Xov xwm luv tshaj tawm hnub zwj Feej (Wednesday news 23.10.2024):
Antony Blinken uas yog Mekas tus nom txawv teb chaws tau hais kom Israel xyaus kom tso tau tej neeg raug Hamas txhom thiab xaus tsov rog Gaza war.
Senator Lidia Thorpe tiv thaiv nws cov kev tawm tsam tsis pom zoo nrog huab tais Charles ntawm Canberra tias tsuas yog ib cov kev qhia txog qhov tseeb xwb. Vim tej neeg txum tim tau nqua hu tau ntau caum xyoo tab sis tseem tsis tau muaj treaty, thiab lawv xav tau kev thaj yeeb.
Tej xov xwm txhiab tau ntawm lub koom haum Redfern Legal Centre qhia tias tub ceev xwm New South Wales tau mus tshawb tej neeg ntawm tej chaws nres thiab caij tsheb ciav hlau yuav laug txog 900 zaus txij xyoo 2019 txog 2024 feem ntau yog tshawb neeg txum tim.
Australia tus nom tswj cov hauj lwm Defence Industry tau qhia tias Australia tau sib khom pom zoo nrog Meskas thiab siv nyiaj $7 billion yuav ob hom foob pob li Standard Missile 2 Block IIIC (SM2 IIIC), thiab Standard Missile 6 (SM6).
Txij xyoo 2025 mus ces Australia yuav siv ib co tswv yim tshiab los tswj kom tau txais kev nyab xeeb rau tej neeg mus siv online li tej neeg saib duab liab qab tej vas sab thiab twv txiaj hauv online yuav tau qhia lawv hnoob nyoog tiag.
Meskas tseem tab tom tshuaj ntsuam ib co xwm txheej uas muaj ib pawg neeg txhawb nqa Iran tau coj ob tsab ntawv Meskas tej neeg soj xwm mus txheeb txog Israel tej tswv yim yuav tawm tsam Iran tso hauv Telegram seb puas muaj tseeb tom qab CNN thiab Axios tau xub cej luam txog tej xwm txheej no. Pentagon qhia tias nws paub txog cov kev cej luam no tab sis tsis tawm tswv yim dab tsi. Israel tej tub rog los kuj tsis tawm tswv yim dab tsi thiab.
Tub ceev xwm tau txhom thiab tsub txim rau 8 tus neeg ua lagluam luam yeeb txhaum cai uas tau nyiaj tshaj $30 million thaum tej neeg no teeb tsa khw muag, ntiav neeg ua hauj lwm thiab ua txoj dab tias cov kev xa luam yeeb tsuas yog xa tej kob thaj los sis khoom noj qab zib xwb.
Nom tswv Australia thiab New Zealand tau sib ntsib thiab sab laj txog kab mob qaib tuag aws uas tau ua rau muaj teeb meem rau tej qe, tej qaib mob thiab tuag. Tab sis Tanya Plibersek uas yog tus nom tswj dej num ib puag ncig yeej qhia tias tau npaj tswv yim los tiv thaiv thiab pov puag tej xwm txheej no lawm.
Tsoom fwv teb chaws tseem yuav tsim cov code of conduct tshiab los siv tswj tej baby formula products uas haub tau yaum muag ntawm teb chaws Australia no rau tej me nyuam txij yug los txog 1 xyoos coj los hloov cov voluntary thiab self - regulated code of conduct uas siv tam sim no, vim tseem tsis tau muaj cov kev rau txim, nplua rau tej neeg yuam cai los yog tswj tej digital markets los yog daws tej teeb meem cua ntawm cov kev haub tau yaum muag tej khoom no.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
