ਸਿਡਨੀ ਦੀ ਇਨਾਏਆਹ ਮਹਿਜ਼ ਤਿੰਨ ਮਹੀਨੇ ਦੀ ਸੀ ਜਦੋਂ ਉਸਦੀ ਪਹਿਲੀ ਦਿਲ ਦੀ ਸਰਜਰੀ ਕੀਤੀ ਗਈ ਸੀ।
ਉਹ ਜਨਮ ਤੋਂ ‘ਹੀਟਰੋਟੈਕਸੀ ਸਿਨਡਰੋਮ’ ਨਾਲ ਪੈਦਾ ਹੋਈ ਸੀ ਜੋ ਕਿ ਦਿਲ ਦੀ ਦੁਰਲੱਭ ਬਿਮਾਰੀ ਹੈ। ਇਸ ਸਥਿਤੀ ਵਿੱਚ ਦਿਲ ਉਲਟੇ ਪਾਸੇ ਲੱਗਾ ਹੁੰਦਾ ਹੈ ਜਿਸ ਕਾਰਨ ਇਹ ਸਹੀ ਤਰੀਕੇ ਨਾਲ ਕੰਮ ਨਹੀਂ ਕਰ ਪਾਉਂਦਾ।
ਇਨਾਏਆਹ ਦੇ ਮਾਪੇ ਉਸਦੀ ਕਹਾਣੀ ਨੂੰ ਸਭ ਤੱਕ ਇੱਕ ਪ੍ਰੇਰਣਾ ਦੇ ਰੂਪ ਵਿੱਚ ਪਹੁੰਚਾਉਣਾ ਚਾਹੁੰਦੇ ਹਨ।
ਇਨਾਏਆਹ ਦੀ ਕਹਾਣੀ ਦਾ ਜ਼ਿਕਰ ਕਰਦਿਆਂ ਮੈਲਬੌਰਨ ਦੇ ਡਾਕਟਰ ਅੰਗਰਾਜ ਖਿੱਲਨ ਨੇ ਐਸ ਬੀ ਐਸ ਪੰਜਾਬੀ ਨੂੰ ਦੱਸਿਆ ਕਿ ਉਹਨਾਂ ਪੰਜਾਬੀ ਭਾਈਚਾਰੇ ਵਿੱਚ ਅੰਗਦਾਨ ਨੂੰ ਲੈ ਕੇ ਜਾਗਰੂਕਤਾ ਦੀ ਬਹੁਤ ਘਾਟ ਮਹਿਸੂਸ ਕੀਤੀ ਹੈ।
ਇਸੇ ਬਾਬਤ ਉਹਨਾਂ ਵੱਲੋਂ ਮੈਲਬੌਰਨ ਵਿੱਚ ਹਾਲ ਹੀ ‘ਚ ‘ਟ੍ਰਾਂਸਪਲਾਂਟ ਆਸਟ੍ਰੇਲੀਆ’ ਲਈ ਇੱਕ ਫੰਡਰੇਸਿੰਗ ਪ੍ਰੋਗਰਾਮ ਉਲੀਕੀਆ ਗਿਆ, ਜਿਸ ਵਿੱਚ ਵੱਡੀ ਗਿਣਤੀ ‘ਚ ਲੋਕਾਂ ਦੀ ਸ਼ਮੂਲੀਅਤ ਨੂੰ ਦੇਖ ਡਾਕਟਰ ਅੰਗਰਾਜ ਖਿੱਲਨ ਨੇ ਤਸੱਲੀ ਜਾਹਰ ਕੀਤੀ।
few insights of 'Transplant Australia Fundraising Dinner' Event organized by Dr. Angraj Khillan. Credit: Supplied by Dr. Raj Khillan.
ਇਸ ਉਪਰਾਲੇ ਬਾਰੇ ਗੱਲ ਕਰਦਿਆਂ ਡਾਕਟਰ ਅੰਗਰਾਜ ਖਿਲੱਨ ਨੇ ਦੱਸਿਆ ਕਿ ਇਨਾਏਆਹ ਵਰਗੇ ਹੋਰ ਵੀ ਬਹੁਤ ਲੋਕਾਂ ਨੇ ਆਪਣੀ ਕਹਾਣੀ ਸਾਂਝੀ ਕੀਤੀ ਜਿੰਨ੍ਹਾਂ ਦੀ ਜ਼ਿੰਦਗੀ ਅੰਗ ਦਾਨ ਨਾਲ ਪੂਰੀ ਤਰ੍ਹਾਂ ਬਦਲ ਗਈ ਸੀ।
Inayah's Mother Jay sharing the inspiring story of Inayah on stage during 'Transplant Australia' Fundraising dinner at Ultima Event Centre, Melbourne on 11th of May. Credit: Supplied by Raj Khillan.
ਭਾਈਚਾਰੇ ਵਿੱਚ ਅੰਗਦਾਨ ਨੂੰ ਲੈ ਕੇ ਜਾਗਰੂਕਤਾ ਅਤੇ ਪ੍ਰੇਰਣਾ ਦਾ ਇੱਕ ਹੋਰ ਸਰੋਤ ਮੈਲਬੌਰਨ ਰਹਿੰਦੇ ਮਨਮੋਹਨ ਸਿੰਘ ਸਕਸੈਨਾ ਅਤੇ ਉਹਨਾਂ ਦੇ ਪਤਨੀ ਗੁਰਜਿੰਦਰ ਕੌਰ ਹਨ।
ਮਨਮੋਹਨ ਸਿੰਘ ਸਕਸੇਨਾ ਨੇ ਆਪਣੀ ਮੌਤ ਤੋਂ ਬਾਅਦ ਆਪਣੇ ਸ਼ਰੀਰ ਨੂੰ ਮੈਡੀਕਲ ਰਿਸਰਚ ਲਈ ਦਾਨ ਕਰਨ ਲਈ ਸੂਚੀਬੱਧ ਕੀਤਾ ਹੈ ਅਤੇ ਉਹਨਾਂ ਦੀ ਪਤਨੀ ਗੁਰਜਿੰਦਰ ਕੌਰ ਨੇ ਮੌਤ ਤੋਂ ਬਾਅਦ ਆਪਣੇ ਸ਼ਰੀਰ ਦੇ ਅੰਗ ਦਾਨ ਕਰਨ ਦੀ ਸੂਚੀ ਵਿੱਚ ਆਪਣਾ ਨਾਂ ਸ਼ਾਮਲ ਕੀਤਾ ਹੈ।
ਮਨਮੋਹਨ ਸਿੰਘ ਸਕਸੇਨਾ ਅਤੇ ਗੁਰਜਿੰਦਰ ਕੌਰ ਦਾ ਮੰਨਣਾ ਹੈ ਕਿ ਅੰਗ ਦਾਨ ਜਾਂ ਸਰੀਰ ਦਾਨ ਕਰਨ ਨੂੰ ਭਾਈਚਾਰੇ ਵਿੱਚ ਬਹੁਤ ਘੱਟ ਅਹਿਮੀਅਤ ਦਿੱਤੀ ਜਾਂਦੀ ਹੈ ਅਤੇ ਇਸਨੂੰ ਲੈ ਕੇ ਆਮ ਤੋਰ ‘ਤੇ ਬਹੁਤ ਸਾਰੇ ਵਹਿਮ ਤੇ ਭਰਮ ਵੀ ਦੇਖਣ ਨੂੰ ਮਿਲਦੇ ਹਨ।
ਹੋਰ ਵੇਰਵੇਆਂ ਲਈ ਆਡੀਓ ਇੰਟਰਵਿਊ ਇੱਥੇ ਸੁਣੋ:
ਸੋਮਵਾਰ ਤੋਂ ਸ਼ੁੱਕਰਵਾਰ ਸ਼ਾਮ 4 ਵਜੇ ਸਾਡਾ ਪੰਜਾਬੀ ਪ੍ਰੋਗਰਾਮ ਐਸਬੀਐਸ ਸਾਊਥ ਏਸ਼ੀਅਨ 'ਤੇ ਸੁਣੋ।
LISTEN TO
ਅੰਗ ਦਾਨ ਪ੍ਰਤੀ ਭਾਈਚਾਰੇ ਨੂੰ ਜਾਗਰੂਕ ਕਰਨ ਦੀ ਇੱਕ ਕੋਸ਼ਿਸ਼
SBS Punjabi
21/05/202411:45
