កម្ពុជាចាប់ផ្តើមសាងសង់ផ្លូវក្រវាត់ព្រំដែនវៀតណាមប្រវែងប្រមាណ ២៥០គីឡូម៉ែត្រ

កាលពីចុងសប្តាហ៍មុន រាជរដ្ឋាភិបាលកម្ពុជា ចាប់ផ្តើមសាងសង់ផ្លូវក្រវាត់ព្រំដែនប្រវែងប្រមាណ ២៥០គីឡូម៉ែត្រ ដោយប្រើប្រាស់ថវិការបស់មូលនិធិកសាងហេដ្ឋារចនាសម្ព័ន្ធតាមព្រំដែន។ ការចាប់ផ្តើមដំណើរការការដ្ឋានសាងសង់ផ្លូវក្រវ៉ាត់ព្រំដែននេះ ធ្វើឡើងស្របពេលដែលមូលនិធិកសាងហេដ្ឋារចនាសម្ព័ន្ធតាមព្រំដែន ដោយផ្តោតលើការកសាងផ្លូវក្រវាត់ព្រំដែន បានបិទបញ្ចប់ កាលពីថ្ងៃទី៣១តុលា ដោយប្រមូលបានថវិកាជិត ២៧លានដុល្លាអាមេរិក។