Ntsiab lus tseem ceeb:
- Australia cov program hno tshuaj vaccine (National Immunisation Program) ces yeej hno tej tshuaj vaccines tseem ceeb rau tej me nyuam mos liab thiab tej me nyuam yaus dawb coj los pab kom muaj tej kab mob muaj peev xwm tiv thaiv tau tsawg.
- Tsoom fwv teb chaws tej cai ‘No Jab, No Pay’ thiab tsoom fwv xeev tej cai ‘No Jab, No Play’ policies yeej hais kom tej me nyuam yaus hno tej tshuaj vacine kom txwm mas thiaj muaj cai tau tej nyiaj family support payments los yog muaj peev xwm siv tau cov kev pab zov me nyuam (Childcare services).
- Yog tias koj muaj kev txhawj xeeb txog koj tus me nyua cov kev hno tshuaj vaccine ces xav kom sab laj thiab tham nrog ib tug neeg ua hauj lwm kho mob.
, ces 50 dhau los no tej tshuaj vaccines kuj tau pab kom tej me nyuam yaus uas hnoob nyoog qes dua 5 xyoos tsis txhob tas sim neej.
Txawm tias yuav muaj tej cai hno tej tshuaj vaccines sib txawv, los yeej tseem siv tib co laj thawj kho mob li qub thoob ntuj: uas yog cov program hno tshuaj vaccine no yog tsim coj los pov puag tej me nyam yaus kom tsis txhob kis tau tej kab mob uas kis tau yooj yim heev.
Ces cov kev hno tshuaj vaccines no thiaj tau ras los ua tsoom fwv tej cai thiab kuj tau 'yog tej yam ua rau tej zej zog muaj kev tus siab thiab yog tej yam cuam tshuam txog tej laj fai kum xeeb' vim rau qhov yuav muaj feem cuam tshuam rau tej kab mob sib kis, raws li Associate Professor Katie Attwell ntawm tsev kawm qib siab University of Western Australia tshab txhais.
Nws hais tias “Vim rau qhov lwm tus neeg cov kev hno tshuaj vaccine no kuj muaj feem ua rau peb yuav muaj peev xwm kis tau kab mob thiab.”
Kab mob qoob yog tus mob kis coob tshaj plaws rau tej me nyuam yaus. Tab sis yog thaum ib lub zejzog twg hno tshuaj vaccine ntau ces kuj yuav muaj peev xwm pov puag tau tej neeg thiab. Source: Moment RF / Witthaya Prasongsin/Getty Images
“Yog tias muaj tej pej xeem tau hno tshuaj vaccine txog 95 feem pua tiv thaiv tus mob qoob no lawm muaj peev xwm tiv thaiv lawm, ces yuav tsis kis tus kab mob no ntawm tej zejzog lawm. Tab sis yog muaj neeg hno tsawg tshaj ntawd ces tej zaum kuj yuav muaj tus mob no rov qab pib sib kis thiab.”
Associate Professor Philip Britton ces yog ib tug ua hauj lwm tswj kev noj qab haus huv rau tej me nyuam yaus thiab tej hluas (10-24 xyoos) ntawm tsev kawm qib siab University of Sydney.
Nws hais tias Australia cov program hno tshuaj vaccines yog ib co uas siv tau zoo tshaj plaws coj los pov puag kom tsis txhob kis tej mob uas pheej kis rau tej me nyuam thaum tseem yau li tau kis rau yav tag los, los yog tseem muaj kis rau qee cheeb tsam hauv ntiaj teb no.
“Tej kab mob no ces yog tej mob li ua qoob, kab mob ua pa tsis yooj yim thiab plawv dhia tsis xwm yeem li hnoo tsis paub tu. Los yog qee yam mob li chickenpox uas yav tag los sib kis tau yooj yim heev rau tag nrho tej me nyuam yaus, thiab muaj ib txhia uas kis tau tus mob no ces yuav mob sab heev.
“Txawm 20 xyoo dhau los lawm los, yeej muaj tus kab mob rotavirus uas tau ua rau tej me nyuam yaus raws plab sab heev. Thiab tam sim no ces peb yeej muaj tej tshuaj vaccine hno tiv thaiv tus mob no ntawm Australia lawm.''
Daim duab uas muaj ib tug lees kais neeg txum tim thiab tej me nyuam ntxhais thiab me nyuam tub kawm ntawv tab tom zaum noj su ntawm ib lub rooj Credit: JohnnyGreig/Getty Images
Tshab txhais txog tej cai ‘No Jab, No Pay’ thiab ‘No Jab, No Play’
Lub tuam chav tswj dej num noj qab haus huv thiab tu tsom kwm tej laus (Department of Health and Aged Care) yeej tau tsim ib co sij hawm tsim nyog hno tshuaj vaccines dawb rau tej me nyuam yaus mus txog ntua rau thaum lawv muaj hnoob nyoog 20 xyoo.
Thiab raws li tsoom fwv teb chaws tsab cai ‘No Jab, No Pay’ policy teev tseg ces tej niam txiv yuav tsum tau coj lawv tej me nyuam mus hno tshuaj raws li tej caij hno mas thiaj yuav tau cov nyiaj pab cuam family assistance payments.
Lub koom haum Services Australia yog lub tswj cov hauj lwm them nyiaj no li yuav them cov nyiaj Family Tax Benefit thiab Childcare Subsidies.
“Txhais tias peb yuav tsis them tej nyiaj no rau nej txog rau thaum nej xub mus thov, los yog nej tsis coj tej me nyuam mus hno tshuaj vaccines raws li tej caij hno, ces tej zaum peb yuav xaus tsis them tej nyiaj no rau nej los yog yuav tso tseg ntau cov kev pab cuam rau nej,'' raws li Justin Bott uas yog tus Community Information Officer ua hauj lwm rau lub koom haum Services Australia hais.
Thaum uas koj mus thov tej nyiaj no ces lub koom haum Services Australia yeej muaj peev xwm txheeb tau koj tej me nyuam cov kev hno tshuaj vaccine lawm.
Mr Bott tshab txhais tias “Thaum koj thov cov nyiaj pab hu ua family tax benefit los yog childcare subsidy, ces peb yuav nug koj qhia koj tus me nyuam tej xov xwm Medicare.''
Lub koom haum Australian Immunisation Register ces yeej yog ib lub koom haum uas teev tej neeg cov kev hno tshuaj vaccines ntawm teb chaws Australia, tsis hais cov kev hno tshuaj vaccine nrog cov National Immunisation Program, tej school programs los yog cov kev hno tshuaj vaccine ntiav.
Thiab cov kev hno tej tshuaj no yeej sib txuas tau kiag nrog yus cov Medicare thiab tsuas yog tej koom haum muaj cai hno tshuaj thiaj kho tau tej xov xwm no piv txwv li ib tug kws kho mob (General Practitioner - GP) los yog zejzog ib lub koom haum kho mob.
Mr Bott hais tias thiab yog tias koj tus me nyuam tau hno tej tshuaj vaccines ntawm lwm lub teb chaws tab sis ho tsis muaj ntaub ntawv teev tseg, ces koj muaj peev xwm nrog ib tug neeg kho mo tham kom taw qhia seb yuav ua li cas rau kauj ruam tom ntej.
“Tab sis yog tias yus muaj tej ntaub ntawv hno tshuaj lawm, ces tsuas yog coj mus rau yus tus kws kho mob, ces tus neeg ntawd ces lawv mam li teev tej xov xwm ntawd nrog rau lub koom haum Australian Immunisation Register rau yus.”
Thiab yog tias yus tus me nyuam cov ntawv hno tshuaj vaccine ho sau ua lwm yam ntawv uas tsis yog ntawv Askiv, ces lub koom haum Services Australia muaj peev xwm pab coj mus txhais rau yus.
Cov kev hno tshuaj vaccine rau me nyuam kuj muaj pab pov puag tej neeg lwm tus neeg uas yuav kis tau kab mob yooj yim ntawm tej me nyuam yaus li me myuam mos liab yug tshiab thiab tej neeg mob uas lub cev tsis muaj zog. Source: Moment RF / Alan Rubio/Getty Images
Thiaj tsim nyog tej niam txiv txheeb tias seb puas muaj tej cai no siv ntawm yus tej xeev, vim rau qhov yeej muaj tej cai no sib txawv thiab.
Professor Atwell tshab txhais tias ntawm xeev Western Australia, Victoria, New South Wales, thiab South Australia, ces tsab cai ‘No Jab, No Play’ policy yeej siv muaj ntsis zoo sib xws.
“Koj yuav tsum muaj daim ntawv teev txog koj tus me nyuam cov keeb kwm hno tshuaj vaccines mas thiaj muaj cai teev zwm npe siv, thiab daim form (daim ntawv) ntawd yuav tsum qhia tau tais koj tus me nyuam yeej tau hno tej tshuaj vaccine tsim nyog hno lawm los sis yog seb raug zam tsis tas hno tab sis yeej muaj ib co ntsiab cai teev sib txawv siv ntawm tej xeev, los yog tseem yuav tau hno ntxiv kom txwm.''
Thiab raws li Professor Britton hais ces tsuas muaj 2 yam lawj thawj tseem ceeb uas zam rau ib tug me nyuam tsis tas hno tshuaj vaccines xwb.
Thiab vim rau qhov tias yav tag los ces thaum hno tej tshuaj vaccines ces pheej hno tsis haum, thiab pheej ua rau fab, los yog tus neeg ntawd lub cev tsis muaj zog ces thiaj tsis hno xwb.
Professor Britton tshab txhais tias “Yeej muaj ib co tshuaj vaccines ces yeej siv cov kab mob viruses uas muab laum kom tsis muaj zog lawm, tab sis tseem tsis tau tuag coj los ua tshuaj vaccines siv, ces yog tias tus neeg ntawd lub cev tsis muaj zog ces tsis tsim nyog yuav hno hom tshuaj vaccine no rau nws, vim rau qhov nws cov immune system yuav tsis muaj peev xwm tawm tsam nrog tej tshuaj vaccines ntawd.''
Yog tias koj tus me nyuam muaj ib yam mob sib chab sib chaws heev, ces koj muaj peev xwm sab laj txog lawv xub ke hno tej tshuaj vaccines nrog rau ib tug neeg kho mob uas yus ntseeg siab tau. Credit: The Good Brigade/Getty Images
Prof Attwell thiaj taw qhia tej niam txiv uas muaj tej lus nug txog tej me nyuam cov kev hno tshuaj vaccine kom mus txheeb tej xov xwm uas muaj pov thawj qhia tau qhov tseeb ntawm lub vas sab , uas lub koom haum yog tus lis.
“Txawm li cas los yeej piv tsis tau qhov yus zaum tsaws nrog ib tug kws kho mob tham kiag.''
Thiab yus yeej muaj peev xwm hais kom yus tus kws kho mob (GP) xa yus mus ntsib kiag ib tug kws paub zoo txog cov kev hno tshuaj vaccine ntawm lub clinic uas paub zoo txhob tej tshuaj no.
Tab sis qhov kawg ces Professor Atwell hais tias, ib tug neeg kho mob uas yus ntseeg siab yog tus neeg zoo tshaj plaws uas yus sab laj txog yus tej kev txhawj xeeb txog cov kev hno tshuaj vaccine rau yus tus me nyuam.
“Ces thiaj xav kom nrhiav tus neeg kho mob uas yus swm thiab muaj kev sib raug zoo nrog, kom yus thiaj mloog tias tau txais kev nyab xeeb nug tej lus nug thiab tau tej lus teb uas qhia qhov tseeb rau yus.”
Txheeb tau haiv neeg Australia no thiab tej nom tswv xeev tej cai teev txog cov kev hno tshuaj vaccines uas tej chaw zov me nyuam xav tau ntawm .
Txheeb tau tej xov xwm muaj pov thawj qhia tau qhov tseeb tog tej tshuaj vaccines hno tiv thaiv tau tej kab mob uas muaj peev xwm tiv thaiv tau los yog lwm yam cuam tshuam txog cov kev hno tshuaj vaccines rau tej me nyuam ntawm lub vas sab .
Subscribe los caum qab mloog tej xov xwm kaw ua suab hu ua Australia Explained kom tau tej xov xwm tseem ceeb ntau yam thiab tej tswv yim ntau yam pab kom koj ua tau lub neej tshiab ntawm tb chaws Australia.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxivntawm ,,
kom koj mloog tau SBS Hmong.
