Xov xwm luv tshaj tawm hnub zwj Quag (Tuesday news 24.09.2024):
Australia lub tuam txhab khawb roj zeb ntsuam loj tshaj plaws raug tsoom fwv xeev Queensland tib tsis pom zoo rau lub caij tshuav 1 hlis uas yuav muaj cov kev xaiv tsa tsoom fwv xeev.
Tau muaj cov kev nqua hu rau tej neeg yuav khoom siv kom tsis txhob ntseeg tej khw supermarket cov kev dag tias tej nqe txo pheej yig rau tej khoom ntau pua yam yuav tau txais txiaj ntsim rau lub caij ACCC tseem tab tom coj Coles thiab Woolworths mus hais plaub liam tias txhob txwm dag tej nqe muag khoom cuav rau tej customers.
President Joe Biden tau ntsib UAE tus president Sheik Mohamed bin Zayed Al Nahyan ntawm tsev dawb los txhawb nqa cov hauj lwm tiv thaiv thiab kev sib pab ntau yam tswv yim tseem ceeb npaj tseg yuav ua raws.
Israel tau siv siv dav hlau tua Hezbollah tej chaw ntau tshaj ntau txheeb thaj chaw tau ua rau muaj tej neeg raug tua tuag ze txog 500 leej suv 35 tug me nyuam yaus thiab tau yuam kom ntau caum txheeb tus neeg yuav tau tsiv tawm, thiab yog ib co xwm txheej phom sij tshaj plaws rau lub caij ntau caum xyoo rau Lebanon.
Ntshe tej neeg qev nyiaj yuav tsev tseem yuav tau tos ib nyuag ntev zog mam li tau cov kab theem paj pheej yig tom qab uas tau muaj tej neeg tau hauj lwm ntau tshaj qhov tau kwv yees tseg lawm.
Vientiane Times tau tshaj tawm tias Nplog lub tuam chav tswj cai lij choj tau pom zoo nrog lub koom haum cai lij choj ntawm tej zejzog teb chaws Southeast Asian los tsim ib co sob kawm cai lij choj qhia rau Nplog tej tub kawm cai lij choj.
Tuoi Tre News tau tshaj tawm tias Cob Tsib tus coj To Lam tau mus koom ib lub rooj seminar ntawm New York thiab tau qhia tias tej zaum yuav muaj cov kev koom tes rau tej technology vam meej li AI thiab semiconductors ntawm Meskas thiab Nyab laj.
Tej zaum ntshe Alex de Minaur yuav tsis tau mus koom Australia cov kev sib tw Davis Cup vim nws tseem raug mob.
Ua ke no los cov kev sib tw AFL Grand Final ces kuj muaj Brisbane Lion yuav sib tw nrog Sydney Swans ntawm MCG tim 28.9.2024 Saturday sij hawm 2.30 pm AEST.
Mloog tau hnub zwj Teeb (Thursday) 6 pm, hnub zwj Hnub (Sunday) 11am, los yog koom tau ntxiv ntawm , , thiab . Downloadthiab caum
