Muaj tej neeg tsiv teb tsaws chaw tshaj 600,000 tus yeej tab tom ua tej hauj lwm uas tau siv tej txuj ci qes dua tej lawv tau kawm los/tej lawv muaj raws li lub koom haum Settlement Services International (SSI) qhia.
Lily Jiang uas yog tus manager tswj cov hauj lwm Activiate Australia Skills ntawm lub koom haum SSI tau hais tias:
“44 feem pua ntawm tej neeg tsiv teb tsaws chaw yeej tsis raug siv raws li qhov tsim nyog ntawm Australia, thiab yog ib cov kev plam cib fim loj tshaj plaws thaum tseem muaj txog li ib feem peb ntawm ntau yam hauj lwm ntawm teb chaws Australia no yeej tseem nrhiav tsis tau tej neeg muaj tej txuj ci txaus thiab paub ua tej hauj lwm no los ua,''
“Raws li tej dab neeg uas peb pom thiab ntau yam xov xwm uas peb pom, ces tej neeg no coob heev yeej tau mus ua tej hauj lwm cleaning, ua hauj lwm tos txais qhua, ua tej hauj lwm uas tsis tau ua ruaj li rideshare, thiab tsav tsheb taxi.''
Raws li SSI hais ces yog tias tej neeg tsiv teb tsaws chaw tau ua tej hauj lwm kom haum raws li lawv tej txuj ci uas lawv kawm/paub tib yam li tej neeg Australia yug ntawm lub teb chaws no uas ua hauj lwm ces yuav pab kom tau nyiaj txog li $70 billion rau Australia tej lagluam rau lub caij 10 xyoo.
SBS Examines toom xov xwm no nug tias vim li cas tej neeg tsiv teb tsaws chaw thiaj tsis muaj peev xwm nrhiav tau tej hauj lwm ua kom haum raws li lawv tej qualifications, rau lub caij tseem muaj tej xwm txheej skills shortage — thiab tau ua rau Australia poob nyiaj li cas.
With additional reporting by SBS Mandarin.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
