ຄຳເຕືອນກ່ຽວກັບການຊື້ສິນຄ້າທາງ ອອນລາຍ.
ຜູ້ຊ່ຽວຊານ ເລື່ອງການຂາຍທາງອອນລາຍ (Online sales) ໄດ້ເຕືອນຜູ້ບໍຣິໂພກ ໃຫ້ລະວັງຕໍ່ການສໍ້ໂກງ ໃນຂນະທີ່ພວກເຂົາໄປຊື້ເຄື່ອງ ໃນວັນພັກ ຫລືພະຍາຍາມສວຍໃຊ້ປໂຍດ ຈາກເທດສະການຫລຸດລາຄາ.
ດ້ວຍການສໍ້ໂກງທີ່ຊັບຊ້ອນ ແລະຍາກຕໍ່ການແຍກແຍະຫຼາຍຂຶ້ນ ຜູ້ຊ່ຽວຊານ ຈຶ່ງໃຫ້ຄໍາແນະນໍາທີ່ເປັນປໂຍດ ກ່ຽວກັບສິ່ງທີ່ຕ້ອງລະວັງ ແລະວິທີກຽມຕົວ.
Alex Anyfantis ລາຍງານ.
ເມື່ອ Black Friday ໃກ້ເຂົ້າມາ, ແລະ Christmas ກໍອີກພຽງແຕ່ຫນຶ່ງເດືອນເທົ່ານັ້ນ, ຜູ້ບໍຣິໂພກ ກໍໄດ້ຂຽນລາຍຊື່ຂອງຂວັນໃຫ້ Santa ສໍາລັບເທດສະການແລ້ວ.
ສໍາລັບຜູ້ທີ່ມີຊື່ ໃນລາຍການຂອງ "ຄົນດີ" ຂອງປີນີ້, ກໍມີແຜນທີ່ຈະໄດ້ຮັບຂອງຂວັນຫລາຍຢ່າງຢູ່ກ້ອງຕົ້ນໄມ້, ຊຶ່ງຈະຖືກເປີດດ້ວຍຄວາມດີໃຈ ໃນຕອນເຊົ້າຂອງວັນ Christmas.
ຢ່າງໃດກໍຕາມ, ແຜນທີ່ວາງແຜນໄວ້ຢ່າງລະມັດລະວັງເຫລົ່ານັ້ນ ອາດຖືກທໍາລາຍ ໂດຍນັກຫຼອກລວງທາງອອນລາຍ.
Michael McNamara ຜູ້ອໍານວຍການໃຫຍ່ຂອງ Australia Post ກ່າວວ່ານີ້ເປັນເທດສະການ ທີ່ການສ່ຽງຂອງການຖືກຫຼອກລວງ ຈະເພີ່ມຂຶ້ນ.
"ຂໍເຕືອນຊາວ ໃຫ້ລະວັງຕໍ່ການຫຼອກລວງ ໃນໄລຍະBlack Friday ແລະການຫຼຸດລາຄາໃນຊ່ວງ Christmas. ເມື່ອປະຣິມານການຊື້ເຄື່ອງທາງອິນເຕີເນັດເພີ່ມຂຶ້ນ, ຄວາມສ່ຽງ ຂອງການຖືກຫຼອກລວງ ກໍຈະເພີ່ມຂຶ້ນຄືກັນ, ໂດຍແນໃສ່ເປົ້າຫມາຍ ຂອງການສົ່ງສິນຄ້າຜ່ານທາງຂໍ້ຄວາມ, ໂທຣະສັບ ແລະອີເມລ."
Danielle Grant, ຜູ້ຊ່ຽວຊານດ້ານການຊື້ເຄື່ອງ ເພື່ອຜູ້ບໍຣິໂພກ ຂອງ PayPal Australia ອະທິບາຍວ່າ ເປັນຫຍັງ ຈຶ່ງມີໂອກາດຫຼາຍຂຶ້ນ ທີ່ຜູ້ຊື້ຈະຖືກຫຼອກລວງໃນໄລຍະນີ້.
"ມັນເປັນຊ່ວງເວລາທີ່ດີ ທີ່ຈະຊື້ສິນຄ້າຫຼຸດລາຄາ ໃນເວລານີ້, ໂດຍທີ່ຊາວອອສເຕຣເລັຍ ຫລາຍກວ່າ 90 ເປີເຊັນ ບອກພວກເຮົາວ່າ ເຂົາເຈົ້າວາງແຜນ ທີ່ຈະຊື້ສິນຄ້າ (ທີ່) ຫຼຸດລາຄາໃນທ້າຍປີ. ແລະມັນເປັນການຊ່ວຍຈັດການກັບຄ່າໃຊ້ຈ່າຍ, ແມ່ນເຫດຜົນສໍາຄັນຢ່າງຫນຶ່ງ. ຢ່າງໃດກໍຕາມ, ມັນຈະສ້າງຄວາມຮູ້ສຶກວ່າຮີບດ່ວນ ແລະມີເວລາຈໍາກັດ, ສິ່ງສໍາຄັນຄື ເຮົາຈື່ງຕ້ອງຊ້າລົງ ແລະຄລິກດ້ວຍຄວາມລະມັດລະວັງ. ການສໍ້ໂກງຫຼອກລວງ ມີຄວາມຊັບຊ້ອນ ຫຼາຍກວ່າທີ່ຜ່ານມາ. ແລະເຮົາຮູ້ວ່າ ແມ່ນແຕ່ຄົນລຸ້ນໃຫມ່ ແລະຄົນລຸ້ນໃຫມ່ ເຊັ່ນ Gen Z ກໍມີໂອກາດ ທີ່ຈະຕົກເປັນເປົ້າຫມາຍ ຂອງເວບໄຊ້ຕ໌ທີ່ປອດພັຍ ຊຶ່ງແມ່ນທີ່ 44 ເປີເຊັນ ເມື່ອປຽບທຽບໃສ່ກັບ 30 ເປີເຊັນ ຂອງຊາວອອສເຕຣເລັຍ"
ໂດຍທີ່ຜູ້ຊື້ເຄື່ອງ ກໍາລັງຊອກຫາການຫຼຸດລາຄາ ຂອງຜລິດຕະພັນ ທີ່ເຂົາເຈົ້າຕ້ອງການຫຼາຍທີ່ສຸດ, ຜູ້ຫຼອກລວງທາງອິນເຕີເນັດ ກໍຈະສວຍໂອກາດຫຼາຍຂຶ້ນ ໃນໄລຍະນີ້.
ໃນຂນະທີ່ ໄດ້ລົງມືປະຕິບັດຕາມຂັ້ນຕອນສໍາຄັນ ເພື່ອຫລຸດຜ່ອນ ກິດຈະກັມການຫຼອກລວງທາງອິນເຕີເນັດ ເມື່ອບໍ່ດົນມານີ້ ເຊັ່ນການປະກາດໂຄງການ ປ້ອງກັນການຫຼອກລວງ (Scams Prevention), ແຕ່ຣັຖບານໄດ້ເຮັດພຽງເລັກນ້ອຍ ໃນການຢັບຢັ້ງຜູ້ສໍ້ໂກງຫຼອກລວງ.
Danielle Grant ຈາກ PayPal Australia ແບ່ງປັນຕົວເລກ ທີ່ຫນ້າເສົ້າໃຈບາງຢ່າງ ທີ່ນາງກ່າວວ່າ ໄດ້ສ້າງຄວາມສັ່ນສະເທືອນ ຕໍ່ຄວາມເຊື່ອຫມັ້ນ ຂອງຜູ້ບໍຣິໂພກອອນລາຍ.
ACCC (Australian Competition and Consumer Commission) ໄດ້ລາຍງານປີກາຍນີ້ວ່າ ມີເວບໄຊ້ຕ໌ ທີ່ຫຼອກລວງ 3,000 ເວັບໄຊ້ຕ໌ ທີ່ເຮັດໃຫ້ຊາວອອສເຕຣເລັຍ ສູນເສັຍເງິນຫຼາຍລ້ານໂດລາ. ຜູ້ຫຼອກລວງເຫລົ່ານີ້ ໄດ້ໃຊ້ຊ່ວງເວລາ ເຊັ່ນການຫຼຸດລາຄາໃນທ້າຍປີ ເພື່ອສວຍໂອກາດ ໃນຄວາມຕື່ນເຕັ້ນ ແລະຄວາມກະວົນກະວາຍ ໃນເວລາທີ່ຈໍາກັດນັ້ນ. ເຖິງຢ່າງໃດກໍຕາມ, ການຄົ້ນຄວ້າຂອງ PayPal ຂອງພວກເຮົາ ໄດ້ສະແດງໃຫ້ເຫັນວ່າ ສາມສ່ວນສີ່ ຂອງຊາວອອສເຕຣເລັຍ ໄດ້ປະຖິ້ມການຊື້ທາງອິນເຕີເນັດ ໃນອະດີດເນື່ອງຈາກຄວາມເປັນຫ່ວງ ເລື່ອງຄວາມປອດພັຍ."
ຂໍ້ມູນຈາກການສໍາຫລວດຂອງ Pollfish ເປີດເຜີຍວ່າ 75 ເປີເຊັນ ຂອງຊາວອອສເຕຣເລັຍ ເຊື່ອວ່າການຫຼອກລວງ ນັບມື້ນັບມີຄວາມໜ້າເຊື່ອຖືຫລາຍຂຶ້ນ.
ຢ່າງໃດກໍຕາມ, ມັນກໍຍັງມີທາງບວກຢູ່. ຜູ້ບໍຣິໂພກ ເລີ້ມລະມັດລະວັງຫລາຍຂຶ້ນ ຕໍ່ກິດຈະກັມທີ່ໜ້າສົງສັຍ ໃນຂນະທີ່ເຂົາເຈົ້າ ຊື້ສິນຄ້າທາງອິນເຕີແນັດ.
Michael McNamara ຈາກ Australia Post ແບ່ງປັນການຄົ້ນພົບອື່ນໆ ທີ່ໃຫ້ຄວາມຮູ້ເພີ່ມເຕີມ ກ່ຽວກັບຄວາມຮູ້ສຶກ ຂອງຜູ້ບໍຣິໂພກອອສເຕຣເລັຍ ກ່ຽວກັບການຫຼອກລວງ.
"ການຄົ້ນຄວ້າຂອງເຮົາບອກວ່າ ຫລາຍກວ່າ 70 ເປີເຊັນ ຂອງຊາວອອສເຕຣເລັຍ ລາຍງານວ່າ ການຫຼອກລວງເລື້ອງການຈັດສົ່ງ ແລະຫໍ່ພັດສະດຸ ເປັນເລື່ອງທີ່ເກີດຂຶ້ນຫລາຍທີ່ສຸດ. ໃນຂນະທີ່ ພຽງແຕ່ຫນຶ່ງໃນຫ້າຄົນ ຂອງຊາວອອສເຕຣເລັຍ ທີ່ຈະຕົກເປັນເຫຍື່ອ ຂອງການຫຼອກລວງ ໃນໄລຍະການຫຼຸດລາຄາ, 75 ເປີເຊັນເຊື່ອວ່າ ການຫຼອກລວງ ນັບມື້ນັບ ມີຄວາມໜ້າເຊື່ອຖືຂຶ້ນເລື້ອຍໆ. ດ້ວຍເຫດນີ້ ພວກເຮົາຈຶ່ງເຕືອນລູກຄ້າ ໃຫ້ລະມັດລະວັງເປັນພິເສດ ໃນຂນະທີ່ເຂົາເຈົ້າ ກຽມຕົວ ສໍາລັບການຈັດສົ່ງຫໍ່ພັດສະດຸຫຼາຍຂຶ້ນ ໃນຫຼາຍອາທິດຂ້າງຫນ້າ."
ຜູ້ບໍຣິໂພກ ສາມາດເຮັດຕາມຂັ້ນຕອນຕ່າງໆ ເພື່ອຮັກສາຄວາມປອດພັຍ ໃນການຊື້ເຄື່ອງທາງອິນເຕີເນັດ ແລະເພື່ອໃຫ້ແນ່ໃຈວ່າ ເງິນຂອງເຂົາເຈົ້າ ຈະໄປໃນບ່ອນທີ່ຄວນຈະໄປ.
ການຕິດຕາມເບິ່ງການສົ່ງຫໍ່ພັດສະດຸ ແລະການລາຍງານ ຖ້າຫາກເຂົາເຈົ້າສັງເກດເຫັນ ການເຄື່ອນໄຫວທີ່ໜ້າສົງສັຍ ເປັນພຽງວິທີຫນຶ່ງໃນຫລາຍວິທີ ທີ່ຜູ້ຊື້ສາມາດແນ່ໃຈໄດ້ວ່າ ເຂົາເຈົ້າບໍ່ໄດ້ຖືກຫຼອກລວງ.
Mr McNamara ແນະນໍາອີກສອງສາມວິທີ.
"ພວກເຮົາແນະນໍາໃຫ້ໃຊ້ແອັບຈາກຜູ້ຂາຍ ແລະຜູ້ໃຫ້ບໍຣິການທີ່ໄວ້ໃຈໄດ້. ເມື່ອມີຄວາມສົງສັຍ, ຢ່າຄລິກທີ່ຕິດຕໍ່ (Links) ແລະຢ່າໃຫ້ລາຍລະອຽດສ່ວນຕົວ ຍົກເວັ້ນແຕ່ທ່ານແນ່ໃຈ ກ່ຽວກັບແຫລ່ງທີ່ມານັ້ນ.ການໃຊ້ອັບພລິເຄຊັນຂອງ Australia Post ເປັນວິທີທີ່ປອດພັຍ ທີ່ຈະຮັບເອົາຂໍ້ມູນໃຫມ່ ໃນການສົ່ງ ແລະຕິດຕາມຫໍ່ພັດສະດຸຂອງທ່ານ."
Ms Grant ແບ່ງປັນຄໍາແນະນໍາເພີ່ມເຕີມ ສໍາລັບຜູ້ທີ່ເລືອກ ທີ່ຈະຊື້ສິນຄ້າສຳລັບ Christmas ປີນີ້ ທາງອິນເຕີເນັດ.
"ມີສອງສາມວິທີງ່າຍໆ ທີ່ຈະຈັບຕາເບິ່ງການຫຼອກລວງ. ເຊັ່ນຊອກຫາຂໍກະແຈໃນແຖວ URL, ຫຼີກລ່ຽງການຄລິກຂໍ້ຄວາມ ທີ່ບໍ່ຮູ້ຈັກ ເຊິ່ງມີການເຊື່ອມຕໍ່ການຫຼຸດລາຄາ (Sale Link). ເວັບໄຊນີ້ ມີຂໍ້ມູນຕິດຕໍ່ໃນຫນ້າ "ກ່ຽວກັບພວກເຮົາ-About Us” ຫຼືບໍ່? ມີຂໍ້ຜິດຫຼັກໄວຍະກອນ ໃນຫນ້າໃດໆບໍ່? ແລະໃຫ້ຖາມຕົວເອງສເມີວ່າ ເວບໄຊ້ຕ໌ ໄດ້ໃຫ້ວິທີທີ່ປອດພັຍ ໃນການຈ່າຍເງິນຫຼືບໍ່? ໂດຍທັມມະຊາດແລ້ວ....ໃຫ້ທ່ານຊ້າລົງ. ທ່ານບໍ່ຢາກໄດ້ຂອງຂວັນການສໍ້ໂກງ ສໍາລັບ Christmas. ສະນັ້ນ ຈົ່ງເຊື່ອສັນຊາດຕະຍານຂອງທ່ານ ແລະຖ້າຫາກຮູ້ສຶກວ່າ ຂໍ້ສເນີນັ້ນດີເກີນກວ່າຈະເປັນຄວາມຈິງ, ອາດເປັນເພາະມັນເປັນເຊັ່ນນັ້ນແທ້."
ຈາກຂໍ້ມູນທັງຫມົດກ່ຽວກັບກິດຈະກັມອອນລາຍ ທີ່ເປັນການຫຼອກລວງ ໃນໄລຍະເທດສະການ, ຜູ້ບໍຣິໂພກບາງຄົນ ເລືອກໃຊ້ວິທີດັ້ງເດີມໃນການຊື້ສິນຄ້າ:
...ການເລືອກທີ່ຈະຊື້ເຄື່ອງໃນຮ້ານຄ້າ ເພື່ອຄວາມແນ່ໃຈວ່າ ເຂົາເຈົ້າຮູ້ວ່າ ເງິນຂອງເຂົາເຈົ້າຈະໄປໃສ ແລະເຂົາເຈົ້າບໍ່ຈໍາເປັນຕ້ອງມີຄວາມກັງວົນ ໃນການລໍຖ້າ ຫໍ່ພັດສະດຸມາສົ່ງ.
...ແລະກັບຄືນໄປຫາແບບເກົ່າ ຂອງການໃຊ້ເວລາ ໃນການລໍຖ້າເປັນແຖວ ເພື່ອຈ່າຍຄ່າຂອງຂວັນເທດສະການ ແລະພະຍາຍາມ ເອົາທຸກຢ່າງໃສ່ໃນກົ້ນຣົດຂອງທ່ານ.
ເນື້ອເລື່ອງໂດຍ Alex Anyfantis ຂ່າວ SBS News,
ຈັດທຳໂດຍ ສັກ ພູມີຣັຕນ໌ ວິທຍຸ SBS ພາກ ພາສາລາວ.
ທ່ານສາມາດຕິດຕາມຂ່າວສານຫຼ້າສຸດ ຈາກ ອອສເຕຣເລັຍ ແລະທົ່ວໂລກ ເປັນພາສາລາວຈາກ ເອສບີເອສ ລາວ ໄດ້ທີ່ເວັບໄຊ້ຕ໌
