Australia lub koom haum Financial Complaints Authority tau zoo siab nrog tsoom fwv teb chaws lub tswv yim uas npaj los xyuas kom tej tuam txhab lagluam yuav tsum tau los ua lawv tej luag hauj lwm los tiv thaiv thiab los txheeb tej xwm txheej scams (tej xwm txheej neeg phem siv tom txwv ntxias dag kom tej neeg poob nyiaj).
Stephen Jones uas yog tus nom ua hauj lwm pab Australia tus nom tswj nyiaj txiaj rau tsoom fwv Ablanese tau qhia txog tsoom fwv lub tswv yim rau hnub zwj Kuab (Friday tim 13.09.2024) no tias yuav kom tej tuam txhab nyiaj, tej tuam txhab social media thiab tej tuam txhab muag xov tooj yuav tau los nrog tiv thaiv, txheeb, cuam tshuam thiab cej luam tej xwm txheej scams ntawm lawv tej lagluam.
Thiab yog tej tuam txhab lagluam twg uas tsis ua lawv tej hauj lwm no ces tej zaum yuav raug nplua nyiaj txog li $50 million.
READ MORE
Tswv yim tawm tsam nrog scmmers
Mr Jones qhia tias pab nom Labor yeej tau los tawm tsam nrog tej xwm txheej scams no txij li thaum nws tau los ua nom lawm.
Nws hais tias ''Yog thawj zaug rau lub caij ntev tshaj li 10 xyoo uas tej xwm txheej scams tau ua rau tej neeg raug dag poob nyiaj tsawg dua ob npaug. Thiab kuj tau muaj tej xwm txheej no tsawg lawm. Tab sis cov kev raug dag poob nyiaj txog $2.75 billion no ces yeej tseem yog cov kev paug nyiaj ntau dhau heev lawm thiab tau tsim kev puaas tsuaj loj heev, txhua txhua ib dollar ntawm tej nyiaj uas tau poob no yeej yog ib zaj dab neeg puas tsuaj ntawm ib tug neeg twg uas raug dag poob nyiaj sawb lawj kiag, thiab tau ua rau nws ntsib kev nyuaj siab ntxov plawv, tu siab thiab tsis pom qab yuav ua li cas li lawm.''
Tsab cai nod ces tam sim no yeej tseem qhib kev dav coj mus sab laj nrog zej tsoom, uas tsoom fwv cia siab tias yuav muaj peev xwm tsim tau coj los ua cai siv rau thaum ntxov xyoo tom ntej no (2025).
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
