Pontu chave sira
- Koko atu tama ba merkadu servisu ne’ebe subar sei aumenta ita-nia oportunidade atu hetan servisu.
- Servisu empregu migrante no refujiadu bele ajuda aselera dalan ba empregu.
- Konsidera atu haree ba setór sira ne'ebé aumenta no sae lalais iha merkadu traballu hanesan setor ne’ebe tau matan ba ferik ho katuas ka ba ema sira ne’ebe presiza tulun, no feto sira iha komérsiu.
Buka servisu iha Australia la fasil, ida ne'e dala barak han tempu no bele sai hanesan atividade ne'ebe sériu ba ema migrante ne'ebe hakarak servisu iha ne'e.
Bainhira ema to'o iha Australia, importante tebes atu haree kedas sira-nia direitu servisu nian no buka oportunidade servisu nian.
Agnes Kemenes, Advogadu Prinsipal iha Lei Migrasaun NB hatete: "Keta hein ema ida atu entrega serbisu ba imi."
"Imi tenke aten-barani loos atu ba buka serbisu. La iha ema seluk mak sei buka serbisu ba imi.
Empregu nia Sitiu ka website no ajénsia sira
Sítiu empregu sira hanesan Search, CareerOne no Jora, no plataforma média sosiál sira hanesan LinkedIn sei fó ideia ida kona-ba tipu servisu saida mak disponivel no setór saida mak iha.
Dalan seluk mos, ema bele kontaktu mos ajénsia rekrutamentu no empreza ne'ebe fo kontratu ba ema atu buka servisu ba sira. Ajénsia rekrutamentu mak ajensia ne'ebe hetan fiar husi kompanha atu halo rekrutamentu ba kompanha ne'e baseia ba iha rekerementu ne'ebe kompanha ne'e husu. Iha prosesu ne'e kompanha fo fiar ba ajensia rekrutamentu atu halo prosesu hotu maibe sira rua mak depois halo intervista ba kandidatu ne'ebe mak kompanha hili. Agora ba empreza ne'ebe fo kontratu ba ema, sira mos halo prosesu hanesan hotu. Diferensia entre sira rua mak, ajensia rektutamentu nia prosesu sei hotu depois de kompanha fo ona kontratu ba ema ne'ebe sira hili depois de kompanha selu ajensia rekrutamentu nia kustu ba prosesu hotu, maibe ba empreza ne'ebe fo kontratu ba ema, sira nia funsaun kontinua nafatin tanba ema la simu kontratu direta husi kompanha maibe liu fali husi empreza ne'e. Signifika katak; empreza ne'e mak selu ita nia salario fula-fulan, maske ita servisu ho kompanha ne'ebe rekruta ita maibe ita nia salario selu liu husi empreza ne'ebe mak kontratu ba ita e nome de kompanha ne'ebe ita servisu ba.
Rekrutamentu, aplikasaun ba servisu, kontratu no konseitu empregu negósiu. Fó fila-fali ba rekrutador hodi halo revizaun ba aplikante nia perfíl. Source: Moment RF / Narisara Nami/Getty Images
Asesu ba merkadu servisu ne'ebe mak la publika subar
Tanba servisu barak la halo publikasaun, buka servisu iha Australia presiza uza maneira liu husi harii ita-nia rede sosial liuhusi ko'alia diretamente ho empregadór no kontaktu ne'ebé ita halo ona iha Australia.
Ida-ne'e bele signifika haree ita-nia grupu komunidade Facebook ba ema ne'ebé buka atu servisu ka husu ita-nia kolega sira atu kontinua buka oportunidade iha sira-nia servisu fatin.
Servisu Empregu Migrante no Refujiadu
Organizasaun nasionál la'ós ho lukru Settlement Services International (SSI) introdús ema husi background oioin ba formasaun no empregu, oferese programa alvu ba komunidade refujiadu no migrante sira.
Joudy Lazkany, Xefe Servisu Empregu iha SSI hatete: " Ami bolu ida-ne'e nu'udar pasu 10 hodi hetan susesu.
"Ami ajuda sira atu komprende saida mak sira presiza prepara ka disponivel; oinsá atu tradús sira-nia surat-tahan hotu ba baze ba evidénsia Australia nian, oinsá atu hetan rekoñesimentu kona-ba sira-nia kualifikasaun iha rai-li'ur, oinsá atu buka serbisu, oinsá atu halo peskiza kona ba negosiu iha ne'e, oinsá atu liga ho servisu sira hanesan ami nian hodi ajuda sira hetan kbiit no independente."
Se ita-boot sira iha okupasaun iha rai-li'ur, SSI bele hatudu ita-boot sira oinsá mak ida-ne'e bele haree iha Australia.
Porezemplu, se ita mak enjeñeiru mekaniku ida iha Middle East ne'ebé serbisu iha projetu dolar biliaun barak, oinsá mak ita bele hetan susesu ho esperensia nee? Ita bele hahú iha fatin seluk bainhira ami hare ita-boot nia esperensia ne'e no oinsa hetan rekonhesementu iha ne'e; porezemplu ita-boot bele hadia liu tan ita nia abilidade iha lian Ingles; hetan treinamentu oinsa atu hametin konfiansa, hadia liu tan ita-boot nia abilidade iha oinsa atu harii rede sosiál sira?
SSI mós introdús ita-boot sira ba empreza lokál sira atu ajuda ita fa'an ita-boot sira-nia esperensia. Duke haree surat-tahan ida, empregadór sira bele hasoru direta ema ne'ebé iha abilidade no esperiénsia ne'ebé bele transfere.
fornese servisu empregu gratuita ba migrante no refujiadu sira liuhosi programa Forsa Traballu Governu Federal Australia no inisiativa independente sira seluk.
Programa sira-ne'e ko'alia liu kona-ba obstákulu empregu nian, maibe aumesmo tempu mos ko'alia mos kona-ba forsa, abilidade, kualifikasaun no esperiénsia moris ne'ebé migrante sira lori mai.
Programa mentoring Empregu halo ho objetivu atu azuda migrante sira hetan lalais servisuLaurie Nowell, Public Affairs Manager at AMES.
Nowell hatutan "Ami lori ami-nia empregado refujiadu nia rezolusaun, edukasaun ba hasoru empregu sira hamutuk iha fatin ida, depois empregu sira bele halo assesmentu ba kliente migrante ka refujiadu ida-idak.
AMES mos fo hodi introdus migrante professional sira ba empregu Australia.
Fotografia trabalador feto Aboriginu Australiana ida ne'ebe serviisu iha Worker Solar Farm hatais hela ropa servisu nian Hi-Vis Credit: Thurtell/Getty Images
Feto sira iha setor komérsiu
Connecting Women to trades is a NSW state government initiative. Run through SSI, it builds capability and awareness for both businesses and women entering the trades or construction sector.
Liga Feto ba komérsiu mak inisiativa governu estadu NSW nian. Programa ne'e halao husi SSI, hodi harii kapasidade no konsiénsia ba empreza no feto sira ne'ebé tama iha setór komérsiu ka konstrusaun.
Senhora Lazkany haktuir" Ami servisu liu-liu ho empreza no feto sira atu harii kapasidade emprezariál nian atu rekruta, mantein no fó kbiit ba feto sira iha setor komérsiu sira.
Inisiativa ne'e rekoñese katak importante tebes atu fó kbiit finanseiru ba feto sira tanba feto sira la de'it apoia sira-nia an - sira dala barak suporta sira-nia família.
Prezensa feto sira-nian iha komérsiu ne'ebé aumenta signifika mos mudansa sosiál ne'ebé substansial, hodi halo aspetu ida-ne'ebé merese konsidera ba sira ne'ebé buka oportunidade karreira.
Konsidera kona-ba indústria ospitalidade no hare ema
AMES Australia hala'o formasaun profisionál, tanba setór hirak-ne'e oferese oportunidade servisu nivel inísiu barak.
Laurie Nowell haktuir " Ami serbisu hamutuk ho migrante no refujiadu sira ne'ebé karik la iha kualifikasaun profisionál maibé hakarak serbisu, no liuhusi industria atu kuida ema (care taker) no hospitalidade, sira bele hetan lalais abilidade no kualifikasaun ne'ebé sira presiza atu tama ba serbisu-fatin."
Indústria atu hare ka kuida ema hanesan setór ida-ne'ebé sa'e lalais liu. Nia emprega ema besik millaun rua, no ida-ne'e sa'e ba millaun 2.5 iha 2025.[Laurie Nowell, Public Affairs Manager, AMES Australia]
Vizaun aas ida kona-ba feto emprezáriu ida ko'alia ho nia kolega ida bainhira tuur iha nia meza iha eskritóriu. Credit: Willie B. Thomas/Getty Images
Benefisiu husi servisu voluntáriu nian
Agnes Kemenes hatete: "Ita introdus ita-nia an rasik; Ita hatudu ita-nia talentu"
"Ema migrante sira ne'ebé mai iha rai ne'e lori rikusoin kultura nian ne'ebé furak no aprosimasaun oioin ba okupasaun balun. Ha'u rekomenda ida-ne'e iha situasaun ne'ebé ema buka hela serbisu ba tempu kleur ona no hetan rejeisaun dala 30,40 ka 50.
Sra. Kemenes aumenta tan " Liu husi esperensia servisu voluntariu, imi bele hatudu ba emprego sira imi nia abilidade no matenek, aumesmo tempu hetan mos esperensia husi servisu ne'e.
