ਮੈਲਬੌਰਨ ਵਿਕਟਰੀ ਆਸਟ੍ਰੇਲੀਆ ਦੀ ਕੌਮੀ ਲੀਗ ਵਿੱਚ ਖੇਡਣ ਵਾਲੀ ਪ੍ਰਮੁੱਖ ਸਾਕਰ ਟੀਮ ਹੈ।
ਇਸ ਟੀਮ ਵਿੱਚ ਖੇਡਣ ਵਾਲੇ ਬਹੁਤ ਸਾਰੇ ਖਿਡਾਰੀਆਂ ਦੀ ਪਨੀਰੀ ਸਥਾਨਿਕ ਪੱਧਰ ਉੱਤੇ ਵੱਖੋ-ਵੱਖਰੇ ਪੱਧਰ 'ਤੇ ਚਲਾਈ ਜਾਂਦੀ ਅਕੈਡਮੀ ਵਿੱਚ ਤਿਆਰ ਕੀਤੀ ਜਾਂਦੀ ਹੈ।
ਹਾਲ ਹੀ ਵਿੱਚ ਇਸਦੀ ਪਰੀ-ਅਕੈਡਮੀ ਵਿਚਲੇ 80 ਖਿਡਾਰੀਆਂ ਵਿਚੋਂ 18 ਖਿਡਾਰੀ ਅਗਲੇ ਗੇੜ ਲਈ ਚੁਣੇ ਗਏ ਹਨ ਜਿਨ੍ਹਾਂ ਨੂੰ ਮੁਖ ਟੀਮ ਵਿੱਚ ਸ਼ਾਮਿਲ ਹੋਣ ਲਈ ਸਿਖਲਾਈ ਦਿੱਤੀ ਜਾਣੀ ਹੈ।
ਪੰਜਾਬੀ ਖਿਡਾਰੀ ਜਹਾਨ ਸੰਘੇੜਾ ਇਹਨਾਂ ਖਿਡਾਰੀਆਂ ਵਿੱਚੋਂ ਇੱਕ ਹੈ ਜੋ ਇਸ ਕਲੱਬ ਦੀ ‘ਸਖ਼ਤ ਅਤੇ ਚੋਣਵੀਂ’ ਪ੍ਰਕਿਰਿਆ ਵਿੱਚੋਂ ਅੱਗੇ ਪਹੁੰਚਿਆ ਹੈ।
ਉਸਦੀ ਇਸ ਚੋਣ ਉੱਤੇ ਉਸਦੇ ਪਿਤਾ ਸਤਿੰਦਰ ਸੰਘੇੜਾ ਨੇ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ ਹੈ।
Jahan Sanghera with his father Satinder Sanghera Source: Supplied
ਐਸ ਬੀ ਐਸ ਨਾਲ ਗੱਲ ਕਰਦਿਆਂ ਉਨ੍ਹਾਂ ਕਿਹਾ ਕਿ ਜਹਾਨ ਦਾ ਇਸ ਕਲੱਬ ਲਈ ਫੁਟਬਾਲ ਖੇਡਣ ਦਾ ਸੁਪਨਾ ਸੀ ਜੋ ਹੁਣ ਪੂਰਾ ਹੋ ਰਿਹਾ ਹੈ।
"ਇਹ ਅਕੈਡਮੀ ਵੱਖੋ-ਵੱਖਰੇ ਭਾਈਚਾਰਕ ਕਲੱਬਾਂ ਵਿੱਚੋਂ ਛੋਟੀ ਉਮਰ ਦੇ ਖਿਡਾਰੀ ਚੁਣਦੀ ਹੈ ਜਿੰਨਾ ਨੂੰ ਬਹੁਤ ਹੀ ਵਧੀਆ ਸਾਧਨਾਂ ਦੇ ਚਲਦਿਆਂ ਸਿਖਲਾਈ ਦਾ ਮੌਕਾ ਮਿਲਦਾ ਹੈ।“
“ਇਹ ਸਾਡੇ ਪਰਿਵਾਰ ਅਤੇ ਸਿੰਘ ਸਭਾ ਸਪੋਰਟਸ ਕਲੱਬ ਨਾਲ਼ ਜੁੜੇ ਸਾਰੇ ਲੋਕਾਂ ਲਈ ਮਾਣ ਵਾਲ਼ੀ ਗੱਲ ਹੈ,” ਉਨ੍ਹਾਂ ਕਿਹਾ।
ਉਨ੍ਹਾਂ ਦੱਸਿਆ ਕਿ ਜਹਾਨ ਨੇ ਆਪਣੇ ਸਕੂਲ ਵਿੱਚੋਂ ਹੀ ਬਹੁਤ ਹੀ ਛੋਟੀ ਉਮਰੇ ਸਾਕਰ ਖੇਡਣਾ ਸ਼ੁਰੂ ਕਰ ਦਿੱਤਾ ਸੀ।
Jahan Sanghera during his trip to England. Source: Supplied
ਉਹ 2013 ਤੋਂ 2015 ਤੱਕ ਸੌਕਰ ਪ੍ਰੋ ਅਕੈਡਮੀ, 2015 ਤੋਂ 2016 ਤੱਕ ਪੁਆਇੰਟ ਕੁੱਕ ਸੌਕਰ ਕਲੱਬ, 2017 ਤੋਂ ਅਲਟੋਨਾ ਸਿਟੀ ਸੌਕਰ ਕਲੱਬ, 2018 ਤੋਂ ਟੋਟਲ ਫੁਟਬਾਲ ਅਕੈਡਮੀ ਤੇ ਗਰੀਨ ਗਲੀ ਸੌਕਰ ਕਲੱਬ ਲਈ ਵੀ ਫੁਟਬਾਲ ਖੇਡਦਾ ਰਿਹਾ ਹੈ।
2019 ਵਿੱਚ ਉਸਦੀ ਚੋਣ ਮੈਲਬੌਰਨ ਵਿਕਟਰੀ ਦੀ ਪ੍ਰੀ ਅਕੈਡਮੀ ਲਈ ਹੋਈ ਸੀ ਜਿਸ ਪਿੱਛੋਂ ਉਸਨੇ ਕਦਮ ਵਧਾਉਂਦਿਆਂ ਹੁਣ ਅਗਲੇ 18 ਵਿੱਚ ਜਗਾਹ ਬਣਾਈ ਹੈ।
ਸੰਘੇੜਾ ਪਰਿਵਾਰ ਉਨੀ ਸੌ ਸੱਤਰਵਿਆਂ ਦਰਮਿਆਨ ਪਰਵਾਸ ਕਰ ਕੇ ਭਾਰਤ ਦੇ ਪੰਜਾਬ ਸੂਬੇ ਤੋਂ ਆਸਟ੍ਰੇਲੀਆ ਆਇਆ ਸੀ।
Jahan Sanghera started playing soccer under the guidance of his father. Source: Supplied
ਫੁੱਟਬਾਲ ਤੇ ਕਬੱਡੀ ਵਿਚਲੀਆਂ ਰੁਚੀਆਂ ਦੇ ਚੱਲਦਿਆਂ ਪਰਿਵਾਰ ਦੇ ਕਈ ਮੈਂਬਰ ਖੇਡਾਂ ਨਾਲ ਹਮੇਸ਼ਾਂ ਤੋਂ ਜੁੜੇ ਰਹੇ ਹਨ।
"ਅਸੀਂ ਆਪਣੇ ਆਪ ਨੂੰ ਬੜੀ ਕਿਸਮਤ ਵਾਲੀ ਮੰਨਦੇ ਹਾਂ ਕਿ ਸਾਨੂੰ ਆਸਟ੍ਰੇਲੀਆ ਵਰਗੇ ਖੂਬਸੂਰਤ ਮੁਲਕ ਵਿੱਚ ਰਹਿੰਦਿਆਂ ਇੱਥੋਂ ਦੇ ਖੇਡ ਕਲਚਰ ਨਾਲ ਜੁੜਨ ਦਾ ਮੌਕਾ ਮਿਲਿਆ।
“ਸਾਡੇ ਲਈ ਇਥੋਂ ਦੇ ਖੇਡ ਮੈਦਾਨ ਭਾਈਚਾਰਕ ਅਤੇ ਮੁੱਖਧਾਰਾ ਵਿੱਚ ਸ਼ਾਮਲ ਆਸਟ੍ਰੇਲੀਅਨ ਲੋਕਾਂ ਨਾਲ ਮੇਲ ਮਿਲਾਪ ਦਾ ਇਕ ਜ਼ਰੀਆ ਬਣਿਆ,” ਉਨ੍ਹਾਂ ਕਿਹਾ।
ਸ੍ਰੀ ਸੰਘੇੜਾ ਨੇ ਦੱਸਿਆ ਕਿ ਉਨ੍ਹਾਂ ਦੇ ਪੁੱਤਰ ਜਹਾਨ ਨੇ ਸਭ ਤੋਂ ਪਹਿਲਾਂ ਸਿੰਘ ਸਭਾ ਸਪੋਰਟਸ ਕਲੱਬ ਲਈ ਖੇਡਣਾ ਸ਼ੁਰੂ ਕੀਤਾ ਤੇ ਉਹ ਅਕਸਰ ਸਿੱਖ ਖੇਡਾਂ ਵਿੱਚ ਵੀ ਸ਼ਮੂਲੀਅਤ ਪਾਉਂਦਾ ਰਿਹਾ ਹੈ।
Jahan Sanghera (orange jersey) Source: Supplied
"ਇਸ ਕਲੱਬ ਦੀਆਂ ਜੂਨੀਅਰ ਟੀਮਾਂ ਵਿੱਚ ਖੇਡਦਿਆਂ ਕਈ ਮਸ਼ਹੂਰ ਸੌਕਰ ਖਿਡਾਰੀਆਂ ਦੀ ਪਨੀਰੀ ਤਿਆਰ ਹੋਈ ਹੈ ਤੇ ਮੈਨੂੰ ਮਾਣ ਹੈ ਕਿ ਜਹਾਨ ਉਨ੍ਹਾਂ ਖਿਡਾਰੀਆਂ ਵਿੱਚੋਂ ਇੱਕ ਹੈ," ਉਨ੍ਹਾਂ ਕਿਹਾ।
ਸ੍ਰੀ ਸੰਘੇੜਾ ਜੋ ਸਿੰਘ ਸਭਾ ਸਪੋਰਟਸ ਕਲੱਬ ਦੇ ਸਾਕਰ ਵਿੰਗ ਨੂੰ ਇੱਕ ਕੋਚ ਵਜੋਂ ਨੁਮਾਇੰਦਗੀ ਦੇ ਰਹੇ ਹਨ, ਨੇ ਦੱਸਿਆ ਕਿ 1990 ਵਿੱਚ ਇਸ ਕਲੱਬ ਦੀ ਸਥਾਪਨਾ ਦਾ ਮੁੱਖ ਮਕਸਦ ਭਾਈਚਾਰੇ ਵਿਚ ਖੇਡ ਕਲਚਰ ਨੂੰ ਪ੍ਰਫੁੱਲਤ ਕਰਨਾ ਸੀ ਤੇ ਉਨ੍ਹਾਂ ਨੂੰ ਖੁਸ਼ੀ ਹੈ ਕਿ ਉਹ ਇਸ ਮਕਸਦ ਵਿੱਚ ਕਾਫੀ ਹੱਦ ਤੱਕ ਕਾਮਯਾਬ ਹੋਏ ਹਨ।
ਇਸ ਸਬੰਧੀ ਹੋਰ ਵੇਰਵੇ ਜਾਨਣ ਲਈ ਸਤਿੰਦਰ ਸੰਘੇੜਾ ਨਾਲ਼ ਕੀਤੀ ਇਹ ਆਡੀਓ ਇੰਟਰਵਿਊ ਸੁਣੋ:
LISTEN TO
‘Proud moment’: Punjabi soccer player Jahan Sanghera handpicked by Melbourne Victory Academy
SBS Punjabi
14/01/202117:45
ਆਸਟ੍ਰੇਲੀਆ ਵਿੱਚ ਲੋਕਾਂ ਨੂੰ ਇੱਕ-ਦੂਸਰੇ ਤੋਂ ਘੱਟੋ-ਘੱਟ 1.5 ਮੀਟਰ ਦੀ ਦੂਰੀ 'ਤੇ ਰਹਿਣਾ ਚਾਹੀਦਾ ਹੈ। ।
ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ
