Pontu Chave Sira:
- Ita-boot bele poupa tempu no evita sala sira hodi hein ATO atu prenxe uluk dadus balu iha ita-boot nia deklarasaun impostu nian molok hatama deklarasaun impostu.
- Uza ajente fiskál bainhira alojamentu la signifika reembolsu boot liu, maibé bele ajuda asegura kumprimentu fiskál no halo prosesu sai fásil liu.
- Verifika rebate no opsaun apoiu ba impostu ne'ebé ita-boot bele hetan liuhusi Klínika Impostu nian ka programa Ajuda Impostu nian.
Bazeia ba ita-boot nia deklarasaun impostu, formuláriu ne'ebé akompaña ita-boot nia impostu rendimentu hasoru dedusaun sira ne'ebé ita-boot bele reklama, Gabinete Impostu Austrália nian (ATO) sei determina kualkér montante reembolsu ne'ebé ita-boot iha direitu ba ka dívida ne'ebé ita-boot iha responsabilidade.
Komisáriu Asistente ATO Robert Thomson, fó hanoin ba kontribuinte sira katak sira iha tempu to'o loron 31 fulan-Outubru atu hatama sira nia deklarasaun impostu, ka liután data ida ne'e se sira uza ajente impostu ida.
Maske tuir regulamentu ita-boot bele halo ona alojamentu hahú iha dia 1 fulan-Jullu, maibe di'ak liu hein to'o fulan jullu nia rohan, hodi nune'e ATO bele automatikamente prenxe ita-boot nia informasaun finanseira balu. Ida-ne'e inklui Ita-boot nia sumáriu pagamentu empregu nian, rendimentu juru (interest income) nian no dadus seguru saúde privadu nian.
Maski iha dadus ne'ebé maka automatikamente prenxe ona iha ita-boot nia deklarasaun impostu, maibe diak liu atu halo tan verifikasaun kruzada ho ita-boot nia rejistu sira no konfirma katak ida-ne'e loos. Credit: adamkaz/Getty Images
"No informasaun ne'e disponivel maski sira hela rasik ka uza ajente fiskál ida".
"Informasaun ne'ebé prenxe ona inklui pagamentu bem-estar ruma ne'ebé ita-boot simu ona".
Justin Bott, hanesan Ofisiál Informasaun Komunitária ba Servisu sira Austrália nian, hatete "Iha fulan-Jullu nia klaran, ami sei halo sumáriu pagamentu Centrelink nian ne'ebé disponivel ba ema sira ne'ebe sai hanesan ami nia kliente".
Se ita-boot simu ona Benefísiu Impostu Família nian ka Subsídiu Kuidadu Labarik nian, Servisu Austrália sei iha ita-boot nia pagamentu sira ne'ebé ekilibradu iha tinan finanseiru nia rohan hodi kompara ita-boot nia estimativa rendimentu ne'ebé deklara ona ho ita-boot nia rendimentu loloos.
Bazeia ba ATO nia avizu kona-ba avaliasaun ba ita-boot nia deklarasaun impostu, ita-boot sei presiza selu fali ka simu osan atu koresponde ho pagamentu sira ne'ebé ita-boot iha direitu ba. Se ita nia estimativa rendimentu nian hanesan ho ita nia rendimentu loloos, sei la presiza halo ajustamentu.
Sr. Bott hatete "Fó hatene mai ami se ita ka ita nia parseiru la presiza hatama deklarasaun impostu ba tinan finanseiru. Tanba ami la hetan informasaun ne'e automatikamente. Bainhira ami hetan ona informasaun ne'e, entaun ami bele tau matan ba ekilíbriu".
Ba ema foun sira iha Austrália tenke verifika se sira presiza hatama deklarasaun impostu nian ba tinan finanseiru liubá. Se lae, sira presiza nafatin hatama formuláriu konsellu non-lodgement nian ba ATO.
Dedusaun impostu nian bele reklama ba despeza sira ne'ebé maka halo nu'udar parte ida hosi ita-boot nia serbisu.
Sr. Thomson husi ATO hatete katak iha buat tolu sai hanesan xavi molok atu reklama deklarasaun impostu:
- Ita-boot tenke selu ona gastu rasik ne'ebe ita husu atu reembolsu no la hetan reembolsu husi fatin seluk
- Despeza ne'e tenke iha relasaun direta ho rendimentu ne'ebé ita-boot hetan.
- Ita-boot presiza iha rejistu ida ka prova gosta nian, normalmente iha forma resibu ida, atu hatudu prova husi gastu ne'e.
Servisu husi uma
Se ita servisu husi uma, ita-boot bele kalkula c ita nia gastu sira uza montante fiksu ida kada oras ne'ebé servisu husi uma (métodu taxa fixu) ka ita-boot nia gastu loloos (métodu kustu loloos).
Kualker maneira, ita-boot presiza rai rejistu kona-ba oras ne'ebe ita-boot servisu hosi uma durante tinan tomak.
"Iha website ATO nian, ami iha matadalan espesífiku indústria no okupasionál 40 ka ne'ebé diferente no ida ne'e bele ajuda ema atu komprende saida maka sira bele no labele reklama ba tipu servisu espesífiku no rejistu saida maka sira presiza atu rai".
Se ita-boot servisu husi uma, ita-boot presiza rejistu receivu sira hodi fundamenta reklamasaun ne'ebe hatama ba dedusaun impostu no ba despeza sira ne'ebé maka halo ona. Credit: MoMo Productions/Getty Images
Apoiu ne'ebé disponivel
Ema sira ne'ebé hetan osan menus husi $60,000 iha tinan ida bele elizivel ba apoiu hodi hatama sira nia deklarasaun impostu liuhosi programa Ajuda Impostu ka .
Iha mós Programa Klínika Impostu Nasionál ka , , programa ida ne'ebé finansia hosi governu federal ne'ebé iha klínika 15 iha nasaun tomak halo servisu independentemente husi ATO. Servisu ida ne'e fornese konsellu gratuitu ba sira ne'ebé elijivel iha kolaborasaun ho ajente fiskál sira ne'ebé rejistadu.
Ann Kayis-Kumar maka Profesora Asosiada iha Direitu Fiskál iha Universidade New South Wales no diretora fundadora ba Klínika Asesoria Impostu no Negósiu UNSW nian.
Nia esplika katak husi perspetiva ida ne'ebé hasoru kliente, servisu ne'e ajuda ema sira ne'ebé iha susar no susar finanseiru. "Sira refere mai ami husi setór komunitáriu, barak liu liuhusi konselleiru finanseiru sira, servisu legál sira, Lifeline, no apoiu komunitáriu sira seluk".
Uza ajente fiskál ida
Australianu barak maka hili atu selu ba servisu ajente fiskál nian hodi hatama sira nia deklarasaun fiskál. Tuir estudu hatudu katak, Austrálianu sira utiliza liu ajente fiskál ba halo servisu ne'e no sira sai hanesan nasaun segundu depois de Italia (
Estudu ka ida ne'ebé lidera hamutuk husi Prof Kayis-Kumar hatudu katak uza ajente fiskál ida la lori lukru signifikativu iha reembolsu fiskál nian kompara ho halo rasik, anaunserke ita-boot iha rendimentu anuál pelumenus $180,000.
"Ho ko-autór sira, Chris Evans no Youngdeok Lim, ami haree ba amostra hosi deklarasaun impostu australianu liu millaun lima iha tinan haat nia laran. Ami hetan katak benefísiu loloos ne'ebé ema hetan hosi uza asesór fiskál ida, diak liu mak ita-boot iha nivel aas rendimentu suplementár nian, hanesan rendimentu negósiu no aluga nian ka osan hosi parseria no konfiansa sira – maka konveniénsia no serteza, se lae lalika".
Se ita-boot uza ajente fiskál hodi hatama ita-boot nia deklarasaun fiskál, asegura katak ita-boot rejista ona ho sira to'o 31 Outubru no katak sira notifika ona ATO. Credit: Edwin Tan /Getty Images
"Konsellu husi profisionál fiskál sira maka ema ne'ebe ita presiza kontaktu., maibé tenki haree katak ema sira ne'e iha akreditasaun no ita bele hare no buka katak sira maka ajente fiskál rejistadu".
No keta haluha atu sempre matan-moris hasoru ema bosok ten sira ne'ebe ho impersonasaun ATO nian. Sr. Thomson destaka iha pursentu 60 ema ne'ebe bosok no koko kontaktu kontribuinte sira iha 2023 hodi hetan informasaun identifikasaun pesoál. Hirak-ne'e inklui detalle sira ne'ebé bele permite bosok-teen ida atu finje ita-boot, hanesan ita-boot nia naran, enderesu, ID myGov, Númeru Arkivu Impostu nian, ka detalle sira kartaun kréditu nian.
Sr. Thomson fó avizu "Husu ba ita-nia an rasik se mensajen ka xamada ne'ebé ita-boot hetan bele falsu no nunka klik iha ligasaun sira ba ita-boot nia konta MyGov. Sempre bá no hakerek detalle sira MyGov ka ATO nian iha ita-boot nia browser".
"No kontaktu ami lalais se ita-boot hanoin katak buat ruma la loos ka ita-boot nota ona atividade suspeitu iha ita-boot nia konta ATO".
Pagamentu balun husi Servisu sira Austrália nian, hanesan sira ne'ebé iha ligasaun ho inundasaun no dezastre naturál sira hetan impostu no ita-boot presiza aumenta akontesementu sira ne'e manualmente iha ita-boot nia deklarasaun impostu. Source: Moment RF / Songsak rohprasit/Getty Images
Ligasaun sira ne'ebé útil
Ba tópiku sira relasiona ho impostu kona-ba pagamentu no servisu sira Centrelink nian, ita-boot bele hetan informasaun iha ne'e ita-boot nia lian ka bolu servisu telefone multilingua iha Centrelink nian iha numeru 131 202.
Verifika saida maka ita-boot presiza halo iha tempu impostu nian se ita-boot hetan Benefísiu Impostu Família nian ka Subsídiu Kuidadu Labarik nian iha tinan finanseiru liubá
Se ita-boot selu impostu iha nasaun seluk iha tinan finanseiru liubá, ita-boot bele reklama iha Austrália kompensasaun impostu rendimentu estranjeiru iha ne'e. Verifika kritériu sira elijível nian iha ne'e
Se ita-boot hetan salariu $60,000 ka menus, ita-boot bele hetan ajuda atu hatama ita-boot nia deklarasaun impostu liuhosi ATO nia programa Ajuda Impostu. Aprende liután iha ne'e
Informasaun ba tópiku sira ne'ebé relasiona ho impostu disponivel iha lian oioin iha website ATO nian. Vizita
