Xov xwm luv tshaj tawm hnub zwj Feej (Wednesday news 11.12.2024):
Karen Webb uas yog hau xeev New South Wales hais tias nom tswv yeej tau mus khob ib lub tsev zujzus tej qhov rooj mus nrhiav ob tug neeg uas lawv ntseeg tias yog tus muab ib lub tsheb hlawv ntawm Sydney thiab tau sau ib cov lus tawm tsam teb chaws Israel.
Thawj pwm tsav cov kev cog lus ua ntej yuav muaj cov kev xaiv tsa lub 5 hlis ntuj xyoo 2025 tom ntej no tias yog nws yeej los ua tus tsoom fwv tshiab ces Australia tej cuab yig uas khwv tau nyiaj ib xyoos twg tsawg dua $530,000 yuav tau siv cov free child care 3 hnub.
Dmitry Peskov uas yog tus kis ntawm tsev tsoom fwv Kremlin hais tias cov tsov rog ntawm Ukraine yuav tsis tau xaus txog rau thaum uas Russia ua tau raws li nws tej hom phiaj xav ua tso. Nws hais tias yeej muaj peev xwm siv lub zog tub rog los yog cov kev sib khom kom ua tau tej hom phiaj no.
Raws li lub koom haum Australian Human Rights Commission tau qhia ces xav kom muaj cov kev kho Australia cov yeej kaw neeg ntawm teb chaws no vim rau qhov tau muaj xov xwm cej luam tias tau muaj tej poj niam raug lwm tus hais lus dev rau, raug thab zes, los yog muaj qee zaus ces tseem muab tej poj niam coj mus kaw ze rau ntawm tej txiv neej raug txim yuam deev tej poj niam thiab.
Lub koom haum Football Australia hais tias ze ze rau qhov nws yuav txiav txim siab tias yuav xaiv leej twg los ua Australia pab poj niam sib tw ncaws pob hu ua Matilda tus coach tshiab lawm.
Cricket New South Wales tau qhia tias nws tau tsim cov First National Community Cricket Coaching Workshop uas muaj hom phiaj los pab tej neeg txum tim uas koom cov kev sib tw no muaj tej txuj coaching skills thiab muaj tej txuj ci zoo txog tej neeg sib tw cricket.
UN hais tias nws yeej ua tib zoo xyuas seb Israel uas dab tsi ntawm sab qab teb teb chaws Syria rau lub caij nws tau xa tub rog mus tswj thaj chaw Golan Hdights uas tau txwv tsis pub xa tub rog mus rau tom qab tau xaus tsov rog xyoo 1974 ntawm ob lub teb chaws no. Ua ke no los tej neeg ntawm Syria lub tuam ceeb Damascus kuj tseem ua kev zoo siab tom qab uas lwm pab nom tau txeeb tau Basha al-Assad tus nom thiab nws tau khiav mus rau Russia tom qab uas tau tswj hwm tau 13 xyoos uas muaj tsov rog pej xeem thiab nws tsev neeg tau tswj hwm nruj tsiv tau 60 xyoo.
Tau muaj ntau txheeb tus neeg tau mus rwg npoj tawm tsam sab nraum zoov ntawm Kaus Lim qab teb lub tsev tsoom fwv thiab nqua hu kom rho president Yoon Suk Yeol tawm thiab muab nws txhom. Tsis tas li no los tej kws txiav txim plaub ntug tseem xav txhom lub teb chaws no tus nom tswj dej num tiv thaiv teb chaws thiab liam tias nws koom tes nrog tus president los siv tsab cai martial law. Ces tsev tsoom fwv thiaj pom zoo teeb tsa ib pawg neeg mus tshuaj ntsuam president Yoon rau nws cov kev txiav txim siab siv tsab cai no tab sis tom qab siv tau 6 teev ces kuj tau muab tso tseg tsis siv lawm.
Israel tus thawj pwm tsav Benjamin Netanyahu raug coj mus hais ib rooj plaub ntawm ib lub tsev hais plaub uas liam ib cov txim rau nws tab sis nws tsis lees. Li yuav tsub txim raug lwm tus xiab nyiaj, ua tsis ncaj thiab ua rau zej tsoom tag txoj kev ntseeg siab thiab kev cia siab ntawm 3 lub txim.
Bangkok Post tau tshaj tawm tias Thaib tus lwm qub thawj pwm tsav dhau los hais tias Yingluck Shinawatra yeej muaj peev xwm rov qab mus tau rau teb chaws Thaib tab sis yuav raug txim. Nom tswv Thaib kuj tau liam tias nws tau ua txhaum rau cov kev lwg noj lwg haus ua tsis ncaj rau ib co projects thiab ua rau poob nyiaj ntau rau cov hauj lwm yuav pej xeem Thaib tej nplej.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau los yog caum
