Xov xwm luv tshaj tawm hnub zwj Quag (Tuesday news 22.10.2024):
Niam huab tais Queen Victoria tus pej thuam ntawm Sydney CBD nyob sab nraum lub tsev Queen Victoria Building kuj raug neeg tsuag xim liab rau lub caij uas huab tais Charles thiab niam huab tais Camilla mus xyuas Sydney thiab ntisb fi tej neeg rau hnub kawg uas tuaj xyuas Australia.
Tau muaj ib lub koom haum uas nyiam thiab txhawb nqa huab tais Askiv kuj tau qhia tias lawv tsis ceeb dab tsi rau cov kev tawm tsam rau lub caij huab tais Charles thiab niam huab tais Camilla tuaj xyuas teb chaws Australia. Senator Lidia Thorpe uas yog ib tug nom ywj pheej kuj raug tshaj thoob ntiaj teb rau hnub zwj Hli tom qab nws tau muaj kev cuam tshuam txog cov kev txais tos tsev neeg huab tais no hauv tuam ceeb Canberra thiab nws tau qw tias huab tais Charles tsis yog nws tus huab tais.
Tim 22 lub 10 hli ntuj (2024) no ces tsoom fwv xeev Western Australia tseem yuav los qhia txog cov kev mus txheeb txog nws tej tsoom fwv dhau los cov kev yuam coj tej me nyuam mus rau lwm tus tu ua me nyuam saws. Tej neeg dim ntawm tej xwm txheej no thiaj xav kom tsoom fwv los thov txim raws kev raws cai rau tej xwm txheej no, tim kev pab cuam ua ntuv zus thiab them nyiaj paj tshab pauj thiab kho tej cai tswj ntawv teev yug me nyuam thiab lwm cov xov xwm teev tseg.
Kamala Harris uas yog Meskas tus lwm President thiab yog tus neeg sawv cev rau pab nom Democrats sib tw US President 2024 tau nqua hu kom tej neeg xaiv nom ntawm pab nom Republican kub siab txog Donald Trump tej lus tawm tswv yim vim yuav ua rau muaj teeb meem rau txoj kev tswj hwm democracy, thiab hais kom yuav tsum kub siab txog haiv neeg tej txiaj ntsim ua ntej.
Tej neeg ntawm teb chaws Brzil uas raug tej xwm txheej ib puag ncig puas tsuaj loj tshaj plaws tau coj Australia lub tuam txhab khawb peev txheej BHP mus hais plaub ntawm London lub tsev hais plaub High Court thiab kom them 39 billion pounds rau tej xwm txheej puas tsuaj thaum tej taug ntawm cov kev khawb peev txheej tau tawg nyab los tshoob tej zos thiab ua rau 19 tus neeg tas sim neej.
Israel tej tub rog kuj tau los tiv thaiv nws tej kev txiav txim siab uas tau mus tua ntau thaj chaw ntawm tej zos ntawm Beruit tias tej chaw yam tsawg li 15 lub chaw ntawm lub tuam txhab Al Qard Al-Hassan yog cov chaw pab nyiaj txiaj rau Hezbollah.
Australia kuj yuav siv nyiaj 7 billion dollars mus yuav Meskas cov foob pob Standard Missile 2 Block IIIC (SM2 IIIC) and Standard Missile-6 (SM-6) uas yog ib cov foob pob tua nruab ntug thiab txais puas txwv vam meej tshaj plaws hauv ntiaj teb no.
Teb chaws Australia kuj yuav ua tib zoo xyuas kom txij li xyoo 2025 no mus tej neeg Australia uas xav mus saib tej duab liab qab thiab twv txiaj hauv online yuav tau qhia lawv lub hnoob nyoog tseeb raws li tej tswv yim tswj kev nyab xeeb xav ua. Ces thiaj muaj 5 lub koom haum sawv cev rau tej lagluam social media thiab search engines tau qhia txog tej tswv yim tswj kev nyab xeeb hnub no thiab yuav pub zej tsoom tawm tswv yim ua ntej yuav muab xa rau eSafety Commissioner yav lig lub 11 hli ntuj 2024.
Raws li tau muaj cov kev teeb txheeb tshiab ntawm lub koom haum Women of Colour thiab Australian National University tau txheeb tau ces yeej muaj 2 tug ntawm 3 tug poj niam ntawm tej neeg coj ntseeg ntau yam kab lis kev cai raug faib cais thiab ntxug ntxaug ntawm tej chaw ua hauj lwm.
Tej muaj tej coj pov puag tej ib puag ncig yuav laug txog 12,000 tus tau sib sau ntawm Colombia los daws ntiaj teb tej teeb meem muaj tej txuab zeej txuab sim (toj rooj hauv pes hav zoov hav tsuag thiab nrog tsuag xyoob ntoo, tsiaj txhu) uas tau muaj tsawg zuj zus ntawm UN lub rooj sab laj COP16 raws li tej kev cog lus ntawm 196 lub teb chaws xyoo 2022 uas yuav siv nyiaj txog li 200 billion dollars ib xyoos twg txog xyoo 2030 los pov puag tej no.
Alexi Navalny tus poj ntsuam Yulia Navalnaya tau nrog BBC interview thiab qhia tias nws yuav los sib tw President nrog Vladimir Putin uas tau ua nom ntev heev ntawm Kremlin tab sis nws tseem nyob txawv teb chaws tsis muaj peev xwm rov qab los tsev lub caij Putin tseem ua nom.
Lub koom haum Central Park Five uas sawv cev rau tej hluas nto nkauj nto nraug neeg dub thaib Hispanic (neeg Spainish) uas raug liam tias cuam tshuam nrog cov xwm txheej yuam deev ib tug neeg dawb uas khiav taug kev xyoo 1989 ntawm New York's Central Park uas rau txim 5 txog 13 xyoos ua ntej lawv yuav tau txais kev ywj pheej xyoo 2002 vim muaj tej pov thawj DNA thiab lwm tus neeg qhia qhov tseeb tab tom coj Donald Trump mus hais plaub liam tias nws tej lus tau hais tas mus li tias Central Park Five tau tua ib tug neeg ces thiaj raug teem txim no yog ib cov kev saib tsis tau lawv.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
