Xov xwm tshaj ntawm lub limtiam rau hnub zwj Teeb (Weekly news for Thursday 12.12.2024):
Australia thiab Papua New Guinea (PNG) kuj tau pom zoo rau cov kev ruaj ntseg uas Australia yuav pab tsim PNG pab neeg sib tw National Rugby League rau lub caij 10 xyoo thiab yuav siv nyiaj txog li $600 million kom Australia yog tus security partner of choice over China.
Tau muaj ib lub tsev txiav txim plaub ntug teb chaws txheeb tau tias John Pesutto uas yog tus coj lwm pab nom xeev Victoria tau thuam Liberal MP Miora Deeming vim tus nom no tau liam tias Deeming yog tus txhab nqa tej neeg neo Nazi. Tab sis qhov tseeb tiag nws tsis muaj feem dab tsi rau cov neeg hnav khaub ncaws dub uas tsa tes hawm tej Nazi sab nraum tsev tsoom fwv thaum nws tau mus koom cov kev rwg npoj anti-transgender tsaib no.
Australia tau tawm suab pom zoo nrog UN ob tsab resolutions, thawj tsab ces yog cia li kom xaus tsov rog kiag tam sim no yam tsis muaj lus khis dab tsi thiab xaus kom ruaj, nqe ob ces yog txhawb nqa UN lub koom haum UNWRA cov kev pab tej neeg txom nyem Palestinians. Thiaj tau muaj tej xwm txheej no tom qab tau ntau hnub uas Australia tau pom zoo nrog UN tsab resolution uas hais kom Israel cia li tso tseg nws txhua cov kev tswj Palestinian tej nrim teb chaws yam tsis raug kev raug cai.
Tom qab tau muaj ntau cov xwm txheej tawm tsam tej zejzog neeg Jews ntawm Melbourne thiab Sydney lawm ces Chris Minns uas yog hau xeev NSW hais tias nws tus tsoom fwv tseem xav seb puas yuav kho tej cai tswj cov kev rwg npoj sab nraum tej chaw teev hawm. Thawj pwm tsav Anthony Albanese los kuj pom zoo nrog lub tswv yim no, thiab nws kuj tau qhia hnub zwj Feej (Wednesday) dhau los tias yuav pab $8.5 million tsim Sydney Jewish Museum thiab kho tej xov xwm qhia kom tej neeg paub txog tej xwm txheej Holocaust thiab tau nqua hu kom tej nom tswv thiab tej tub koom siab zejzog koom tes tawm tsam nrog lub tswv yim faib cai ntxub ntxaug neeg Jews.
Labor tau cog lus tias yog nws yeej cov kev xaiv tsa tsoom fwv teb chaws Australia tshiab tom ntej no (5 hli ntuj xyoo 2025) ces Australia tej cuab yig yuav tau siv childcare subsidy 3 hnub ruaj, yog tias lawv yog cov cuab yig khwv tau nyiaj ib xyoos tsawg dua $530,000.
Mohammed al-Bashir uas yog Syria tus thawj pwm tsav uas tswj hwm ib ntus tam sim no hais tias nws yuav xyuas kom tos tau nws tej pej xeem tau tsiv ua neeg thoj nam rov qab thiab xyuas kom pov puag tau tag nrho txhua tus pej xeem thiab tau siv tej kev pab cuam tsim nyog siv, tom qab ntau pab neeg tawm tsam tau ntxeev tau tus tsoom fwv Assad uas tau ua rau muaj tsov rog pej xeem yuav laug txog 14 xyoos thiab nws tsev neeg tau tswj hwm nruj tsiv tau 60 xyoo.
Tau muaj ib cov kev teeb txheeb tshiab ntawm lub koom haum Australian Institute of Health and Welfare tau qhia tias cov xwm txheej lub cev muaj ceeb thawj thiab muaj ceeb thawj dhau heev lawm yog ib cov xwm txheej muaj ntau tshaj tej kev haus luam yeeb uas tau ras los ua ib cov chaw leg mob nkeeg rau Australia xyoo no. Ces tej xwm txheej no thiaj ua rau neeg Australia yuav tau siv nyiaj txog li $5.8 million los kho mob thiab ua rau lawv tas sim neej sai dua qhov tsim nyog.
Tau muaj ib tsab ntawv cej luam ntawm lub koom haum Australian Council of Social Services (ACOSS) qhia tias muaj tej neeg Australia poob hauj lwm ntau tuaj ntxiv thiab tej hauj lwm uas tej neeg xub pib ua thawj zaug los kuj muaj tsawg rau tej neeg ua lawm. Thiaj ua rau muaj cov kab theem neeg poob hauj lwm tau nce ntawm 51% xyoo 2021 mus ua 60% xyoo 2024 lawm. Ua ke no los lub koom haum no kuj hais kom tsoom hwv Australia kho nws cov chaw pab nrhiav hauj lwm rau tej neeg ua vim tsis muaj peev xwm pab tau tej neeg Australia poob hauj lwm kom nrhiav tau hauj lwm ua.
Tau coj 10 yam xov xwm kaw ua suab uas qhia txog Australia tej kab lis kev cai thiab tej laj fai kum xeeb coj msu tso ntxiv rau cov National Film & Sound Archieve hu ua Sounds of Australia collection lawm. Tej xov xwm no kuj muaj Australia tej neeg txum tim tej kab lis kev cai, nkauj hip hop, advertising jingle, theme tune thiab cov kev teeb tsa SBS tam li yog ib lub chaw nthuav xov xwm tshaj ntau yam lus xyoo 1975 hu ua 2AE (Ethnic Australia) uas thaum ntawd muaj cov lus Arabic, Greek, Italian, Maltese, Spanish thiab Yugoslav.
Bangkok Post tau qhia tias Thaib tus tsoom fwv tsis xav muaj feem cuam tshuam dab tsi nrog tej hauj lwm tub rog tom qab nws pab nom Pheu Thai ib tug nom tau thov npaj tsim ib tsab cai los kho Thaib tsab cai Defence Ministry Administration Act uas yuav pab tiv thaiv kom Thaib tej tub rog tsis txhob muaj peev xwm txheeb nom pej xeem thiab pab kom tsoom fwv tej nom tseem ceeb muaj feem koom los nrog xaiv tus nom tswj dej num tiv thaiv teb chaws thiab xiav tus hau rog.
Lub koom haum Football Australia qhia tias sai sai no ces tej zaum yuav muaj peev xwm nrhiav tau tus coach tshiab rau Australia pab poj niam ncaws pob Matildas lawm, tom qab uas Tony Gustavssons tau tawm vim tu siab tias Matildas tsis muaj peev xwm sib tw zoo raws siab xav thaum koom Women World's Cup 2024 lub 8 hli ntuj dhau los.
Saudi Arabia los kuj yog lub teb chaws uas FIFA tau qhia tias raug xaiv los ua tus tswv cuab tswj txiv neej cov kev sib tw ncaws pob FIFA Men's World Cup xyoo 2034 lawm.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum los yog lwm cov podcast platforms (, , thiab ).
