Pontu chave sira
- "Bush Tucker" mak ai-han ne'ebé mai husi Australia, ne'ebé dala barak nutritivu no nakonu ho proteína no fibra.
- Peritu sira esplika, hanoin to'ok kona-ba saida mak hanesan iha tempu manas iha hemisfera súl bainhira konsidera inkluzaun hahan fuik ema indijinu sira nian.
- Halo diskusaun kona-ba hahan ingridiente ema indijinu sira nian mai husi ne’ebe, hanesan dalan ida atu selu omenajen ba povu husi nasaun primeiru Australia nian.
Ai-han fuik "bush tucker" mak hanesan ai-han ne'ebé ema rain nain sira iha Australia konsume no istórikumente ema barak mak gosta.
Maioria husi ai-fuan sira-ne'e nutritivu no nakonu ho proteína no fibra, no bele inklui ai-fuan oioin, ai-horis, fauna no fini.
Maski iha tinan hirak ne’e ai-han native nian hetan atensaun barak atu konsume iha uma, maibe susar atu hatene oinsa atu tau hamutuk bainhira prepara hahan.
Damien Coulthard mak mane ida husi Adnyamathanha no Dieri husi Flinders Rangers. Nia mos hanesan fundador husi Warndu, negósiu ida-ne'ebé fa'an hahan ema rai nain nian.
Damien Coulthard hanesan mos fundador ida husi Warndu. Credit: Jiwon Kim Credit: Jiwon Kim
Senhor Coulthard hateten " buat ne'ebe mak ami hakarak enkoraja mak atu ita boot sira koko aihan oi-oin ema indijinu sira nian iha selebrasaun festa ita boot sira nian".
Nia hatutan tempu ne'ebe mak diak liu mak atu inkopera ai-han sira ne'e iha tempu selebrasaun natal no ano novo, ne'ebe ita sempre tein no oferese hahan oi-oin.
Tuir mai mak dalan lima ne'ebe ita boot bele inkopera ai-han fuik "bush tucker" husi ema rai nain sira nian iha ita boot nia selebrasaun loron boot:
1. Aumenta ingrediante nativu nian iha ita nia salada.
Senhor Coulthard hateten " duke halo fali reseita foun uza ingrediante nativu nian, ita bele aumenta tan iha ita salada ne'ebe mak normalmente ita halo ona".
Nia haktuir " ida ne'e kona-ba oinsa mak ita bele kahor ingrediante oi-oin iha ita nia salada.
Poresemplu, ai-tahan warrigal verde bele tau hamutuk ho spinach (bayan) samphire bele inkopera ho asparagus, no derok myrtle sabor sin hanesan mos derok ba-bain maibe forte liu fali.
2. Tempera ho marinade hahan ho ingrediante nativu nian
Se atu tein naan manu, turkey, naan bibi ka ikan bele kahor ho opsaun ingrediante nativu nian, inkluido masin fuik "saltbush" ne'ebe mak mer no iha sabor herbal. Ida diak tebes ba tempera na'an ka ikan bainhira atu tunu, sona ou ka tunu iha forna neneik.
Ingrediante Pepperberry bele tau ba na'an no geraldton wax iha sabor sin, rua ne'e diak ba kahor ho hahan ou ka uza ba akompanya bainhira han ikan ka naan tasi nian.
3. Naan tasi nian (seafood)
Arabella Douglas hanesan feto ida husi nasaun Minyungbal nune'e mos hanesan fundador ba hahan Currie Country, ne'ebe mos hanesan lider ba organizasaun ema indijinu, ne'ebe fasilita ligasaun kona-ba ema indijinu sira nia kultura, esplika katak buat ida atu konsidera kuandu aumenta ingrediante nativu mak husu, hanoin ba saida mak hahan ekivalente iha Hemisphere sul iha tempu bai-loron?
Sra. Douglas hateten; " ita presiza hanoin katak ita tenki halo tuir iha fatin ne'ebe ita hela ba, hanesan iha kontinenti hemisphere sul.
Arabella Douglas hanesan fundador ba Currie Country. Credit: Jiwon Kim
Sra. Douglas fiar katak boek no naan tasi nian mak opsaun diak atu serve, no pippies ho kadiuk mak hanesan hahan favorit ba nia.
"importante mak atu tempera hahan sira ne'e ho diak"
" Ami hatene bainhira ita boot sira troka ingrediente importante ho ingrediente nativu nian.
4. Aumenta nativu ingrediante ba dosi Pavlova
Strawberry gum Pavlova with wattleseed cream. Credit: Josh Geelan and Luisa Brimble
Sr. Coulthard hateten "ema barak mak gosta tebes ami nia xumingal , kreme ne'ebe kahor ho wattle musan ka wattleseed.
Diak liu tan kuandu ita bele serve ho aifuan nativu nian hanesan quondongs, Davidson plums ho muntries.
Ita bele halo mos hahan hirak ne'e iha festa iha tempu ba-bain.
5. Aumenta ingrediante nativu ba ita nia bebida
Wattleseed bele sai hanesan alternativu ba kafe ne'ebe fo nafatin enerjia ba ita maibe sem caffeine.
Derok ho Davidson plums bele sai hanesan bebida ne'ebe bele aumenta tan, no derok myrtle mos hanesan bebida diak hodi akompanya bebida basiku ba tonic.
Cha River mint and ant loose diak mos ba ita hemu hodi fo sentimentu kalma.
Kria istoria iha ita nia kuadru no fahe ba ema seluk
Halo peskiza no diskusaun ba ai-han no ingrediante nativu nian bele sai mos hanesan dalan ida ba ita hodi selebra Austrália nia patrimóniu ka riku soin.
Sr. Coulthard hateten "ita tenki halo esforsu hodi hatene kona ba identidade estadu ida-idak, nia lian ne'ebe liga ba ema rai nain sira nia nasaun, no halo kuadru istoria kona ba ne'e no selebra istoria sira ne'e iha ita realidade. Ida ne'e sei fo ba ita apresiasaun ba buat ne'ebe mak ita iha.
