Xov xwm luv tshaj tawm hnub zwj Feej (Tuesday news 25.09.2024):
Meskas tus president Joe Biden tau hais lus rau ntiaj teb tsoom theej tswj ntawm UN tias Russia tsis muaj peev xwm ua rog hauv Ukraine thiab cia siab tias tej zaum tseem yuav muaj peev xwm siv nom tswv los kho Irsarel thiab Hezbollah. Thiab yuav tau tsim kom tau kev thaj yeeb rau Middle East kom thiaj muaj peev xwm daws tau ntau yam teeb meem uas Iran hawv.
Thaib tus huab tais Maha Vajiralongkorn tau kos xyeem mem tes rau Thaib tsab cai same sex marriage laws uas tso cai rau tej neeg LGBTQI+ muaj cai sib yuav tau ua txij nkawm, muaj cai tu me nyuam saws, thiab muaj cai tau tej cuab yeej cuab tam pheej txheej ntawm lawv tej txij nkawm. Ces tom qab 120 hnub thiaj siv tau tsab cai no thiab yuav muaj thawj nkawm txij nkawm yuav sib yuav rau lub 1 hlis ntuj tom ntej no. Thiaj ua rau Thaib yog thawj lub teb chaws ntawm Southeast Asia uas tso cai rau cov neeg same sex sib yuav ua txij nkawm, thiab yog lub teb chaws 3 ntawm Asia uas tso cai rau tej neeg no sib yuav tau.
Reserve Bank of Australia (RBA) los sis yog Australia lub txhab nyiaj faj seeb haiv tau tswj nws tus kab theem paj li qub ntawm 4.35% txog rau thaum lub 11 hlis ntuj (2024) uas pawg tswj yuav rov qab sab laj tso vim tseem pom tias kab theem nyiaj poob nqe tseem tsis tau nyob rau theem raws li nws xav tau.
Tau muaj tej nurses thiab midwives tau mus tawm tsam thoob New South Wales thiab hais kom nom tswv nce nyiaj hauj lwm 15% rau lawv. Ces thiaj ua rau muaj teeb meem rau qee cov elective surgery thiab ncua qee cov neeg mob tej kev kho mob tab sis kuj tseem siv cov life saving care li qub.
Lub koom haum Victoria Ambulance Union yeej lees paub tias ua rau muaj teeb meem rau tej zejzog rau lub caij 1 xyoos 6 hli rau lub tsam thawj tsis muaj kev haum xeeb rau tej nyiaj hauj lwm. Tab sis tom qab muaj cov kev sib khom pom zoo nrog tsoom fwv xeev Victoria lawm ces kuj yuav tau nyiaj hauj lwm yuav laug txog txij li 17 txog 33 feem pua rau tej neeg ua hauj lwm no.
Australia tus thawj pwm tsav Anthony Albanese tau nqua hu kom tej neeg Australia ntawm teb chaws Lebanon kav tsij tawm rau lub caij tseem muaj peev xwm tawm tau thaum uas Israel tseem tawm tsam nrog Hezbollah.
Tsoom fwv Australia kuj tau siv nyiaj txog li 236 million dollars rau cov hauj lwm 10 xyoo li yuav los npaj cov ncej txhos rau tej nug dej coj los ua cov kev ceeb toom tias dej yuav nyab siab npaum li cas.
Tsoom fwv Australia kuj tau siv nyiaj 23 million dollars los tsim ib cov program qhia Australia tej txiv neej hluas thiab me nyuam tub hluas hnoob nyoog txij 18 txog 24 xyoos kom tso tseg tsis txhob coj tej teeb meem tsim kev kub ntxhov thiab tsis txhob siv cov kev yuam deev los tsim kev kub ntxhov rau tej poj niam los daws tej teeb meem kub ntxhov hauv lub cuab yig.
Hais txog cov kev sib tw ncaws pob ces Australia pab poj niam hu ua Matild yuav sib tw ncaws pob 2 zaug nrog teb chaws Brazil. Thawj zaug yog ntawm Brisbane tim 28 lub 11 hlis ntuj (2024) thiab zaum ob ces yog ntawm Gold Coast tim 1 lub 12 hlis ntuj (2024).
Mloog tau hnub zwj Teeb (Thursday) 6 pm, hnub zwj Hnub (Sunday) 11am, los yog koom tau ntxiv ntawm , , thiab . Downloadthiab caum
