Xov xwm luv tshaj tawm hnub zwj Quag (Tuesday news 15.10.2024):
UN tsis pom zoo nrog Israel tom qab nws tau tua Gaza lub tsev kho mob Al-Aqsa ua rau muaj neeg tas sim neej yam tsawg li 4 leeg thiab ua rau muaj hluav taws kub hnyiab ua rau muaj neeg tshaj li 20 tawm leej raug kub hnyiab ntawm lub yeej rub tsev ntaub kaus rau tej neeg tawg tsov rog ua sab ua sua nyob.
Muaj Australia tej cuab yig khwv tau nyiaj tsawg yuav laug txog li ib nrab ntsib teeb meem tsis tau zaub mov ruaj noj thiab tej cuab yig nyob rau tej zos yaj sab thiab cov cuab yig uas muaj tib tug leej niam los sis tib tug leej txi ua tus tab cuab tab yig yog cov raug tej teeb meem no ntau dua raws li lub koom haum Foodbank qhia.
Tsoom fwv Australia tau rau txim nyiaj txiaj thiab txwv tsis pub ntoj ncig rau Iran tus nom tswj dej num tiv thaiv teb chaws, 2 tug coj thiab ib tug nom theem siab ntawm Iran lub tuam txhab Aerospace Industries Organisation uas cuam tshuam txog Iran tej foob pob uas Australia ntseeg tias yuav ua rau tsis tau txais kev ruaj ntseg rau cheeb tsam Middle East thiab zejzog pej kum haiv.
Tau muaj Meskas 3 tug economists yeej khoom plig Nobel Prize rau sab economics rau lawv cov kev teeb txheeb txog tej teb chaws nplua nuj thiab txom nyem uas lawv pom tias yog ib lub teb chaws twg tau txais kev ywj pheej dua, yog lub teb chaws qhib kev dav ces yog cov teb chaws yuav vam meej dua.
Sai sai tom ntej no ces tej zaum nom tswv yuav los txheeb txog cov nqe surcharges uas pheej tsub rau cov kev siv tej debit thiab credit cards rau tej lagluam me thiab tej customers. Tsoom fwv thiaj tau muab nyiaj tshaj AUD 2 million pab lub koom haum Australian Competition and Consumers Comission (ACCC) mus txheeb tej hauj lwm no. Thiab Jim Chalmers uas yog tus nom tswv nyiaj txiaj rau tsoom fwv Australia hais tias tsoom fwv yeej tau npaj yuav txwv tsis pub tsub cov surcharges fees txoj xyoo 2026 rau lub caij tseem sab laj nrog Reserve Bank.
Kuj tau muaj ib cov kev ceeb toom rau tej neeg Australia txog tus kab mob qaib tuag aws uas txhawj tias tsam yuav kis tau rau Australia sai sai no. Ces JamesTrezise uas yog tus coj lub koom haum Biodiversity Council thiaj hais tias tej zaum tus kab mob no kuj yuav tsim tau teeb meem rau tib neeg, txawm tias feem ntau tsuas kis rau tej tsiaj muaj tis thiab tej tsiaj pub mis rau me nyuam xwb.
India thiab Canada nkawv kuj tau ntiab ib lub teb chaws twg tus nom tawm rau lub caij tsis muaj kev haum xeeb cuam tshuam txog cov kev tua tus neeg Sikh hu ua Hardeep Singh Nijjar uas yog ib tug pej xeem rau Canada thiab xav cai ib lub teb chaws rau cov neeg Sikh tom qab Canada tus thawj pwm tsav Justin Trudeau tau hais tias ''yeej muaj pov thawj txaus ntseeg liam'' tias India cov neeg soj xwm qab rooj cuam tshuam nrog cov kev tua tus neeg no.
Tej coj ntawm Australia tej neeg zejzog txum tim hais tias lawv txhawj txog tej xov xwm cuav coj mus tshaj tawm rau lub caij Voice Referendum campaign tsaib no uas tseem muaj teeb meem rau lawv tej zejzog.
Australia tau pab nyiaj AUD 9 million dollars rau Phabmab vim ntsib teeb meem ntau yam txij tau muaj tsov rog pej xeem yuav laug tau 4 xyoos no. Tej nyiaj no yuav siv pab kev kawm, kev kho mob thiab yuav zaub mov, dej haus thiab vaj tse nyob. Thiaj uas rau Penny Wong uas yog Australia tus nom tswj dej num txawv teb chaws hais tias nws txhawj xeeb heev txog tsoom fwv tub rog phab mab tej tub rog cov kev tua neeg thiab tsis hwm tib neeg cai, 'Uas ntseeg tias twb tau muaj tej pej xeem tshaj 5300 tus raug tua tuag thiab ib nrab ntawm lub teb chaws no tej pej xeem txom nyem vim tub rog tsim kev kub ntxhov txij 2021 uas nws tau txeeb nom pej xeem.
Suav tuam tshoj tau xyaum cov tub rog hu ua Joint Sword 2024B ntawm Taiwan Strait thiab sab qaum teb rau sab hnub tuaj ntawm Taiwan tom qab Taiwan tus president tau los hais lus rau hnub National Day tias Suav tuam tshoj tsis muaj cai yuav sawv cev rau nws.
Tony Popovic uas yog Socceroos tus coach ntseeg siab tias nws pab yuav muaj peev xwm sib tw yeej Japan kom qualify mus sib tw World cup. Australia tseem yuav sib tw nrog Japan pab Samurai Blue ntawm lub tshav sib tw Saitama Stadium hmo no (15.10.2024) sij hawm 9.35 pm AEST.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download thiab kom koj mloog tau SBS Hmong.
