Xov xwm luv tshaj tawm hnub zwj Feej (Wednesday news 18.09.2024):
Txij hnub zwj Quag (Tuesday tim 17.09.2024) mus ces yuav siv qee cov kev txwv rau tej hluas nyuam qhuav nto nkauj nto nraug uas muaj hnoob nyoog qes dua 18 xyoo tej Instagram accounts li yuav xyuas kom lawv tej account yog cov private account, tsis pub siv tau cov messaging yooj yim, yuav txwv tias pub lawv siv ntev npaum li cas thiab yuav siv cov sleeping mode uas tua kom lawv tsis txhob tau saib ntev rau ntawm ib txhia teb chaws li Australia, Askiv, Canada thiab Meskas.
Cov tub rog Hezbollah tau cog lus tias nws yuav pauj kev chim tom qab uas tau liam tias yog tim Israel tau siv cov pagers ua rau muaj neeg tas sim neej yam tsawg li 9 leeg thiab raug mob tshaj 3,000 tus thoob Lebanon thiab ntau thaj chaw ntawm Syria.
Meskas tej neeg ua hauj lwm soj xwm qab rooj qhia tias lawv yeej paub txog Mr Elon Musk tej lus tawm tswv yim tso dag hauv X (Twitter) uas nws tau muab lwv lawm tias 'ua li cas thiaj tsis muaj neeg tua President Biden thiab nws tus lwm coj Kamala Harris li' tom qab tau muaj neeg tib tias tsam nws tej lus ua rau tej neeg caum nws yuav tsim kev kub ntxhov. Ua ke no los Donald Trump uas yog Meskas tus qub coj dhau los thiab JD Vance tau liam tias yog tim tsoom fwv Biden thiaj ua rau muaj tej xwm txheej kub ntxhov uas ib tug txiv neej xav muab Mr Trump tua.
Adam Bandt uas yog tus coj ntawm pab nom Greens tau hais tias tau liam tsoom fwv Albanese tias nws tsis kub siab los sib khom kom daws nws tus daws tau tej teeb meem vaj tse ntawm teb chaws Australia rau lub caij nws tsis muaj peev xwm tsim tau nws ob tsab cai Help to Buy and Build to Rent hauv tsev tsoom fwv vim pab nom Greens thiab Coalition tsis pom zoo. Mr Bandt thiaj tau hais tias ''dua ntawm qhov nws pheej tsis kam nrog pab nom Greens sib khom kom daws tau tej teeb meem no, tsim nyog nws yuav tau tsis txhob txo se rau tej neeg tuam los pav tsim vaj tse nplua nuj, thiab tsis txhob pub nce nqe ntiav tsev los yog siv tej nqe ntiav tsev li qub rau ib ntus twg thiab yuav tsum tau kub siab tiag tiag los nqes peev tsim kom tau vaj tse rau zej tsoom nyob li tej hauj lwm nws pab zej tsoom them nqe hluav taws xob.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
