ਆਸਟ੍ਰੇਲੀਆ ਵਿੱਚ ਸਰਦੀ ਪੂਰੇ ਜੋਰਾਂ ਨਾਲ ਸ਼ੁਰੂ ਹੋ ਗਈ ਹੈ, ਅਤੇ ਇਸਦੇ ਨਾਲ ਹੀ ਆ ਗਈਆਂ ਨੇ ਸੋਹਣੇ ਪੰਜਾਬ ਦੀਆਂ ਯਾਦਾਂ ਵੀ... ਮਾਂ ਦੇ ਹੱਥਾਂ ਦੀਆਂ ਪੱਕੀਆਂ ਮੱਕੀ ਦੀਆਂ ਰੋਟੀਆਂ, ਗੁੜ ਵਾਲੀ ਚਾਹ, ਗਰਮਾ ਗਰਮ ਗਜਰੇਲੇ, ਪੰਜੀਰੀ ਅਤੇ ਪਿੰਨੀਆਂ ਆਦਿ ਦੀਆਂ ।
ਤੁਹਾਡੇ ਵਿੱਚੋਂ ਕਿੰਨੇ ਲੋਕਾਂ ਨੂੰ ਯਾਦ ਹੈ, ਠੰਡ ਲੱਗਣ ਸਮੇਂ ਗਰਾਰੇ ਕਰਨਾ ਜਾਂ ਲਾਟੀ ਖਾਣਾ ? ਕੀ ਤੁਸੀਂ ਜਾਣਦੇ ਹੋ ਕਿ ਇਹਨਾਂ ਘਰੇਲੂ ਨੁਸਖਿਆਂ ਵਿੱਚ ਸਿਰਫ ਪਿੰਡ ਦੀ ਯਾਦ ਤੇ ਮਾਂ ਦਾ ਪਿਆਰ ਹੀ ਨਹੀਂ ਹੈ, ਬਲਕਿ ਇਮਿਊਨਿਟੀ ਵਧਾਉਣ ਵਾਲੇ ਕਈ ਤੱਤ ਵੀ ਹੁੰਦੇ ਹਨ।
ਐਸ ਬੀ ਐਸ ਪੰਜਾਬੀ ਨਾਲ ਵਿਸ਼ੇਸ਼ ਗੱਲਬਾਤ ਦੌਰਾਨ ਡਾ: ਗਗਨ ਸੰਧੂ ਨੇ ਦੱਸਿਆ ਕਿ ਭੋਜਨ ਰਾਹੀਂ ਪੌਸ਼ਟਿਕ ਤੱਤਾਂ ਦਾ ਸੇਵਨ ਸਪਲੀਮੈਂਟ ਲੈਣ ਨਾਲੋਂ ਜਿਆਦਾ ਲਾਭਕਾਰੀ ਸਾਬਤ ਹੁੰਦਾ ਹੈ। ਉਨ੍ਹਾਂ ਕਿਹਾ ਕਿ ਆਂਵਲਾ, ਅਦਰਕ, ਹਲਦੀ ਸਮੇਤ ਰਵਾਇਤੀ ਮਸਾਲਿਆਂ ਦੀ ਰੋਜ਼ ਦੇ ਖਾਣੇ ਵਿੱਚ ਕੀਤੀ ਜਾਣ ਵਾਲੀ ਵਰਤੋਂ ਅਤੇ ਪਾਣੀ ਦੇ ਸੇਵਨ ਦਾ ਧਿਆਨ ਰੱਖਣ ਨਾਲ ਵੀ ਇਮਿਊਨ ਸਿਸਟਮ ਨੂੰ ਤਾਕਤਵਰ ਬਨਾਉਣ ਵਿੱਚ ਮਦਦ ਮਿਲ ਸਕਦੀ ਹੈ।
ਆਸਟ੍ਰੇਲੀਆ ਵਿੱਚ ਰਹਿੰਦੇ ਪੰਜਾਬੀਆਂ ਲਈ ਸਰਦੀਆਂ ਦੇ ਮਨਪਸੰਦ ਦੇਸੀ ਖਾਣੇ ਜਿਵੇਂ ਕਿ ਗਜਰੇਲਾ, ਪੰਜੀਰੀ ਅਤੇ ਪਿੰਨੀ ਦਾ ਸੇਵਨ ਸੰਜਮ ਨਾਲ ਕਰਨਾ ਚਾਹੀਦਾ ਹੈ। "ਜੇਕਰ ਅਸੀਂ ਸਰੀਰਕ ਗਤੀਵਿਧੀਆਂ ਦੇ ਨਾਲ ਇਨ੍ਹਾਂ ਚੀਜ਼ਾਂ ਦਾ ਸੇਵਨ ਕਰਦੇ ਹਾਂ, ਤਾਂ ਇਹ ਸਭ ਠੀਕ ਹੈ ਪਰ ਜੇਕਰ ਅਕਿਰਿਆਸ਼ੀਲ ਜੀਵਨ ਸ਼ੈਲੀ ਦੇ ਨਾਲ ਇਸ ਦਾ ਜ਼ਿਆਦਾ ਸੇਵਨ ਕੀਤਾ ਜਾਵੇ, ਤਾਂ ਇਹ ਸਾਰੇ ਸਵਾਦਲੇ ਭੋਜਨ ਸਰੀਰ ਦੀ ਚਰਬੀ ਨੂੰ ਵਧਾ ਵੀ ਸਕਦੇ ਹਨ।"
ਸਿਡਨੀ-ਅਧਾਰਤ ਫ਼ੂਡ ਇੰਫਲੂਏਂਸਰ ਅਤੇ ਇੰਸਟਾਗ੍ਰਾਮ 'ਤੇ 'ਦ ਮਾਡਰਨ ਦੇਸੀ' ਦੇ ਨਾਂ ਤੋਂ ਜਾਣੀ ਜਾਣ ਵਾਲੀ ਭਾਵਨਾ ਕਾਲੜਾ ਨੇ ਰਵਾਇਤੀ ਸਮੱਗਰੀ ਨੂੰ ਖੁਰਾਕ ਵਿੱਚ ਸ਼ਾਮਲ ਕਰਨ ਦੇ ਆਧੁਨਿਕ ਤਰੀਕੇ ਸਾਂਝੇ ਕੀਤੇ ਹਨ। ਜਿਵੇਂ ਕਿ ਅਦਰਕ ਤੋਂ ਬਣੇ ਮੋਰਨਿੰਗ ਪਾਵਰ-ਸ਼ੋਟ । ਹੋਰ ਜਾਣਨ ਲਈ, ਇਸ ਪੋਡਕਾਸਟ ਨੂੰ ਸੁਣੋ।
ਦਰਸ਼ਕਾਂ ਨੂੰ ਸਮਝਦਾਰੀ ਵਰਤਣ ਦੀ ਸਲਾਹ ਦਿੱਤੀ ਜਾਂਦੀ ਹੈ: ਐਸਬੀਐਸ ਇਸ ਪੋਡਕਾਸਟ ਵਿੱਚ ਡਾਕਟਰੀ ਸਲਾਹ ਨਾਲ ਚੱਲਣ ਦੀ ਸਿਫਾਰਸ਼ ਕਰਦਾ ਹੈ। ਪੋਡਕਸਟ ਵਿੱਚ ਸੁਝਾਈਆਂ ਗਈਆਂ ਜੜੀ-ਬੂਟੀਆਂ ਜਾਂ ਭੋਜਨ ਵਾਲੀਆਂ ਵਸਤਾਂ ਨੂੰ ਆਪਣੀ ਖੁਰਾਕ ਵਿੱਚ ਸ਼ਾਮਲ ਕਰਨ ਤੋਂ ਪਹਿਲਾਂ, ਆਪਣੇ ਡਾਕਟਰ ਨਾਲ ਸਲਾਹ ਕਰੋ। ਦਰਸ਼ਕਾਂ ਨੂੰ ਐਲਰਜੀ ਅਤੇ ਸਿਹਤ ਸਥਿਤੀਆਂ 'ਤੇ ਵਿਚਾਰ ਕਰਨੀ ਚਾਹੀਦੀ ਹੈ ।
ਹੋਰ ਜਾਨਣ ਲਈ ਸੁਣੋ ਐਸ ਬੀ ਐਸ ਪੰਜਾਬੀ ਦੀ ਇਹ ਆਡੀਓ ਪੇਸ਼ਕਾਰੀ.....
LISTEN TO
ਕੀ ਪਰੰਪਰਾਗਤ ਪੰਜਾਬੀ ਖਾਣੇ ਫਲੂ ਦੇ ਮੌਸਮ ਦੌਰਾਨ ਇਮਿਊਨਿਟੀ ਵਧਾਉਣ ਵਿੱਚ ਕਰ ਸਕਦੇ ਹਨ ਮੱਦਦ?
SBS Punjabi
09/07/202410:35
ਸੋਮਵਾਰ ਤੋਂ ਸ਼ੁੱਕਰਵਾਰ ਸ਼ਾਮ 4 ਵਜੇ ਸਾਡਾ ਪੰਜਾਬੀ ਪ੍ਰੋਗਰਾਮ ਐਸਬੀਐਸ ਸਾਊਥ ਏਸ਼ੀਅਨ 'ਤੇ ਸੁਣੋ। ਸਾਨੂੰ ਤੇ ਉੱਤੇ ਵੀ ਫਾਲੋ ਕਰੋ।
