, Nyikina, no Yawuru.
Iha hanoin ida katak ami nia ema sira maka nómada, maibé ida-ne'e hanesan inklina ba ami ne'ebé laiha fatin ka laiha uma."
Ami muda beibeik ho estasaun sira no ami sei muda hosi fatin ida ba fatin seluk ho maneira sustentável.Jordan Ah Chee
Ema Aboríjene no ema Ilha Torres Estraitu sira haburas ona ligasaun klean ida iha tinan rihun sira nia laran, ho rai sira, bee sira no lalehan – no liuhosi ligasaun ida-ne'e ami dezenvolve ona koñesimentu komplikadu ida ne'ebé ajuda ami atu moris buras iha fatin ida-ne'e – no ida-ne'e maka subjasente nosaun katak buat hotu iha ligasaun
Ema Primeira Nasaun sira-nia ligasaun klean ba rai, lalehan no bee no sira kuda komprensaun ida ne'ebé maka'as kona-ba oinsá mudansa estasaun sira reflete iha paizajen.
Ah Chee hatete katak " La hanesan ho maneira ema osidentál sira ne'ebe atu hatene kona-ba klima, sira iha data espesífiku iha kalendáriu. Ba ami, koñesimentu kona-ba bainhira estasaun sira sei mai no oinsá sira suli iha tinan tomak, mai liuhosi mudansa sira iha paizajen no mudansa sira iha hahalok animál nian no mudansa sira ba ambiente ".
"No ida-ne'e sei dita iha ne'ebé maka ami sei iha iha tempu balu iha tinan ida nia laran, ai-han saida maka disponivel, se ami sei iha tasi-ibun ka iha rai-laran, nune'e definitivamente komprensaun ida kona-ba tempu no estasaun sira importante tebes ba ami nia moris"
To'os ho ai-suar Credit: Christian Bass/Unsplash
Aunty Joanne eplika "Bainhira ita hanoin kona-ba ida-ne'e provavelmente buat dahuluk ne'ebé mosu iha ita-nia hanoin maka to'os ho ai-suar. Agrikultura ho ai-suar permite ami atu mantein karga kombustível ki'ik iha rai atu nune'e karik ahi hahú hosi kilat-musan ka eventu sira seluk, karga kombustível labele aas liu".
“Maibé ida-ne'e mós permite ami atu asegura katak ai-horis verde fresku sira iha ne'ebá prontu ba espésie mamíferu sira ne'ebé gosta duni sira."
Siklu sazonál sira ne'ebé deskreve hosi povu Primeira Nasaun sira varia tuir sira nia lokalizasaun jeográfika iha Austrália tomak.
Iha Noongar country of south-west Western Australia, sira rekoñese estasaun neen liuhosi tinan kalendáriu, ho Birak ne'ebé fó sinál ba inísiu bailoron nian hosi inísiu fulan-Dezembru - tempu ida ho tempu manas no selebrasaun.
Ah Chee esplika " “Birak iha relasaun ho manas no loro-matan no ahi, ne'e bainhira manas liután no baibain koñesidu hanesan époka ba oan sira, no hanesan tempu selebrasaun nian, no époka ida-ne'e marka ho samea no réptil sira ne'ebé soe sira nia kulit, manu-oan sira sai knuuk no animál ki'ik sira ne'ebé tranzita ba idade adultu no halo sira nia dalan sai ba mundu".
"Mudansa signifikativu ida iha paizajen maka ai-funan mean laranja furak sira-ne'e hosi moodjar, ka ai-hun Natál nian, ne'ebé maka ai-hun ida ne'ebé signifikativu tebes espiritualmente ba ema Noongar. No iha tempu ne'ebá, depende ba tempu no klima, maka bainhira sunu kulturál sei akontese“.
Objetu selestiál sira hanesan fulan no nia siklu, uza hosi ema Nasaun dahuluk sira hodi rekoñese mudansa tempu nian ne'ebé besik.
Iha sistema koñesimentu ema Primeira Nasaun nian, fulan "halos" hatudu inísiu udan nianAunty Joanne Selfe
"Agora hanoin kona-ba ida-ne'e – kristal jelu sira suspende iha atmosfera leten, fulan nia naroman hetan refraksaun no reflete hosi kristal jelu, no ida-ne'e bele rezulta iha aparénsia "halo" ida hale'u fulan. Siénsia kontemporánea mós rekoñese katak halo fulan nian dalabarak mosu iha sistema ho presaun ki'ik, tuir beibeik ho udan no temperatura ne'ebé malirin liu ka iha loron ida ka rua tuirmai".
No mudansa subtil ba pozisaun fulan nian mós bele iha signifikadu ne'ebe signifikativu.
Aunty Joanne hatete " Dalaruma fulan la'ós iha sentru hosi halo ne'ebá, bele iha sorin ida uitoan, no ida-ne'e sei indika katak iha anin ruma ne'ebé mai mós".
fulan "halo" Credit: Geoffrey Wyatt
Aunty Joanne fahe " Ami iha petroglifu (eskultura fatuk/fatuk ne'ebe pinta) balu iha Sydney ne'ebe barak tebes, maibe ida ne'ebe mak ema hatene liu ka konhesidu liu mak hanaran Moon Rock, ne'ebe hatudu pintura fulan. Pintura espesífiku sira-ne'e hatudu faze ualu fulan nian, no ida ne'e hahú ho kriadór Biaime ka Biaime's boomerang".
"Ida-ne'e importante tanba Gaddy konhesidu hanesan ikan ne'ebe importante, ami-nia feto sira sempre sai husi Warrang, Sydney Harbor, iha tempu bai-bain, sira ba kail lori ho ahi-kiik balun no dala ruma lori mos labarik sira. Bainhira ami uza fulan atu determina ba kail ikan, ami hatene katak fulan primeiru no fulan ikus mak karik tempu di'ak liu atu peska, no tanba ne'e mak fulan foun ka fulan nakonu sei halo ikan sira-ne'e sai forte liu uitoan, sira sei muda ba tasi-ibun no mós halo susar uitoan atu haree ikan."
Austrália iha klima oioin tebes tanba ne'e halo rai-mean tropikal, rai-manas no malirin. Rejiaun ida-idak iha ninia ritmu úniku.
Ba komunidade indijenu sira, tempu la define tuir data maibé tuir oinsá ai-horis no animál sira responde ba sira-nia ambiente. Perspetiva ida-ne'e oferese kompriensaun ida-ne'ebé riku liu no nakukun liu kona-ba klima Australia nian duke modelu ida-ne'ebé família hat-season.
Ida ne'e hanesan avizu ida-ne'ebé forte kona-ba ligasaun kle'an ne'ebé kultura rai-na'in sira iha ho rai ne'e no ita bele aprende saida hodi apresia sira-nia koñesimentu no tradisaun.
Ba informasaun kompletu liu tan kona-ba ema Indijeno sira nia estasaun ka klima bele vizita:
Subscribe or follow the Australia Explained podcast for more valuable information and tips about settling into your new life in Australia.
