Iha fitun sira ne'ebé nabilan nia okos no liuhosi siklu Fulan nian ne'ebé la sura, kultura no prezensa hosi ema Nasaun dahuluk sira Austrália nian hahú iha tinan rihun ba rihun.
Husi maravilha galáxia Via Láctea nian, ba meteoru sira, no faze oioin Fulan nian – iha buat barak ne'ebe ita bele aprende kona-ba astronomia ema indíjenu sira nian no mos koñesimentu kona-ba fitun.
Hateke ba kalohan iha tempu kalan, ita haree fitun oioin ne'ebé nabilan iha fulan nia faze sira ne'ebé muda beibeik hafoin loro-matan nia progresu loroloron.
Astronomia maka hanesan estudu ida kona-ba objetu no fenómenu selestiál sira, no astronomia ema indíjenu sira nian refere ba koñesimentu klean kona-ba fitun sira no sira nia ligasaun ho rai – komprensaun katak buat hotu iha rai reflete iha lalehan.
Ba ema Aboríjene no Estraito de Torres, lalehan informa prátika kulturál sira ne'ebé maka hatutan liuhosi tradisaun orál husi jerasaun rihun ba rihun, iha forma istória, knananuk, serimónia no arte.
Fulan iha Ponte Portu Sydney nia leten– image Eclipse Chasers.
Aunty Joanne esplika "Durante tinan 60,000 nia laran, ema Nasaun dahuluk sira hateke hare lalehan hanesan mata-dalan ba sira, ida-ne'e ajuda ami atu komprende mundu ne'ebé hale'u ami, uza ba sai hanesan ami nia observasaun ba fitun sira, planeta sira, fulan, loro-matan no atmosfera, hodi halo predisaun ba mudansa tempu no tasi-been sira, atu la'o iha rai no bee, no atu planeia halibur ai-han, kasa, komérsiu ka serimónia, no mós pasa istória sira ne'e ba jerasaun tuir mai. hateke ba leten no lee lalehan sai nafatin dalan importante ida ba ami atu komprende, interasaun ho no dezenvolve ligasaun ba ami nia rain no atu hatene ami nia fatin iha mundu ne'e“ .
Koñesimentu kona-ba fitun maka hanesan dalan ida ba ema Indijenu sira atu komprende mundu ne'ebé sira moris ba no sira nia papél no responsabilidade iha laran.
Aunty Joanne hatete tan "Ami iha fiar katak - buat hotu ne'ebé iha leten iha mos kraik (rai) ne'e. Atu nune'e ema bele hetan nia komunidade, liña knananuk sira, fatin serimónia importante sira no pontu sira seluk atu hetan dalan uza fitun sira – maibé fitun sira mesak, presiza ajuda uitoan ba ema atu komprende buat hotu, nune'e hatene ema nia dansa, hatene ema nia lian, no ema nia área nia ligasaun ba ema nia nasaun - sei valida buat hotu".
Duane Hamacher, hanesan Profesór Asosiadu Astronomia Kulturál nian iha Eskola Fízika nian iha Universidade Melbourne. Nia servisu ho komunidade Aboríjene no Estraito de Torres sira hodi dokumenta no fahe sira nia koñesimentu tradisionál.
Saida maka katuas sira ko'alia maka oinsá buat hotu iha lalehan iha ligasaun ho rai nune'e se ita hakarak hatene oinsá buat sira iha ita nia sorin-sorin funsiona ita bele haree ba fitun siraDuane Hamacher.
“ema sempre iha ligasaun besik ho fitun sira, no fitun sira bele serve hanesan livru didátiku ida, sira bele serve hanesan mapa ida, sira bele serve hanesan livru lei nian, livru regra sosiál nian, sira mós bele serve hanesan tempu no espasu memória nian – oinsá ita bele kode informasaun ba memória hodi uza fitun sira.”
Buat hotu iha lalehan iha signifikadu no objetivu. Movimentu sira husi Loro-matan, Fulan, no fitun sira uza atu halo predisaun ba mudansa sira iha ita-nia ambiente lokál, hanesan estasaun sira, padraun tempu nian, no hahalok husi ai-horis no animál sira
Imajen Lalehan Austrália nian iha kalan - Image Ken Cheung.
"Nune'e bainhira ami hakarak hatene katak estasaun sira sei muda, sei udan ka lae, saida maka hahalok sira hosi animál sira sei muda, bainhira atu kuda ka kolleita to'os ka fonte ai-han sira, ami presiza deit hateke ba fitun sira hodi komprende oinsá ida-ne'e sei la'o, maibé ami mós presiza hateke ba buat hotu ne'ebé hale'u ami nia sorin.”
Maneira olístiku ida-ne'e atu haree ba mundu maka sentrál ba kultura Aboríjene no Ilha Estraeito de Torres, hatete hosi Duane Hamacher. “Iha ilha Estreitu Torres, katuas sira ko'alia kona-ba observa oinsá fitun sira nabilan, no se ami bele lee oinsá sira nabilan ne'e sei signifika observa ka interpreta mudansa sira iha rai no pozisaun sira fitun nian, se ami bele lee mudansa sira ne’e ho klaru, sei hateten buat ruma ba ita-boot kona-ba atmosfera, sira bele hatete ba ita-boot se anin-boot ida sei mai ka se estasaun sira sei muda".
Kalan-kalan, fitun sira mosu iha lalehan parte leste nian ,minutu haat antes. Durante iha tinan ida nia laran, fitun sira halo sírkulu tomak bainhira Rai hale'u Loro-matan.
Siklu mudansa selestiál ida-ne'e koinside ho mudansa sira iha rai. Hanesan Aunty Joanne esplika, Emu iha Lalehan, ka Emu Nakukun, maka konstelasaun koñesidu ida ne'ebé maka delinea hosi área nakukun sira iha Via Láctea. Emu mak tipu manu ida iha Australia ne'ebé halai lalais no labele semo hanesan manu avestruz, ho fulun kinur ka kór-kafé, kulit kór-azul iha ulun no kakorok, no ain-fuan tolu.
“Saida maka ha'u gosta kona-ba Emu iha lalehan maka ida-ne'e hatudu ba ema seluk oinsá ema nasaun premeiru sira uza fatin nakukun sira iha lalehan hanesan ho fitun sira, maibé mós tanba ida-ne'e reflete hahalok emu rai nian, nune'e saida de'it maka ita haree emu rai halo, ita mós sei hatene katak informasaun paralelu iha mos lalehan".
Emu nakukun ne'ebé mosu - Image Geoffrey Wyatt.
Ne'e koinside iha tempu tinan nian ne'ebé emus sira hakiak - konstelasaun nakukun ne'e iha leten iha fulan-Juñu no Jullu, ne'e maka bainhira emu sira tuur iha sira nia oan sira - no bainhira nia muda no hanesan perpendikulár ba orizonte súl-oeste , ne'e maka bainhira emus sira hakiak oan sira tanba manu-oan sira moris hela.
“Ai-Yarran ka aihun Accasia ne'ebé namkari iha mota nia sorin maka Krús Súl, iha emu nia ulun nia sorin. Bainhira Fulan mane nian sai, emu subar dook hosi kazador. Ida-ne'e deskreve oinsá poluisaun naroman naturál Fulan nian, ne'ebé nia naroman nabilan hamoos detalle sira iha Via Láctea, halo susar atu haree emu.
” Fenómenu tranziente sira iha lalehan kalan nian, hanesan meteoru sira - mós iha signifikadu iha kultura ema indíjenu sira nian.
Aunty Joanne Selfe - Image supplied. Associate Professor Duane Hamacher, image – Amanda Fordyce.
"Iha maioria Austrália nian meteór sira ne'ebé nabilan haree hanesan buat rua ne'ebé maka dalabarak iha relasaun, ida-ne'e maka espíritu aat ida - hanesan ser aat sira ne'ebé maka semo iha lalehan, maibé normalmente sira iha relasaun ho mate - nune'e iha Torres Estreitu porezemplu bola ahi sira ne'ebé nabilan tebes, meteoru sira ne'ebé nabilan tebes, hanaran Maier, sira haree hanesan ema nia espíritu sira ne'ebé foin mate ka besik atu mate.”
Relasaun entre ema Aboríjene no ema ilha Estraitu de Torres no fitun sira abranje sentidu identidade no pertensa nian – ba mundu naturál, sira nia sentidu atu sai no ba sira nia kultura.
Iha astronomia ema Nasaun premeiru nian, orijen sira mundu nian fila fali, dook tebes ba Tjukurrpa. Ema mutin sira refere ba ida-ne'e hanesan Mehi, maibé bazikamente, ne'e tempu kleur ona, bainhira buat hotu ne'ebé eziste.. mosu fali.Aunty Joanne
"Maibé saida maka interesante iha istória ida-ne'e maka katak la'ós tempu ka istória hanesan ita komprende la envolve iha signifikadu… ami iha konseitu ida – no ida-ne'e ami hanaran bainhira deit.., no hanesan ema espíritu sira muda iha rai, foho, mota no lalehan no objetu selestiál sira hotu ne'ebé ita haree hale'u ita, ida-ne'e permite ita atu iha komprensaun badak katak ita maka ko-kriadór sira ba mundu ne'ebé ita moris ba - observadór no observadu hanesan de'it" dehan Tia Joanne.
Ho maneira ida-ne'e, koñesimentu fitun Indíjena nian maka parte integrante ida hodi liga pasadu, prezente, no futuru ba sistema koñesimentu olístiku ida, ne'ebé maka sentrál ba kultura Nasaun dahuluk sira nian.
Subscribe or follow the Australia Explained podcast for more valuable information and tips about settling into your new life in Australia.
