Yeej Huam Vaj uas yog tus thawj tswj lub koom haum Hmong Culture Brisbane Inc qhia tias muaj ntau yam laj thawj ua rau xav los ua lub koob tsheej txiv hnub 'vim hnub no yog ib hnub tseem ceeb heev, thiab peb yeej tsis ib txwm muaj txiv hnub ntawm peb Hmoob lub neej. Kuv thiaj xav tias niaj hnub no peb yuav tsum tau los ua thiab yoog raws lub teb lub chaw thiab kom peb thiaj noj taus nyob taus.
Peb xav tias txiv yog tus muab roj muab ntshav rau yus, txiv yog tus tu yus da quav da zis, txiv ua tus ua kab ua noog cawm yus ciaj loj hlob. Muab hais los ces txiv zoo tam ntua tus duab ntsa ci rau lub tiaj nrag, txiv yog cov cua rau yus ua pa. Nws zoo tam ntua dej nag yug nroj tsuag hlav.Thawj tswj Hmong Culture Brisbane Inc, Yeej Huam Vaj.
Txawm li cas los Yeej Huam kuj tau qhia ntxiv tias lub hom phiaj tiag ntawm lub koom txoos txiv hnub no ces yog ''Lub koom haum no xav tsim kev lom zem rau zej tsoom sawv daws, los nco txog txiv lub txiaj ntsig, thiab los nrhiav nyiaj txiaj me ntsis npaj txhawm rau lub tsiab peb caug, thiab tsis tas li ntawd los mus npaj qhia ntaub qhia ntawv Hmoob los yog qhia kev cai Hmoob rau peb tsev neeg.''
Hos yog tham txog tej txheej txheem ua lub koob tsheej txiv hnub no ces Yeej Huam hais tias ''yeej muaj ntau yam thiab piv txwv li muag zaug mov noj, muag dej caw, muaj kev rag txuj lom zem li kom tej ntxhais tej tub los qhia tias txiv tseem ceeb npaum li cas, ua cas peb thiaj ua lub koom txoos no rau txiv, muaj ntawv rho txoj hmoo zoo, muaj cov kev xaiv tias leej twg yog tus txiv ntawm lub xyoo, thiab muaj games muaj kev nqua nkauj lom zem rau sawv daws.''
Nws hais ntxiv tias ''peb yog pawg tswj ua nej teeb tsa ces yeej xav kom ua dab tsi los peb koom ua ua ke, thiab noj tib lub peb caug ua ke, kom peb lub zog loj.''
Lo lus xaus uas nws xav hais rau ib tsoom Hmoob ces yog ''txawj nce mus txog ua ke yog zog - thiaj xav kom sawv daws mus koom thiab txhawb nqa tam sim no peb tua ncua rau nyiaj txiaj, kev ceev tuav peb Hmoob txuj ci kev cai dab qhuas los yog peb Hmoob ntaub ntawv, ces lub hom phiaj ntawm lub koob tsheej no ces yog nrhiav nyiaj los pab rau peb tsev neeg Hmoob.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
