Xov xwm luv tshaj tawm hnub zwj Quag (Tuesday news 08.10.2024).
Tsoom fwv NSW txhawb nqa kom nws tau nyiaj txog 91 billion dollars los ntawm cov kev ntoj ncig, uas nws tej coj ntseeg tias yuav tsim tau 150,000 txoj hauj lwm, yuav npaj siv ob lub tshav dav hlau ntawm Newcastle thiab Western Sydney pab thiab yuav npaj tsim kom tau tej chav tos qhua txog 40,000 chav ntxiv uas tej nyiaj no yuav xav kom coj mus siv rau tej zog toj siab.
Brett Sonnet uas yog tus kws txiav txim ntawm lub tsev hais plaub Magistrate Court txheeb tau tias Jacob Hersant hnoob nyoog 25 xyoo ua txhaum xeev Victoria tsab cai tsis pub tsa tes hawm Nazi rau hnub tim 27.10.2023 tom qab tau 6 hnub uas lub tseev no tsim tau tsab cai no los siv.
Hnub tim 08.10.2024 no ces yuav muaj tsoom fwv Australia 2 fij dav hlau thaum neeg Australia tawm ntawm Lebanon lub tuam ceeb Beirut rau lub caij Israel tseem tua Hezbullah, uas nom tswv twb tau pab neeg Australia thiab lawv tsev neeg tshaj 1,200 tus thiab muaj 4,000 tus neeg Australia teev npe xav caij fij dav hlau rov qab los rau teb chaws Australia.
Pab nom Labor yuav rov qab coj tsab cai Help to Buy los sab laj hauv tsev tsoom fwv hnub no txawm tias zoo li tsis tau txais kev txhawb nqa ntawm pab nom Greens thiab Coalition. Tsab cai no ces nom tswv yuav qev nyiaj 40 feem pua los pab 40,000 yim neeg Australia yuav tsev nyob rau lub sij hawm 4 xyoos.
Australia tej coj tub rog tiv thaiv teb chaws dhau los ceeb toom tias Australia npaj tsis txhij yuav los daws tej xwm txheej tsis tau txais kev ruaj ntseg uas yuav muaj tau teeb meem los ntawm tej xwm txheej huab cua pauv hloov ua ntej tus coj lub koom haum International Military Council on Climate and Security yuav los hais lus ntawm lub koom haum National Press Club hnub tim 08.10.2024 no.
UN lub koom haum UNHCR uas saib xyuas thiab pab tej neeg thoj nam hais tias tej neeg Syria uas tau tsiv tawm ntawm lawv lub teb chaws 13 xyoos dhau los mus nyob Lebanon vim muaj tsov rog tau rov qab mus rau lawv lub teb chaws rau lub caij Israel tawm tsam nruab ntug ntawm lub teb chaws no. Thiab tsoom fwv Lebanon hais tias muaj tej neeg no coob tshaj 400,000 tus hla ciam teb mus rau lawv lub teb chaws rau lub sij hawm tsawg dua 2 limtiam lo no.
Lub koom haum Asylum Seeker Resource Centre tau coj tsoom fwv teb chaws Australia mus hais plaub vim nws tsis muab tej neeg thoj nam South Sudanese tso tom qab High Court tau hais kom tso.
Kuj tau muaj ntiaj teb thawj lub rooj sab laj hu ua Nature Positive ntawm Sydney uas tej neeg pov puag tej ib puag ncig hais tias yog ib lub cib fim txhawb nqa kom nqes tes los ua ib yam dab tsi thiab los xaus tej teeb meem muaj rau tej nroj tsuag xyoob ntoo thiab tej tsiaj txhu thiab tej ecosystem. Ces thiaj yuav muaj tej coj lagluam, tej nom tswv, tej neeg txawj txeeg, tej koom haum pov puag tej ib puag ncig thiab tej neeg txum tim mus koom.
Tej coj ntawm lub koom haum ASEAN tau mus koom sib tham hauv Nplog teb thiab muab Phab mab cov tsov rog pej xeem los ua ib cov ncauj lug sib tham tseem ceeb. Ua ke no los teb chaws Bangladesh kuj tau nqua hu kom Malaysia uas yuav ua tus tswv cuab tswj lub koom haum no txuas ntxiv hais kom lub koom haum ASEAN no nrog xyuas kom coj tau Phabmab tej neeg thoj nam Rohingya ntawm teb chaws Bangladesh rov qab mus rau teb chaws Phabmab.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download thiab kom koj mloog tau SBS Hmong.
