Raws li Ee-Lin Chang ntawm lub koom haum Family Planning Australia hais ces yeej muaj ntau yam tseem ceeb ntawm cov kev qhia txog poj niam txiv neej lub cev thiab cov kev daj dee ntxaws.
Nws tau hais tias "Tsis yog tham txog cov kev sib deev nkaus xwb tab sis yeej tham txog ntau yam kab mob kas cees (Sexual Transmitted Infections (STIs)) thiab cov kev tiv thaiv kom tsis txhob muaj me nyuam thiab. Dua ntawd los kuj qhia txog cov kev yeem, thiab cov kev totaub txog cov kev xaiv, thiab nkag siab tias zoo li cas thiab.''
Tab sis nws yeej tau lees paub tias tej zaum tej niam txiv yuav txhawj xeeb txog tej uas qhia rau lawv tej me nyuam thiab.
Ms Chang tau qhia rau SBS Examines tias "Yeej muaj ntau yam kev txhawj xeeb ntawm tej niam txiv sib txawv ntau yam.''
"Piv txwv tias tej niam txiv pheej nug tias tej sob kawm no puas yuav ua rau kuv tus me nyuam mus sib deev?''
Ms Chang tau hais tias tej sob kawm sexuality education ces yeej raug tsim tsi ntsees kom haum raws li tej tub kawm tej kab lis kev cai thiab hnoob nyoog (Qhia rau tej me nyuam thiab tej hluas kom muaj kev paub, txuj ci, cov kev xav, thiab tej kev coj zoo uas yuav pab kom lawv totaub, muaj kev fwm lwm tus, thiab tsim cov kev sib raug zoo nrog lwm tus raws li ntiaj teb lub koom haum noj qab haus huv qhia) qhia rau tej me nyuam — tab sis tsis tsim nyog yuav zais tsis qhia ib co xov xwm dab tsi.
"Ces thiaj yuav tau xyuas kom muaj peev xwm npaj tau tej sob kawm no raws li tej neeg xav tau thiab lees paub txog ib tug neeg ntiag tug twg, lawv tej kab lis kev cai, kev ntseeg uas yog ib feem ntawm lawv tej kev xav.''
Raws li Dr David Rhodes uas yog ib tug neeg qhia ntawv ntawm lub tuam chav kev kawm ntawm tsev kawm qib siab Edith Cowan University hais ces cov Sex ed ntawm Australia no tseem yog ib co uas “yeej tseem siv tsis tau zoo txaus”.
Nws thiaj hais tias tej txhooj cai qhia ntawv yeej tseem tsis meej thiab ua rau muaj kev to taub sib txawv.
Dr Rhodes tau hais tias "Peb yeej tsis qhia ntau yam zoo tib yam rau tag nrho txhua tus tub kawm los yog tej hluas ntawm Australia, thiab peb yeej tsis muaj tib co xov xwm los yog tib co khoom rau lawv.''
Nws tau hais ntxiv tias tej hluas yeej tau nrhiav lwm qhov kom tej tau ntau yam lus nug txog sex thiab sexuality, thiab tej zaum kuj yuav tig mus siv tej vas sab liab qab uas tsis tsim nyog siv los yog mus sib tham hauv tej chat rooms.
Txawm muaj cov kev txwv tsis xav pub tej hluas tham txog cov kev sib deev, los nws hais tias cov kev tau kawm kom paub zoo txog sexuality education yog tej yam tseem ceeb.
"Tej sob kawm no yog tej yam tseem ceeb rau ib tug neeg twg lub cim thawj thiab pab kom muaj txoj kev sib raug zoo nrog lwm tus ... ces peb thiaj yuav tau ua tib zoo xyuas kom pab tau tej me nyuam uas peb tu saib xyuas lawv kom tau raws li qhov lawv xav tau.''
Ces toom xov xwm SBS Examines no thiaj yuav txheeb txog sex education ntawm Australia.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
