དེ་བཞིན་ཁྱེད་རང་ཨོ་སི་ཊོ་ལི་ཡའི་ནང་མཐོ་རིམ་གྱི་སློབ་སྦྱོང་བྱེད་ས་ཞིག་ལ་འཛུལ་ཞུགས་ཐོ་འགོད་བྱས་ཡོད་ཚེ། ཁྱེད་རང་གི་སློབ་ཡོན་ཐད་བཀོད་སྒྲིག་ཏག་ཏག་ཅིག་ངེས་པར་དུ་དགོས་ཀྱི་ཡོད་པ་རེད།
སློབ་ཕྲུག་ཁག་ཅིག་གིས་སློབ་ཡོན་སྔོན་ལ་སྤྲད་ནས་བུན་ལོན་མི་དགོས་པ་བྱེད་ཀྱི་ཡོད་ཀྱང་། སློབ་ཕྲུག་མང་ཆེ་བ་ཞིག་གིས་གཞུང་གི་བུན་གཡར་སློབ་ཡོན་རག་ཐབས་བྱེད་ནས་དེས་རིམ་པར་སློབ་ཡོན་སྤྲོད་ཐབས་བྱེད་ཀྱི་ཡོད།
གཞུང་གི་བུན་ལོན་ལས་རིམ་དེ་ལ་མཐོ་རིམ་ཤེས་ཡོན་ཆེད་བུན་ལོན་ལས་རིམ་དང་ཡང་ན་རོགས་རམ་ཞེས་འབོད་ཀྱི་ཡོད།
རོགས་རམ་འཆར་གཞི་དེའི་ནང་བྱེ་བྲག་སྡེ་ཚན་མི་འདྲ་བ་ཁག་ལྔ་ཙམ་ཡོད་ཅིང་། དེའི་ནང་ HECS-HELP དང་། FEE-HELP ཟེར་བ་གཉིས་ཁྱབ་ཆེ་ཤོས་གྲས་ཡིན།
ཨོ་གླིང་ཤེས་རིག་ལྷན་ཁང་གི་མགྲིན་ཚབ་པ་སི་ཊི་ཕན་སི་ཊོ་ཝིལ་ Stephanie Stockwell ལགས་ཀྱིས་ HECS-HELP loan ཞེས་པའི་བུན་གཡར་དེ་རག་པར་ཁྱེད་རང་ངེས་པར་དུ་ Commonwealth Supported Place ཞེས་པའི་ལས་རིམ་དེར་འཛུལ་ཞུགས་བྱེད་དགོས་ཀྱི་ཡོད་སྐོར་འགྲེལ་བརྗོད་གནང་འདུག
Commonwealth Supported Place དང་ཡང་ན་ CSP དེ་སློབ་ཕྲུག་འཛུལ་ཞུགས་བྱེད་སའི་གཙུག་ལག་སློབ་གཉེར་ཁང་དེ་ལ་གཞུང་གི་ཁ་ཐུག་རོགས་རམ་འོག སློབ་ཡོན་ཁྱོན་ཡོངས་ནས་ཆགས་ཡངས་རག་གི་ཡོད་པ་རེད། འོན་ཀྱང་ད་དུང་སློབ་ཕྲུག་ཞིག་ལ་མཚོན་ན་སློབ་ཡོན་ཁག་ཅིག་སྤྲོད་དགོས་ཀྱི་ཡོད་པས་རོགས་རམ་བུན་གཡར་ HELP loan ཟེར་བ་དེ་ཐོབ་ཐང་ཡོད་ན་དེ་རག་ཐབས་བྱ་རྒྱུ་གལ་ཆེན་པོ་ཆགས་ཡོད། རོགས་རམ་བུན་གཡར་དེས་ལྷག་འཕྲོས་སློབ་ཡོན་དེ་སྤྲོད་ཐུབ་ཀྱི་ཡོད་པ་རེད་ཅེས་གསུངས་འདུག
HECS-HELP ཞེས་པའི་རོགས་རམ་དེས་སློབ་ཡོན་གཞན་དག་སྤྲོད་ཐུབ་ཀྱི་ཡོད་ཀྱང་ཁྱེད་རང་སྡོད་ས་དང་འགྲོ་སོང་གཞན་དག་ལ་རོགས་དངུལ་དེའི་ནང་ཚུད་ཀྱི་མེད་པ་རེད།
ལྕམ་སི་ཊོ་ཝིལ་ Stockwell ལགས་ཀྱིས་ཁྱེད་རང་ལ་སློབ་ཡོན་རོགས་དངུལ་ HECS-HELP དང་ཡང་ན་ FEE-HELP གང་རུང་ཞིག་རག་པར་གཙོ་བོར་ཁྱེད་རང་སློབ་སྦྱོང་གང་དུ་བྱ་རྒྱུ་ཡིན་མིན་ལ་རག་ལུས་ཡོད་སྐོར་གསུངས་འདུག
ཁྱེད་རང་གིས་སློབ་ཡོན་རོགས་དངུལ་གང་ལ་སྙན་ཞུ་འབུལ་མིན་ནི་གཙོ་བོར་ཁྱེད་རང་གི་སློབ་ཞུགས་བྱེད་ས་ལ་རག་ལུས་ཡོད་པ་རེད། དེ་གཉིས་ཀས་སློབ་མ་ཚོར་མཐོ་རིམ་གྱི་སློབ་སྦྱོང་ཆེད་དུ་སློབ་ཡོན་རོགས་རམ་གནང་གི་ཡོད། ཡིན་ན་ཡང་ HECS-HELP བུན་གཡར་དེ་ཁྱེད་རང་གི་ CSP ཁོང་གཏོགས་གང་རུང་ལ་བེད་སྤྱོད་བྱེད་ཆོག་ལ། FEE-HELP ཞེས་པའི་སློབ་ཡོན་བུན་གཡར་དེ་ཨོ་སི་ཊོ་ལི་ཡའི་ནང་གཙུག་ལག་སློབ་གཉེར་ཁང་དམིགས་བསལ་རོགས་རམ་མེད་ས་སློབ་ཡོན་ཆ་ཚང་སྤྲོད་དགོས་ས་དེ་ཚོའི་ནང་བེད་སྤྱོད་བྱེད་ཆོག་ཅེས་གསུངས་འདུག
གོང་གསལ་ HECS-HELP དང་ FEE-HELP ཞེས་པའི་སློབ་ཡོན་རོགས་རམ་དེ་དག་སློབ་གཉེར་ཁང་ཁག་ཅིག་གིས་སློབ་ཕྲུག་རྣམས་ལ་ངེས་པར་དུ་སློབ་ཡོན་སྔོན་ལ་སྤྲོད་དགོས་པའི་གནོན་ཤུགས་འོག་ལ་ཁེ་ཕན་རོགས་རམ་དེ་དག་ཐོབ་ཀྱི་ཡོད་པ་དང་། ཡིན་ན་ཡང་ HELP loan ཞེས་པའི་སློབ་ཡོན་བུན་གཡར་གྱི་རོགས་དངུལ་དེ་སློབ་ཕྲུག་ཚང་མ་ལ་ཐོབ་ཐང་ཡོད་པ་ཞིག་ཆགས་ཀྱི་མེད།
རོགས་རམ་དེ་དག་གཙོ་བོར་མི་སེར་དང་། དེ་ནས་ཐོངས་ཆེན་གྱི་ཁྱད་པར། གཏན་སྡོད་བྱེད་མཁན་ཡིན་མིན་གྱི་ཁྱད་པར་སོགས་གནང་སྟངས་མང་པོ་ཞིག་ལ་རག་ལུས་ཡོད་སྐོར་ཨོ་སི་ཊོ་ལི་ཡ་གཙུག་ལག་སློབ་གཉེར་ཁང་གི་ལག་བསྟར་འགན་འཁུར་བ་རེ་ནན་ཧིན་ཌི་མཱར་ཤ་ Renee Hindmarsh ལགས་ཀྱིས་འགྲེལ་བརྗོད་གནང་འདུག
རོགས་རམ་ལས་འཆར་འདིའི་ནང་ཨོ་སི་ཊོ་ལི་ཡི་མི་སེར་རྣམས་ཨོ་སོ་ཊོ་ལི་ཡའི་ནང་མ་མཐའ་ཡང་སློབ་སྦྱོང་སྦྱོང་བརྡར་ཁག་ཅིག་ཐོབ་ཆེད་དང་། ད་དུང་ཐོངས་ཆེན་གྱི་དུས་ཡུན་གནས་བབས། གཞན་ཡང་ད་ལྟའི་ཆར་སྔོན་མར་ནིའུ་ཛི་ལན་ཌིའི་དམིགས་བསལ་ཐོངས་ཆེན་ཡོད་མཁན་གང་ཞིག་ཨོ་སི་ཊོ་ལི་ཡའི་ནང་དུས་ཡུན་རིང་པོར་གནས་སྡོད་བྱས་ཡོད་མཁན་དང་ཨོ་སི་ཊོ་ལི་ཡའི་ནང་སློབ་སྦྱོང་གི་འདོད་པ་ཡོད་མཁན་དེ་ཚོར་ཐོབ་ཐང་དེ་རག་གི་ཡོད། ཨོ་སི་ཊོ་ལི་ཡའི་ནང་གཏན་སྡོད་བྱེད་མཁན་དང་སྔོན་མར་འགྲོ་བ་མིའི་སྙིང་རྗེའི་ལམ་ནས་ཐོངས་ཆེན་རག་ནས་ཨོ་སི་ཊོ་ལིི་ཡའི་ནང་གནས་སྡོད་བྱེད་ཡོད་མཁན། ཞི་བདེ་རྒྱ་མཚོའི་གཉེན་སྒྲིག་གི་ཐོངས་ཆེན་ཡོད་མཁན་དེ་ཚོའི་རོགས་ལ་རོགས་རམ་ཐོབ་ཐང་དེ་རག་གི་ཡོད་པ་རེད་ཅེས་གསུངས་འདུག
ཡང་ལུང་པ་གཞན་དག་ནས་ཆེད་མཁས་པ་དེ་ཚོས་དམིགས་བསལ་བྱེ་བྲག་གི་སློབ་ཡོན་བུན་གཡར་ FEE-HELP དེ་ bridging course ཞེས་པའི་སློབ་སྦྱོང་གནང་བཞིན་པའི་སྐབས་སུ་རག་གི་ཡོད་འདུག
ཁྱེད་རང་གི་ཉིན་གང་དང་། ཡང་ན་ཉིན་ཕྱེད་གང་རུང་གི་སྒོ་ནས་སློབ་སྦྱོང་བྱེད་བཞིན་ཡོད་ཀྱང་། གཙོ་བོར་ཁྱེད་རང་གི་སློབ་སྦྱོང་བྱེད་པའི་སློན་ཚན་གྱི་གྲངས་འབོར་ཚད་གཞི་ལ་གཞིར་བཅོར་ནས་བུན་གཡར་དེ་གནང་གི་ཡོད་པ་རེད།
ཁྱེད་རང་སློབ་སྦྱོང་བྱེད་སའི་མངའ་སྡེ་དང་ས་ཁུལ་དེའི་ནང་གཞུང་གི་དཔལ་འབྱོར་རོགས་རམ་སྐོར་གྱི་གནས་ཚུལ་གང་མང་ཞིག་དྲ་ཚིགས་ atstudyassist.gov.au ཐོག་ལ་གཟིགས་རོགས།
