Ntsiab lus tseem ceeb:
- Tej kws tshawb fawb txog cov kev pw hais tias cov kev tau pw tsaug zog zoo yog nyob ntawm seb tau pw ntev npaum li cas, puas muaj teeb meem thaum pib pw los yog muaj peev xwm pw tsaug zog txuas ntxiv, tab sis ib tug twg yeej muaj cov kev pw sib txawv.
- Tej xwm txheej dhau los uas tau ua rau yus ntshai rau sab cev ntaj ntsug thaib cev nqaij daim tawv , cov kev tsiv teb tsaws chaw thiab cov ntau yam nyuaj ntawm cov kev pib neej tshiab kuj yog tej yuav ua rau yus pw tsis tsaug zog.
- Yog tias muaj tej teeb meem tsis tau dab ntub tsis tau pw txaus rau tej laus thiab me nyuam ua ntuv zus thiab ua rau yus tsis muaj peev xwm nias siab hlo ua ib yam dab tsi thaum nruab hnub ces tsim nyog yuav tau nrhiav kev kho mob pab cuam.
Cov kev pw yog tej yam tseem ceeb.
Vim pab peb lub cev ntaj ntsug thiab pab peb lub paj hlwb kom ua tau hauj lwm thiab npaj ntau yam los yog txheeb tej xov xwm thiab kom peb siv tau peb lub hlwb zoo thiab pab kom peb kaj siab.
Txawm tias peb ib txhia yeej muaj peev xwm ntxeem nrog cov kev tsis tau pw txaus dua lwm tus, los .
Cov kev tau pw txaus yog dab tsi tiag?
Associate Professor Fatima Yaqoot yeej yog ib tug neeg tshawb fawb txog cov kev pw ntwm tsev kawm qib siab University of Queensland thiab kuj yog ib tug neeg paub zoo txog kab mob sib kis thiaj hais tias muaj ntau yam qhia tias cov kev tau pw zoo ho zoo li cas.
''Thawj yam ces yog cov kev tau pw txaus rau ib lub caij twg, uas yuav tau pw pes tsawg teev kom yus thiaj mloog tias yus kab siab cus plaws.''
Yeej muaj cov kev taw qhia tias kom tej neeg muaj hnoob nyoog 18 xyoo rov sauv yuav tau pw ib hmo twg txog li 7 txog 9 teev, tab sis kuj sib txawv ntawm ib tug neeg rau lwm tus thiab.
Tej scientists hais tias cov kev muaj peev xwm pw tsaug zog rau lub sij hawm 15-20 ntiag tiv thaum chev rau saum txaj lawm yog tej yam qhia tias yus tau pwm tsaug zog zoo yam tsis muaj lwm yam cuam tshuam.
Associate Professor Yaqoot tshab txhais tias ''Tej neeg uas thaum pw saum txaj lawm pheej tig mus tig los mam li tsaug zog los yog pw pheej tsim tas mus li ces yog cov tsis tshua tau pw zoo.''
Tab sis qhov tseem ceeb tshaj plaws ces yog thaum yus pw sawv los seb yuav mloog tau li cas.
“Seb puas ua rau yus kaj siab lug cus plaws rau hnub tshiab, yog ces yus tau pw tsaug zog zoo.''
Qhov tseem ceeb tshaj plaws qhia tias yus tau pw zoo ces seb yus mloog tau li cas thaum yus pw thiab tsim los lawm. Credit: miodrag ignjatovic/Getty Images
Cov kev sib cuam tshuam ntawm cov kev tsiv teb tsaws chaw thiab cov kev pw
A/Prof Yaqoot hais tias yeej ib txwm muaj teeb meem rau tej neeg tsiv teb tsaws chaw cov kev pw rau ib lub caij luv luv.
“Vim lawv tau ncaim lawv tej teb chaws, ncaim lawv tsev neeg, thiab tej chaw lawv swm mus rau ib qho chaw tshiab, thiab tau ua tej hauj lwm txawv sij hawm, yuav tau hloov raws tej kab lis kev cai tshiab, ntawm lub teb chaws tshiab, thiab pib dua lub neej tshiab, thiab tseem ntsib teeb meem jet lag...''
Tab sis yog tias pheej tseem tsis tau pw tsaug zog txaus thiab ces yuav ua rau muaj teeb meem loj rau cov kev pw.
Tej neeg uas tau muaj ib yam dab tsi dhau los ua rau lawv ntshai rau sab cev nqaij daim tawv thiab ntsuj plig ntawm lawv tej teb chaws yog cov yuav ntsib cov teeb meem pw ntau dua.
muaj tej neeg thoj nam tawg tsov tawg rog tshaj 75 feem pua suav tej laus thiab me nyuam yaus tib si yeej qhia tias lawv muaj teeb meem theem hauj sim txog theem teeb meem loj ua rau lawv tsis tau pw txaus.
Krista Senden uas yog ib tug social worker ntawm lub koom haum is the practice leader at Foundation House ntawm Melbourne uas pab tej neeg thoj nam hais tias tej neeg muaj cov teeb meem post-traumatic stress disorder (PTSD) yeej ua rau lawv tsis tau pw raws li qhov tsim nyog.
Nws hais tias “Yuav laug txog li ntawm 50 feem pua ntawm tej neeg uas tau txais kev kho daws lawv tej teeb meem ua rau lawv ntshai rau sab cev los yog ntsuj ces yeej qhia tias yeej ua rau muaj teeb meem rau lawv cov kev pw txuas ntxiv.''
Txawm li cas los tsis yog tib cov teeb meem ntawd nkaus xwb thiab, tej zaum yus tej me nyuam los yog tej neeg yus hlub tshua kuj ua rau muaj teeb meem rau yus tsis tau pw tsaug zog txaus thiab.
Ms Senden hais tias “Peb paub tias tej kab lis kev cai sib txawv muaj feem rau cov kev pw thiab cov kev tsim thiab. Tab sis kuj muaj ntau yam cuam tshuam txog cov kev pib neej tshiab...los yog pheej nyog lig hmo ntuj, los yog sawv ntxov kom thiaj paub tej xov xwm ntawm yus lub teb chaws los yog tau nrog yus tej neeg hlub tshua txawv teb chaws tham uas ua rau muaj teeb meem rau lawv cov kev pw thiab.''
Nws thiaj hais ntxiv tias lub caij thov kev pab cuam daws cov teeb meem tsis tau pw txaus kuj yog tej yam tseem ceeb heev thiab.
Yeej muaj cov kev teeb txheeb qhia tias muaj kev sib cuam tshuam ntawm cov kev tsis tau pw txaus, cov kev ntxeem dhau ntawm tej xwm txheej ua rau yus ntshai rau sab cev ntaj ntsug thiab sab ntsuj thiab cov kev nyuaj sib ntawm cov kev tsiv teb tsaws chaw.Krista Senden, Practice Leader, Foundation House
Chris Seton ces yog ib tug kws kho mob me nyuam yaus thiab tus khws kho mob pab tej hluas nyuam qhuav nto nkauj nto nraug los yeej pom zoo thiab.
Tej hluas nto nkauj nto nraug neeg tsiv teb tsaws chaw ces yog cov yuav ntsib teeb meem pw tsis tsaug zog ntau dua piv rau tej hluas tib phaum uas tsis yog neeg tsiv teb tsaws chaw, vim muaj ntau yam ua rau lawv nyuaj siab li cov kev tsiv mus nyob rau ib lub teb chaws tshiab, thiab ua rau lawv muaj kev nyuaj siab ntxhov plawv.
“Yog tias ib tug ntxhais los yog ib tug tub twg pheem ntxhov siab thiab txhawj xeeb ces yuav ua rau lawv nyuaj siab ntxhov plawv thiab ua rau lawv tsis tau pw tsaug zog txaus.''
Tab sis nws kuj hais tias yog kho tau lawv cov teeb meem tsis tau pw txaus no lawm ces kuj yuav pab kom lawv muaj peev xwm ntxeem dhau nrog ntau yam teeb meem nyuaj ntawm lawv lub neej thiab.
Muaj ntau yam ntawm cov kev ua lub neej txhua hnub, tej niam txiv cov kev vam kev cia siab rau lawv thiab cov kev pheej saib tej devices hmo ntuj yog cov ua rau muaj teeb meem rau tej hluas nto nkauj nto nraug muaj teeb meem rau lawv pw tsis tsaug zog. Credit: Alihan Usullu/Getty Images
Kav tsij nrhiav kev pab thaum ntxov
Dr Seton yeej ua hauj lwm ntawm lub sleep clinic ntawm Sydney lub tsev kho mob Children's Hospital at Westmead ntawm Western Sydney uas ntsuam tias seb tej me nyuam yaus txij thaum yug los txog 18 xyoo puas muaj teeb meem rau lawv cov kev pw.
Nws thiaj tshab txhais tias cov teeb meem pw yog tej yam uas tej niam txiv thiab kws kho mob yeej lees paub tias yog ib co teeb meem.
“Tej thaum ces tej neeg yeej txhawj, tias puas tsim nyog kuv tus ntxhais los yog tus tub mus nsib ib lub sleep clinic los tsis tsim nyog? Qhov yuav qhia tau ces seb puas muaj teeb meem rau lawv cov kev pw? Lawv pw puas tsim thaum hmo ntuj? Puas muaj teeb meem rau lawv cov kev mus pw? Thiab qhov tseem ceeb tshaj plaws thaum pw sawv rau hnub tshiab puas ua rau lawv mloog tau tias nkees nkees sab sab?''
Dr Seton hais tias tseem muaj ib txhia xav yuam kev tias yog ib tse neeg twg pw tib txag ua ke ces yuav ua rau muaj teeb meem pw tsis tsaug zog thiab.
Nws hais tias “Peb tsis xav tias cov kev koom pw ua ke yog ib cov teeb meem mob nkeeg dab tsi. Tsuas yog tej niam txiv cov kev xaiv xwb.''
Yeej muaj ntau cov kab lis kev cai uas yeej pom tias muaj tej cuab yig ntau heev koom pw ua ke.Dr Chris Seton, Paediatric and Adolescent Sleep Physician
Nws thiaj hais tis tsuas yog tias thaum cov kev pw ua ke no ras los ua ib cov teeb meem cuam tshuam ua rau tej neeg tsis tau pw tsaug zog txaus xwb.
“Peb pom tias yeej muaj tej me nyuam yaus coob heev thaum lawv pw lawm ces lawv yeej tau chwv thiab kov lawm niam lawv txiv, tej thaum ces pw tuaj sab saum toj, los yog yeej tuam lawv, thawb lawv, rub lawv plaub hau. Tej me nyuam yeej ua tej no, tab sis yuav ua rau tej niam txiv tsis tau dab ntub thiab.''
Thaum ib yig neeg twg mus ntsib ib lub sleep clinic ces tej kws kho mob yuav txheeb tus me nyuam ntawd tej cwj pwm pw seb zoo li cas?
''Peb yuav siv ntau cov tswv yim los txheeb nws sab ntsuj thiab kev xav thiab yuav siv cov tswv yim pub khoom plig rau nws, thiab pab kom nws coj tej cwj pwm kom tau pw zoo los pab tej niam txiv daws tej teeb meem pw.''
Tej sleep clinics yeej muaj peev xwm ntsuam thiab txheeb tias seb ib tug twg puas muaj cov teeb meem tsis tau pw raws li qhov tsim nyog pw txawm me nyuam mos liab los yeej txheeb tau thiab. Credit: SolStock/Getty Images
“Thawj yam thawm sawv los lawm ces yuav tau xyuas kom tau duab tshab ntuj txaus rau yus, li qhib ntaub vov qhov rais thiab ziab sab hnub me ntsis.''
Thiab zam tsis txhob haus kafes thaum lig tom qab tav su dua los yog tsis txhob ua exercise rau yav lig thaum tsaus ntuj lawm.
Thiab tsis txhob saib yus tej devices thiab siv ntau yam tswv yim tswj yus lub siab kom tus ua ntej yuav pw tej zaum kuj yuav pab kom yus tau pw zoo thiab.
Tab sis yog thaum kawg pheej tseem muaj teeb meem ua rau yus tsis tau pw tsaug zog tas mus li thiab muaj teeb meem ntau yam rau yus lub neej thaum nruab hnub li tsis qab siab tsis nias siab ua ib yam dab tsi, ces yuav tau nrhiav kev kho mob pab.
Associate Professor Yaqoot hais tias “Yog tias cov kev pw tau ras los ua ib cov teeb meem thiab pheej muaj teeb meem tsis tau pw rau ib co sij hawm twg ntau tshaj li peb zaug ib limtiam twg rau ntau limtiam, ces yuav tau ntsib thiab sab laj nrog yus tus kws kho mob.''
''Vim tej ciam no qhia tias tej zaum yus muaj teeb meem insomnia los yog lwm yam teeb meem ua rau muaj teeb meem rau yus cov kev pw''
- Txheeb tau xov xwm ntxiv tej tej pheej ua rau yus tsis tau lw los yog tej kev taw qhia txog sleep hygiene ntawm lub vas sab (website).
- Yog xav ntsib ib tug sleep clinic physician ces nug yus tus kws kho mob (General Practitioner-GP) los yog ib tug kws kho me nyuam yaus kom thiaj tau siv tej clinic ze tshaj plaws uas daws tej teeb meem tsis tau pw no.
Subscribe to or follow the Australia Explained podcast for more valuable information and tips about settling into your new life in Australia.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau los yog caum
