Xov xwm luv tshaj tawm hnub zwj Feej (Wednesday news 27.11.2024):
Tau muaj ib pawg neeg txiav txim plaub ntug tau phua txim txhaum rau tus tub ceev xwm Kristian James Samuel White uas nws tau siv rab phom tua hluav taws xob laum tus poj niam Clare Nowland ntawm lub tsev laus Yallambee Lodge sab qab teb NSW lub zos Cooma lub 5 hlis ntuj xyoo 2023, ces tej zaum thiaj yuav raug kaw tsev laj cuj ntev.
Senator Fatima Payman uas yog ib tug neeg Australia yug ntawm Pakistan tau hais tias Pauline Hanson yog ib tug neeg ntxub ntxaug tsis nyiam lwm tus neeg tom qab uas nws xav nrhiav xub ke tshuaj ntsuam senator Fatima cov kev txiav tsis ua pej xeem txawv teb chaws ua ntej yuav ua nom ntawm tsev tsoom fwv. Vim tus nom ntawm pab nom One Nation no hais tias Paymen tseem tsis tau qhia pov thawj txaus.
Hnub tim 27.11.2024 sij hawm 1 pm AEDT no ces Mekas kuj tau pab kom xau tsov rog ntawm Israel thiab Hezbollah lawm, uas hais kom Hezbollah tawm ntawm ciam teb Lebanon npuab Israel. Meskas tus president Joe Biden hais tias yog cov kev xaus tsov rog ruaj.
Ukraine tej nom tswv qhia tias Russia tau xa 188 lub drones mus tua nws thiab tau tsim kev puas tsuaj loj rau nws tej haus paus txhim kho tseem ceeb ntawm cheeb tsam Ternopil uas tsis tau hluav taws xob siv thiab ntau lub tsev puas ntawm Kyiv, tab sis Ukraine kuj txais tau 76 lub lawm.
Senator Andrew Wilkie uas yog ib tug nom ywj pheej qhia tias tom qab uas nws tau ua ib cov kev teeb txheeb lawm ces nws kuj tau thim tsis txhawb nqa tsoom fwv Labor tsab cai txwv tsis pub Australia tej me nyuam hnoob nyoog qes dua 16 xyoo siv social media vim yog tej yam tsis zoo rau nws ob tug ntxhais nto nkauj thiab peb tug tub niam coj los uas nto nraug.
Kon Karapanagiotidis uas yog tus coj lub koom haum Asylum Seeker Resource Centre hais tias tsoom Labor tsab cai migration bill yog ib tsab cai lim hiam. Nws hais tias ''Tsoom fwv Labor tab tom tsis kub siab txog tej zejzog coj ntseeg ntau yam kab lis kev cai, tawm tsam peb tej txhooj cai tswj haiv, tawm tsam nrog High Court cov kev txiav txim siab thiab ua kom tej neeg ntshai thiab ua kom tej neeg tsis nyiam cov kev tsiv teb tsaws chaws.''
Nom tswv New South Wales lub tuam chav tswj dej num noj qab haus huv tau ceeb toom tias huab cua yuav kub sov txog 30 tawm degree. Thiab yuav muaj huab cua sov txog li 34 degree raws cov ntug hiav txwv ntawm Sydney thiab tej zaum kuj yuav kub txog 39 degree ntawm Western Sydeny. Nom tswv thiaj hais kom tej neeg ceev faj tsam huab cua kub sov ua rau muaj mob nkeeg thiab raug kev phom sij rau txoj sia.
Kuj tau muaj cov kev nqua hu kom Australia tej coj kub siab txog ib co tswv yim daws cov teeb meem faib cais ntxub ntxaug tsis nyiaj lwm tsav neeg li los kho tej cai lij choj. Lub koom haum Australian Human Rights Commission tsab ntawv cej luam anti-racism report thiaj hais tias yog ib co tswv yim ntxaws tshaj plaws ntawm haiv neeg no tej keeb kwm yuav coj los siv daws t ej teeb meem no.
Tub ceev xwm hauv Nplog teb kuj tau muab 8 tus neeg txhom coj mus nug rau lub caij uas tseem tshuaj ntsuam tej xwm txheej uas xav tias tau muaj 6 tus neeg ntoj ncig pej kum haiv tas sim neej uas tej zaum cuam tshuam nrog cov taug methanol ntawm ib tsev tos qhua ntawm Vang Vieng. Ces tej neeg no thiaj yog neeg Cob tsib tag nrho suav tus manager thiab 7 tus neeg ua hauj lwm ntawm lub tsev tos qhua no.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau los yog caum
