Iħallina l-eks xandar u membru ħabrieki tal-komunità Maltija, Tony Spiteri

B’sogħba nħabbru l-mewt tal-eks kollega tal-SBS, Tony Spiteri li ġrat fil-25 ta’ Diċembru fl-għomor ta’ 71 sena. Minbarra x-xogħol tar-radju għal bosta snin Tony Spiteri kien membru attiv fil-komunità Maltija fosthom, fit-tagħlim tal-Malti, il-Maltese Literature Group, il-Maltese Performing Arts Association, il-festival kulturali Malti u bosta għaqdiet u assoċjazzjonijiet oħra. Waqt li għon-nom tal-SBS nagħtu l-kondoljanzi lill-familja tiegħu, naħsbu fih fit-talb tagħna. Mulej agħtih il-mistrieħ ta’ dejjem.